Orðlaus - 28.08.2004, Síða 16
Frægasti íslendingurinn
HVAR: Ægisíða 94
HVAÐ: Heimili stjörnu og stolts íslendinga, hennar
Bjarkar Guðmundsdóttur. Þetta er frægasti
íslendingurinn og ef þú ert erlendis ber nafn hennar
iðulega á góma þegar maður segist vera íslendingur.
Ferðamönnum gæti þótt þetta vera stórmerkilegur
staður.
Foo Fighters og Nil fisk
HVAR: Stokkseyri
HVAÐ: Þarna er að finna æfingahúsnæði
hljómsveitarinnar Nil fisk en þeir urðu frægir eftir
að Dave Grohl og félagar hans úr hljómsveitinni Foo
Fighters löbbuðu inn á hljómsveitaræfingu hjá þeim
og fengu þá til að spila með sér f Laugardalshöllinni. í
kjölfar þess komust þeir á DVD disk sem Foo Fighters
gáfu út.
Uppáhaldsstaður Damons Albarns
HVAR: Kaffibarinn
HVAÐ: Þetta er besti vinur Islands. í rauninni
eini alvöru vinur íslands því hann kemur hingað
reglulega. Hann keypti sig inn í Kaffibarinn og sést
því reglulega þar þegar hann kemur á klakann.
• •
Texti: Hrefna Björk
ISLANDS
í útlöndum er algengt að ferðamenn kaupi sér svokallað stjörnukort en það er kort með leiðbeiningum að heimilum stórstjarna. Sem betur fer er
okkur alveg sama hvar hver býr en er þetta ekki eitthvað sem við fslendingar gætum farið að gera? Jú, við eigum nokkra staði sem væru tilvaldir
í svona ferðir. Það væri eflaust hægt að plokka peninga út úr túristunum sem koma hingað með því að fara með þá á eftirfarandi staði.
Kvíin hans Keikó
HVAR: Vestmannaeyjar
HVAÐ: Fyrrum heimili stórstjörnunnar Keikó, sem
nú stendur autt. Hvernig væri að veiða nýjan fisk og
hafa skipulagðar skoðunarferðir í stað þess að láta
kví sem kostaði margar milljónir standa auða. Við
verðum að halda sýningunni gangandi.
Fá innblástur í Mosó
HVAR: Mosfellsbær, Álafoss
HVAÐ: Stúdíó Sigur Rósar. Hvaðan ætli strákarnir í
Sigur Rós fái innblástur fyrir þessa fallegu tónlist?
I Mosfellsbænum auðvitað. Paradís rétt fyrir utan
borgarmörkin sem ætti að geta dregið að sér
ferðamenn.
Gljúfrasteinn
HVAR: í Laxnesi
HVAÐ: Húsið hans Halldórs Laxness. Nóbelsskáldið
okkar hefur lika notið sín vel í Mosfellssveitinni þvi
þar ritaði stórskáldið okkar bestu bækur. Hestaleigan
Laxness er þarna í næsta húsi og því væri hægt að slá
þessu saman í einn pakka, hestbak og skoðunarferð
í Gljúfrastein.
James Bond
HVAR: Jökulsárlón
HVAÐ: Hér var stór partur úr James Bond myndinni
„Die Another Day" tekinn upp. Halle Berry og Pierce
Brosnan mættu þó aldrei á klakann í tökur en það
þarf enginn að komast að því. Einn fallegasti staður
landsins og tilvalinn í stjörnukortið.
(Mynd Thorsten Henn)
Á Zeppelin slóðum
HVAR: Hótel Saga
HVAÐ: „We come from the land of the ice and snow
...." Ætli þetta hafi verið ort um Island ? Hver veit,
en kapparnir í Led Zeppelin eyddu tíma sínum hér á
landi í Reykjavík á Hótel Sögu og á skemmtistaðnum
Glaumbæ. Hótel Saga gæti því verið tilvalinn staður
til að sýna ferðamönnum þar sem Glaumbær brann
fyrir löngu síðan.
Norðurá
HVAR: Norðurá í Borgarfirði
HVAÐ: Uppáhalds veiðiáin hans Eric Clapton. Hann
kemur hingað ár eftir ár til að renna fyrir fisk í einni
af dýrustu ám landsins en dagurinn þar kostar allt
upp í 50.000 kr. Norðurá er oft kölluð fegursta á
landsins og væri því tilvalinn ferðamannastaður.