Uppeldi og menntun - 01.07.2013, Blaðsíða 62
Uppeldi og menntUn/icelandic JoUrnal of edUcation 22(2) 201362
„að tryggJa framBoð og fJölBreytileika“
Tafla 1. Skjöl sem valin voru til greiningar
Skjal Útgefandi eða ábyrgðaraðili texta
Útgáfuár eða tímabil
til skoðunar
Lög og umræða stjórnvalda og hagsmunaaðila um löggjöf
Lög um Námsgagnastofnun Alþingi 1990
Lög um námsgögn Alþingi 2007
Frumvarp til laga um námsgögn Alþingi 2006–2007
Framtíðarskýrsla Verslunarráðs Verslunarráð Íslands (nú Viðskiptaráð) 2003
Skjöl sem varða stefnumótun innan Námsgagnastofnunar
Stefna Námsgagnastofnunar Stjórn og stjórnendur Námsgagnastofnunar 2007 til febrúar 2012
Gátlisti og leiðbeiningar um frágang Stjórnendur Námsgagnastofnunar 2012
Handbók fyrir starfsmenn Stjórnendur Námsgagnastofnunar 2011
Öll gögnin eru aðgengileg á netinu, fyrir utan Handbók Námsgagnastofnunar fyrir
starfsmenn. Hana fékk ég í hendur frá forstjóra stofnunarinnar.
niÐUrstÖÐUr
Í þessum hluta er fjallað í tveimur köflum um helstu niðurstöður gagnagreiningar-
innar. Fyrri kaflinn fjallar um afmarkaða þætti í lögunum: rekstrarform, hlutverk og
skyldur stofnana, lýðræði, fagmennsku og mat. Seinni hlutinn fjallar um stjórnun
og stefnumótun Námsgagnastofnunar eins og hún birtist í gildandi stefnuskjölum
hennar.
Breytingar á lögum um námsgagnagerð
Rekstrarform aðila sem semja námsgögn
Lengi hefur verið uppi sú krafa að leggja Námsgagnastofnun niður. Ragnar Gíslason
hafði slíkt á orði árið 1987 í grein sinni í Nýjum menntamálum (Eyrún María Rúnars-
dóttir og Sigrún Aðalbjarnardóttir, 1996, bls. 24). Árið 1992 lagði ráðgjafarfyrirtæki til
að stofnunin yrði lögð niður og árið 1996 var framkvæmdanefnd um einkavæðingu
falið að kanna kosti einkavæðingar. Skólavörubúðin, sem Ríkisútgáfa námsbóka og
síðar Námsgagnastofnun hafði rekið, var seld í framhaldinu. Vinnuhópar voru skip-
aðir í menntamálaráðuneytinu árið 2001 og svo aftur 2005 en þeir komu sér ekki
saman um niðurstöðu (Jón Torfi Jónasson, 2008, bls. 230).
Verslunarráð Íslands, sem nú heitir Viðskiptaráð, hefur um árabil átt mjög stóran
þátt í orðræðu nýfrjálshyggju um menntun og talaði m.a. fyrir því að leggja Náms-
gagnastofnun niður: