Tölvumál - 01.06.2006, Blaðsíða 4
4 | T Ö LV U M Á L T Ö LV U M Á L | 5
// RitstjórapistillSkýrslutæknifélag Íslands
Skýrslutæknifélag Íslands er félag
einstaklinga, fyrirtækja og stofnana
á sviði upplýsingatækni. Markmið
félagsins eru m.a. að breiða út
þekkingu á upplýsingatækni og
stuðla að skynsamlegri notkun
hennar og að skapa vettvang
fyrir faglega umræðu og tengsl
milli félagsmanna. Starfsemin
er aðallega fólgin í, auk útgáfu
tímarits, að halda fundi og
ráðstefnur með fyrirlestrum og
umræðum um sérhæfð efni og
nýjungar í upplýsingatækni.
Félagsaðild er tvenns konar;
aðild gegnum fyrirtæki og
einstaklingsaðild. Greitt er fullt
félagsgjald fyrir fyrsta mann frá
fyrirtæki, hálft fyrir annan og
fjórðungsgjald fyrir hvern félaga
umfram tvo frá sama fyrirtæki.
Einstaklingar greiða hálft gjald.
Félagsgjöld 2006 eru: Fullt gjald:
kr. 19.600, hálft gjald: kr. 9.800 og
fjórðungsgjald: kr. 4.900. Aðild er
öllum heimil.
Stjórn Skýrslutæknifélags
Íslands:
Formaður:
Svana Helen Björnsdóttir
Varaformaður:
Þorvaldur Jacobsen
Gjaldkeri:
Jóhann Kristjánsson
Meðstjórnendur:
Einar H. Reynis, Ebba Þóra
Hvannberg, Eggert Ólafsson
Varamenn:
Halldór Jón Garðarsson
Ólafur Aðalsteinsson
Siðanefnd:
Erla S. Árnadóttir, formaður
Gunnar Linnet
Snorri Agnarsson
Orðanefnd:
Sigrún Helgadóttir, formaður
Baldur Jónsson
Þorsteinn Sæmundsson
Örn Kaldalóns
Persónuvernd, fulltrúi Ský:
Svana Helen Björnsdóttir
Arnaldur Axfjörð
Fagráð í upplýsingatækni (FUT),
fulltrúi Ský:
Eggert Ólafsson
Einar H. Reynis, til vara
Við lifum á tímum stafrænnar byltingar. Setning sem oft hefur
verið sögð og rituð á síðustu árum enda undirritaður ekki að
reyna að afhjúpa nein leyndarmál. Einnig er ljóst að hvort sem
um er að ræða fyrirtæki, stofnanir eða einstaklinga þá erum við
gjörsamlega háð tækni.
Maður hugsar stundum um hvernig var að starfa í
skrifstofuumhverfi fyrir tilkomu tölvupósts og Netsins. Hvernig
náðust fram þær kröfur um skilvirkni og framleiðni starfsmanna
sem settar eru í dag? Svarið við þessari spurningu er í raun í þá
veru að í takt við nýja tækni verða kröfurnar meiri. Kröfur um meiri
arðsemi fyrirtækja og aukin þægindi og einfaldleika í starfi verða
háværari þar sem tölvubúnaðurinn verður sífellt fullkomnari.
Almenningur hér á landi er jafnframt afar fljótur að tileinka sér
nýja tækni og t.a.m. eru 80 af hverjum 100 heimilum nettengd.
Framboð af afþreyingu á Netinu og í gegnum myndveitur er
gríðarlega mikið og endurspeglast sú mynd í þessu tölublaði
Tölvumála. Augljóst þykir að úttektin í blaðinu er hvergi tæmandi
en gefur lesendum þó ágæta innsýn í það sem í boði er og
tæknina sem býr að baki.
Einnig er fjallað um starfið innan Ský, t.d. skemmtilegt viðtal við
þrjár konur sem starfa í upplýsingatæknigeiranum sem og viðtal
við Örn Kaldalóns, heiðursfélaga Ský, en hann hefur starfað í
upplýsingatækni frá árinu 1962.
En þrátt fyrir að við lifum á tímum stafrænnar byltingar gefur Ský
áfram út Tölvumál á pappírsformi. Ætti Ský eingöngu að birta
greinar, viðtöl og fréttir á sky.is og senda út veftímarit einu sinni til
tvisvar á ári í stað pappírstímarits? Tölvuheimur er t.a.m. orðinn
að veftímariti.
Eftir minni bestu vitund er Tölvumál eina fagtímaritið í
upplýsingatækni sem gefið er út á pappírsformi á Íslandi í dag. Því
er ekki að leyna að það er nokkuð broslegt þar sem hugsanlega
ætti fagfélag í upplýsingatækni á borð við Ský að nýta tæknina til
hins ítrasta og spara í pappírsnotkun.
Hins vegar er það þó þannig að samkvæmt árlegum könnunum
sem Ský gerir á meðal félagsmanna vill mikill meirihluti svarenda
áfram fá blaðið á pappírsformi. Því má í rauninni segja að félagar
í Ský, fólkið sem lifir og hrærist í upplýsingatækni á Íslandi, vilji
halda í það „gamla“ að vissu leyti. Í þessu samhengi má minnast
á vangaveltur um útrýmingu dagblaða, tímarita og jafnvel bóka
sem skjóta stundum upp kollinum þegar fjallað er um þá miklu
ásókn í netmiðla og raun ber vitni. Ljóst er að þarna er um
afar svartsýnar hugmyndir að ræða og einhverjir myndu segja
að þær væru barnalegar. Þegar öllu er á botninn hvolft gefur
Skýrslutæknifélag Íslands – Ský – enn út Tölvumál á pappírsformi
og svo mun sennilega verða um ókomna tíð.
// Halldór Jón Garðarsson