Orðlaus - 28.08.2004, Blaðsíða 53
4
Hárstofan Gel er að flytja frá Spútnik
á Laugaveginum niður í hús á horni
Klapparstígs og Hverfisgötu. Þar verður þó
ekki einungis boðið upp á nýjustu hárlínurnar
heldur verður þar einnig opnað gallerí fyrir
unga og efnilega listamenn. Það eru þau
Anna Sigríður Pálsdóttir og Aron Bergmann
Magnússon sem standa að þessu og keppast
nú við að breyta húsnæðinu í opið rými,
þar sem heimilisleg stemning á að ráða
ríkjum. „Við Aron vildum virkja menninguna
í miðbænum, koma unglist á kortið og
auðvelda ungum listamönnum að sýna og
selja verkin sín. Hann mun sjá að mestu um
galleríið og ég tek við hárgreiðslustofunni
Gel," segir Anna Sigga.
Gel- nýr staður en sama
konsept
Sjaldan hefur verið jafn mikil gróska í lista- og
menningarlífi á íslandi eins og einmitt í dag og
gaman til þess að hugsa að þróunin sé bara upp
á við, en hvers vegna ákváðuð þið að gera þetta?
„Hugmyndin kviknaði þegar ákveðið var að flytja
Spútnik niður á Klapparstíg. Ég átti alltaf að taka
við Gel en í nýju búðinni er ekki nein aðstaða. Jón
Atli stefndi alltaf á að fara til New York að vinna,
en hann verður á Gel út september og fer síðan út
og ég gat ekki hugsað mér að fara á aðra stofu því
að konseptið á Gel er nákvæmlega það sem ég vil
vinna í. Ég hafði alltaf hugsað mér að opna mína
eigin stofu einn daginn og þarna fékk ég smá spark
í rassinn. Ég lagði þessa hugmynd fyrir Aron sem
stökk á þetta," segir Anna Sigga.
Opíð rými fyrir unga listamenn
Svæðið, sem lagt verður undir galleríið, er rúmir
70 fermetrar. Þetta er þó ekkert venjulegt gallerí
heldur mjög opið rými og stemningin heimilisleg
þar sem hægt verður að fá sér kaffi, spjalla við
vinina og skoða það nýjasta í listinni hverju sinni.
Þar geta ungir listamenn fengið að sýna verkin sín á
viðráðanlegu verði og áhugasamir komið og skoðað
og keypt verkin þeirra. „Þetta er gullið tækifæri fyrir
unga listamenn sem eru ef til vill ekki ennþá búnir
að skapa sér neitt ákveðið nafn. Við tökum minni
sölulaun en hin galleríin því við viljum koma ungum
listamönnum á framfæri eins og maður er sjálfur.
Við viljum hafa þetta svolítið virðulegt en samt með
hráum ungum stíl og þess vegna er líka gaman að
blanda þessu svona saman, hárgreiðslustofunni
og galleríinu. Fá fólk sem er að koma í galleríið í
klippingu og öfugt," segir Aron. Galleríið mun vera
með nýjar sýningar reglulega og inni í leigunni á
sýningarsalnum fá listamennirnir smá opnunarpartý.
„Það verður alveg gert samhliða stofunni líka,
þannig að þegar það er einhver fíesta í galleríinu
þá verður það á stofunni líka, boðið upp á góð kaup
og léttar veitingar," segir Anna. „Við viljum aðallega
hafa þetta heimilislegt og þægilegt, verðum með
plötuspilara og fáum stundum dj-a til að spila. Svo
færðu kannski rauðvíns- eða hvítvínsglas ef þú
kaupir verk," bætir Aron við.
Opnunarpartý, graffítíljóða-
Ijósmyndun og ARG
Opnun er mánudaginn 6. september og í sömu viku
er stefnt að glæsilegu opnunarpartýi þar sem léttar
veitingar og góð tónlist verður í boði. Þar verður
meðal annars hægt að skoða graffitíljóðaljósmyndun
og sýningu frá listahópnum ARG. Svo er bara að sjá
hverjir fleiri bætast í hópinn. Hvort sem þú ætlar
þér að versla eða ekki þá verður gaman að koma
og skoða, setjast í sófann og drekka kaffi með
félögunum og skella sér svo í klippingu.
Anna og Aron hvetja fólk til að koma og hafa
samband, annað hvort með að senda póst á
aronbergmann@hotmail.com, hringja í símann
hjá Gel, 551 7733 eða bara labba við í græna
bárujárnshúsinu á horni Klapparstígs og Hverfisgötu.
Opnunartími er 11-7 mánudaga til föstudaga og 12-5
laugardaga.
%
Stórhöfða 17 • Suðurlandsbraut 6 • Hlíðasmára 12
Nings Express Hagkaup Kringlunni
Pöntunarsími 588 9899
Bragðgóður
og hollur matur
til að taka með heim
...borða á staðnum eða fá sendann heim.
...og kroppurinn blómstrar
■BMMMBB
I