Sveitarstjórnarmál - 01.08.1949, Blaðsíða 42

40
SVEITARST J ÓRNARHÁLi
FjárhagsráS og umboðsstörfin.
Skömmu eftir að fjárhagsráð tók til starfa,
skv. lögum nr. 70 frá 1947, hóf það úthlut-
un á leyfum fyrir ýmis konar efni, svo sem
byggingarefni, benzíni o. fl. Birtust í ágúst
1947 margar tilkynningar í blöðum og út-
varpi frá fjárhagsráði þetta varðandi og var
við það miðað að aðalúthlutun leyfanna
utan Reykjavíkur væri falin oddvitum og
bæjarstjórum. En í Reykjavík voru leyfin af-
greidd af skrifstofum fjárhagsráðs.
Oddvitum og bæjarstjórum voru og send
mörg skjöl og skilríki í þessu sambandi og
fyrir þá lagt að inna af höndum rnikil störf
í þágu fjárhagsráðs. Var það einkum úthlut-
un og veiting fjárfestingarleyfa og eftirlit
með, að fyrirmælum fjárliagsráðs væri fvlgt.
Oddvitar og bæjarstjórar hófu störf fvrir
fjárhagsráð möglunarlaust, enda þótt þau
yrðu hjá mörgum hverjum harla mikil, eril-
söm og illa liðin.
Þá var og þessum störfum mjög misskipt,
þar sem sumurn þessara manna var aðeins
falin úthlutun í sínu sveitarfélagi, en öðrum
úthlutun fyrir stór héruð. Varð þetta því
mikið starf hjá sumurn, en lítið hjá öðrum
og nokkur sveitarfélög, t. d. Reykjavík, alveg
undanþegin þessari kvöð.
Einstakir oddvitar og bæjarstjórar tóku
bráðlega að spyrja um greiðslur fvrir störf
þessi og sendu sumir reikninga til fjárhags-
ráðs og stilltu kröfum mjög í hóf. En þegar
engin s\'ör bárust, hvorki neitandi eða ját-
andi, og því síður greiðslur, varð að ráði,
að mál þetta var tekið til meðferðar á lands-
þingi Sambands íslenzkra sveitarfélaga, er
háð var á Akureyri s.l. sumar, og var þar
samþykkt í einu hljóði ályktun um að skora
á stjórn sambandsins að beita sér fvrir því,
að ríkið greiddi sanngjöm laun fyrir umboðs-
störf þau, er fjárhagsráð leggur bæjarstjórum
og oddvitum á herðar.
Þegar eftir að skrifstofa sambandsins tók
til starfa í nóvember s. 1. var hafizt handa
um að fá viðurkenningu fjárhagsráðs um
greiðsluskyldu sína fyrir þessi störf. Sam-
þykkt landsþingsins var send fjárhagsráði og
rökstudd nokkuð. Þá fóru og fram viðtöl
við formann fjárhagsráðs og aðra fjárhags-
ráðsmenn, einnig var ráðinu skrifað oftar en
einu sinni. í síðasta hefti Sveitarst/órnarmála
birtist og grein eftir Karl Kristjánsson odd-
vita á Húsavík um þetta efni.
Lengst af virtist vafasamt um árangur og
var talið að stæði á samþykki ríkisstjórnar-
innar til greiðslunnar. En þar sem ekkert
svar hafði borizt frá fjárhagsráði þetta varð-
andi í byrjun maí, var ráðgert að tillaga
til þingsályktunar yrði borin fram á Alþingi,
er fæli í sér tilmæli til ríkisstjómarinnar um,
að hún heimilaði fjárhagsráði að greiða odd-
viturn og bæjarstjórum laun fyrir umboðs-
störf þeirra.
En um sömu mundir tilkvnnti formaður
fjárhagsráðs framkvæmdastjóra sambandsins,
að fjárhagsráð og ríkisstjóm hefðu samþykkt
að greiða umboðsmönnum sínum þóknun
f\ rir þá vinnu, er þeir yrðu að inna af hönd-
um fyrir fjárhagsráð. Skömmu síðar barst
bréf til staðfestingar.
Málið var þar með leyst, þ. e. greiðslu-
skyldan viðurkennd.
Það er óhætt að fullyrða, að ef Sambands
íslenzkra sveitarfélaga hefði ekki notið við,
mundi dráttur hafa orðið á um viðurkenn-
ingu fjárhagsráðs og samþykki ríkisstjómar-
innar til greiðslu fyrir umrædd störf.
PRENTSMIÐJAN ODDI H.F., REYKJAVÍK