Uppeldi og menntun - 01.07.2013, Blaðsíða 84

Uppeldi og menntUn/icelandic JoUrnal of edUcation 22(2) 201384
ViðHorf Ungmenna til mannréttinda innflytJenda og mÓttökU flÓttafÓlks
Í viðtölunum var leitað eftir þeirri hugsun sem liggur að baki viðhorfum ungmenn-
anna til réttinda innflytjenda og móttöku flóttamanna. Meðal annars var spurt um rétt
innflytjenda til að kjósa og tala upprunalegt tungumál sitt. Til að laða fram hugsun og
afstöðu viðmælenda var svörum þeirra fylgt eftir með opnum spurningum (t.d. Hvað
… Hvernig … Hvers vegna … Af hverju finnst þér það mikilvægt?). Hvert viðtal tók
að meðaltali 45 mínútur.
Viðtölin voru afrituð orðrétt. Öllum nöfnum var breytt, svo og öðru sem mögulegt
er að rekja til viðmælenda.
Greiningaraðferð
Gögnin voru þemagreind til að finna meginstefin í hverju viðtali fyrir sig og í viðtöl-
unum í heild sinni. Síðan voru viðtöl við fimm ungmenni sem reyndust neikvæðari en
önnur í garð innflytjenda þemagreind sérstaklega í þeim tilgangi að kafa dýpra í það
sem kynni að liggja að baki neikvæðum viðhorfum hjá þessum tilteknu ungmennum.
Með þemagreiningu var opinni kóðun (e. open coding) beitt með því að marglesa
gögnin og merkja við allt sem gæti skipt máli, bæði hjá hverjum viðmælanda fyrir sig
og þvert á viðmælendur. Þá var markvissri kóðun beitt (e. focused/selective coding)
með því að greina meginþemun, finna tengsl milli viðmælenda og mynda flokka.
Loks var öxulkóðun (e. axial coding) notuð til að finna rauða þráðinn í gögnunum
(Creswell, 2007).
niÐUrstÖÐUr
Viðhorf ungmennanna eru hér greind eftir efnisflokkunum: Viðhorf til réttinda innflytj-
enda og Viðhorf til móttöku flóttamanna .
Viðhorf til réttinda innflytjenda
Við þemagreiningu á viðhorfum ungmennanna til innflytjenda komu fram tvö megin-
þemu Tækifæri í nýju landi og Við og hinir .
Tækifæri í nýju landi
Þrjú undirþemu komu hér fram: Íslenskukunnátta, Jöfn réttindi og Fordómar . Sjá má
þessu þemu á mynd 1.
Mynd 1. Viðhorf til innflytjenda – þemagreining: tækifæri í nýju landi
ís lenskukunnát ta:
lykil l að tækifærum
í nýju landi
Jöfn rét t indi:
tækifæri t i l rét t inda
í nýju landi t i l jafns
á við aðra
tækifæri
í nýJU landi
fordómar: Hindrun
að tækifærum
í nýju landi