Orðlaus - 28.08.2004, Side 18
i.
Medíimir reykvisku roKksveltarinn
rúmlega helmíngur sveitarinnar kl
Framan af var eins og Singapore Sling ættu ekki
almennilega heima sviðinu. Töffarastælarnir, jafnan
aðalsmerki sveitarinnar úti á götu sem uppi á sviði,
virkuðu stirðbusalegir og þvingaðir. Eins og þeir
væru í skóm sem pössuðu ekki almennilega. Vel má
reyndar vera að allt sem birtist manni sama kvöld og
Lou Reed virðist minna töff, eða þá að Slingararnir
hafi bara verið stressaðir? Þegar leið á
tónleikana var hins vegar eins og þeir
fyndu sig í skónum og á sviðinu og allt
small saman. Sólgleraugu og sígarettur
uxu á þá tónleikagesti sem ekki báru
slíkt fyrir og bjórinn freyddi upp úr
glösunum. Þegar komið var að titillagi
nýju plötunnar virtist sem heimurinn
gengi fullkomlega upp í þrjár og hálfa
mínútu; Singapore Sling voru Rokk og
Ról - þrír gítarar, trommusett, bassi og hristur.
Hugtakið 'Rokk og Ról' virðist einmitt vera
upphafsmanni Singapore Sling og aðalsprautu,
söngvaranum Henrik Björnssyni, hugleikið um
þessar mundir. „Rock 'n' Roll gengur að mínum
dómi út á að búa til sinn eigin Rock 'n' Roll heim
og komast þannig hjá þessum almenna, leiðinlega
raunveruleika. Og það er alveg hægt - held ég.
Vona það allavega," segir Henrik og heldur áfram:
„Rock 'n' Roll gæti t.d. verið staður þar
sem allt er kúl, allir eru með sólgleraugu
inni og þú þarft ekki að vera þunnur
eða fara í bankann og vinnuna. Þetta er
auðvitað ákveðin rómantík sem gengur
stundum ekkert upp; maður þarf að
fara í fjölskylduboð, vakna á morgnana
og vinna eitthvað djobb. Gera stundum
niðurlægjandi hluti sem eru bara alls
ekkert Rock 'n' Roll. Það drepur svolítið
rokkið okkar. En maður reynir. Djöfull
reynir maður," segir Henrik og kveikir
sér í nýrri sígarettu. Þegar klukkutíma
löngu spjalli okkar lýkur mun hann hafa
keðjureykt sem nemur hálfum sígarettupakka eða
svo.
- Er titill nýju plötunnar (Life is Killing My Rock
'n' Roll) þá vísun í þetta um leið og vísun í gamalt
Suicide lag?
„Algjörlega. Við reynum allir að viðhalda sæmilega
rokkuðu lífi, en hversdagurinn drepur þær tilraunir
jafnóöum niður. Sama gildir raunar um ísland, smæð
þess drepur stundum rokk og rólið. Maður er alltaf
þessi gæi, sonur einhvers og sonarsonur einhvers.
Þess vegna er stundum erfitt að tala út 1 viðtölum
eða dissa einhver bönd, því það kemur alltaf í bakið
á manni. En þessu fylgja óneitanlega plúsar líka, það
er t.d. voða gott að geta farið f mat til ömmu eða
laumast í Isskápinn hjá mömmu."
- Nú vakna óneitanlega spurningar um djamm og
dóp sem hluta af rokk og ról lifsstílnum og virðast
smellpassa við ímynd hljómsveitarinnar. Eru þessir
þættir stórir hlutar í rokki og róli eins og Singapore
Sling sér það?
„Nei, engan veginn. Allt svona sukk, djamm og dóp;
þetta er eitthvað sem flestir gera á hverri einustu
helgi. Það gerir þig ekki að rokkara að drekka eða
dópa, þó það sé oft gaman. Það geta allir tekið fullt
af dópi og farið aö djamma um hverja helgi - það
þarf engan snilling til að kaupa hass í dag. Rokk
og ról snýst á endanum fyrst og fremst um músík.
Svefnlaus í einhverju stúdíói að spá endalaust í
einhverju snerilsándi; það er rokk og ról og ekki
eitthvað sem maður gerir á kafi í vitleysu. Þótt
vitleysa sé oft mjög nauðsynleg!!!"
Þessi orðaskipti okkar Henriks eiga sér stað tæplega
hálfum sólarhring áður en Singapore Sling mæta til
leiks á Grandrokkstónleikum sem greint er frá hér að
ofan. Mikið er um að vera hjá hljómsveitinni þessa
dagana; margnefnd ný breiðskífa er svo til nýkomin
í verslanir á íslandi og bíður útgáfu í BNA, hvaðan
sveitin er nýkomin úr stuttu tónieikaferðalagi
sem ráðgert er að haldi áfram í haust. „Það er nú
kannski rangt að kalla þetta tónleikaferðalag,
við spiluðum í New York og svo á einhverri hátíð í
Ottawa. Það var reyndar alveg magnað, við vorum
settir á heimstónlistarsviöið og spiluðum þar á
milli flamenkósöngvara og afrískra trommuleikara.
Fulltrúar íslenskrar heimstónlistar, í gallabuxum og
með sólgleraugu."
- Sá meðlimur Singapore Sling sem notið hefur hvað
mestrar kvenhylli, hristuleikarinn Siggi Shaker (eða
Finns) flutti nýverið til Japans. Hvernig hafið þið
hugsað ykkur að fylla I það óumdeilanlega stóra
skarö sem skapast af kynþokkafullri nærveru hans?
„Við erum opnir fyrir öllu. Okkur hefur jafnvel dottið
í hug að hafa opið inntðkupróf, þar sem menn hrista
sig fyrir framan myndavélar og við veljum þann
besta úr. I kvöld mun bandarískur vinur okkar leysa
hann af, en við höfum ekki tekiö neina ákvörðun
um framhaldið. Víst er aö það kemur ekki hver
sem er í Sigga stað. Við vonumst reyndar til þess að
geta heimsótt hann til Japans og tekið eina eða tvo
tónleika, mér skilst að rokktónlist sé alltaf að sækja
sig í veðrið þar eystra."
Ekki verður annað sagt en að Singapore Sling taki
stórt stökk fram á við með Life is Killing My Rock
'n' Roll. Hljómur fyrri plötunnar (The
Curse of...) og andrúmsloft eru enn við
lýði (þeim má best lýsa sem „sándtrakk-
við-týnda-helgi" - þar sem þú misstir
vinnuna, kláraðir peninginn þinn,
makinn yfirgaf þig - en það var samt
ótrúlega gaman, þótt þú munir það
ekki), en í þetta skiptið hafa Slingarar
lög til að standa undir þeim. Undir
nokkrum lítrum af fídbakki, fözzi og
ríverbi dyljast Ijúfar melódíur sem auðvelt er að
leggja á minnið og jafnvel syngja með, sé sá gállinn
á manni. Þar er jafnvel að finna nokkrar hjartnæmar
ballöður, líkt og hið Ijúfa J.D.
„Við tókum enga meðvitaða ákvörðun um að breyta
stíl okkar eða hljóm fyrir þessa plötu, heldur gáfum
okkur bara meiri tíma til að vinna úr henni og höfðum
úr meiri peningum að spila," segir Henrik aðspurður
um þessa stefnubreytingu. „Lögin eru sennilega
melódískari vegna þess að ég tók nýlega
upp á því að ganga með diktafón á mér
til að taka upp hugmyndir og laglínur
sem mér dettur í hug hverju sinni. Það
gerist oft að frábærar hugmyndir koma
til manns við ólíklegustu aðstæður,
úti á götu éða fyrir framan sjónvarpið,
og hverfa svo aftur samstundis. Þá er
betra að geta fest þær einhvern veginn
í minni og vinna úr þeim síðar. Sum
laganna eru svo tilkomin af fikti með
trommuheila eða sándpælingum. Ég hef
enga eina fyrirfram ákveðna aðferð við
lagasmíðar."
- Stefna Singapore Sling á allsherjar meik með þessari
plötu og indísamning í farteskinu, milljónasölu,
grúbbíur, rótara og fleiri lög í The O.C. (Lag þeirra
Overdriver var, sem frægt er orðið, notað í uppgjörs-
og-slagsmálasenu í þeirri ágætu unglingasápu)?
„Auðvitað væri það frábært. Það eru allir alltaf að
leita að því að fá samning erlendis og á endanum
takmark allra hljómsveita, að fá efniö sitt gefið
út um allan heim. Við vorum hæstánægðir með
það eitt að upplifa Bandaríkjatúr. Margir eru hins
vegar hræddir við að viðurkenna þennan metnað,
ef eitthvað mistekst eða hljómsveitin stendur ekki
undir honum, er það svo hallærislegt. En það verður
að reyna; ef maður reynir ekki einu sinni þá er þetta
tilgangslaust. Rokk er að reyna."
hauxotron@hotmail.com
B CCíllíl m CKKI Aa KOKKAnA B OfiCKKA M ODPA...
oooK w fiott m\ m nm vcfiio staooo m
AttT fíl m. Attlfi CfiO MCO SOtCtCOAOOO
INNIU ÞO ÞAfifT EKKIAO ÍM HNNIJIICOA PAOAI