Tölvumál - 01.06.2006, Blaðsíða 28
2 8 | T Ö LV U M Á L T Ö LV U M Á L | 2 9
Á bakvið hvern þátt er eins og gefur að skilja
mikil vinna og þó það sjáist ekki eru tölvur
notaðar til að gera líkön af ýmsum atriðum og þannig sjá fyrir
um niðurstöðu. Ein slík var þegar átti að reyna á lífseiga sögu frá tímum
þrælastríðsins í Bandaríkjunum. Suðurríkjaherinn átti að hafa smíðað
eldflaug sem dró um 160 kílómetra. Það ótrúlega er að eldsneytið átti
að hafa verið salami-pylsa en sagan hefur sagt að ákveðið efni í henni
væri nothæft sem eldsneyti. Forritið CosmosWorks var látið herma eftir
þessu og það sagði að eldflaugin myndi loga í fáeinar sekúndur með
þessu „eldsneyti“. Það kom svo á daginn að þetta var það sem gerðist.
Þessi fróðleiksmoli féll til á kynningu hjá fyrirtækinu SolidWorks þar sem
2007 útgáfa samnefnds hugbúnaðar var til sýnis en auk þrívíddarhönnu
narhugbúnaðar sem fyrirtækið er annars hvað kunnast fyrir er einnig um
að ræða ýmis önnur forrit fyrir sérhæfð verkefni í hönnunargeiranum, þar
á meðal er CosmosWorks. Á blaðamannafundi með fulltrúum fyrirtækisins
kom fram að þrívíddargeirinn sé enn í vexti og margir óplægðir akrar.
Ein framtíðarsýn fyrirtækisins er sem dæmi eins konar rafræn útgáfa á
myndalistum en eins og staðan er í dag þurfa hönnuðir gjarnan að leita í
prentaða vörulista til að finna aukahluti við hönnun en ef slíkt væri fært í
rafrænan búning myndi það spara fé og fyrirhöfn og auka nákvæmni í vinnu.
Fulltrúi SolidWorks, Jeremy Hines, sýndi viðstöddum helstu nýjungar þetta
árið og má þar nefna tækni sem kallast SWIFT sem er til að einfalda og flýta
fyrir vinnu í þrívídd og kanna um leið áreiðanleika hönnunarinnar. Hann sýndi
dæmi um hluta af armi á fjarstýrðum kafbát og hvernig hann var hannaður
frá upphafi til enda. Forritið skilaði af sér tilbúnum vinnuteikningum og meðal
annars var hægt
að reyna mismunandi málma
til að sjá hvað armurinn yrði þungur
þegar hann væri fullsmíðaður og hvernig hann myndi líta út áferðarlega.
Þar sem hlutir fara gjarnan milli aðila til frekari vinnslu er möguleiki
að senda vinnuskjöl með sérstöku forriti fyrir flutning um tölvupóst
og þá geta viðtakendur einnig sett inn athugasemdir og sent áfram.
Meðal annarra nýjunga eru möguleikar á að gera vinnuskissur og sjá
hvernig hlutir vinna saman áður en lengra er haldið. Þannig var sýnt hvernig
vél samtengd með belti vann og hvernig bílatjakkur virkaði á frumstigi
hönnunarinnar.
Nýburakassi hannaður í þrívídd
Tveir fulltrúar norska fyrirtækisins 360 Grader Produktdesign AS sýndu
ýmsa gripi sem voru hannaðir í SolidWorks og kennir þar margra grasa, frá
einföldum flöskum úr plasti og uppúr. Metnaðarfyllsta verkefni þeirra til þessa
er nýburakassi sem verður tilbúinn á árinu 2008 en fyrirtækið fékk sérstök
verðlaun frá SolidWorks á seinasta ári fyrir hann. Tæki sem þetta er afar
flókið og tímafrekt í hönnun og nákvæmnissmíð eins og nærri má geta en
með hugbúnaði er hægt að sjá nánast allt fyrir, bæði útlit og eiginleika. Núna
er búið að senda skjöl til bandarísks fyrirtækis sem sérhæfir sig í loftflæði til
að vinna að þeim hluta nýburakassans. Einnig var greint frá því að frumgerð
má smíða úr sérstakri plastblöndu til að fá betri tilfinningu fyrir stærð og
yfirbragði hlutarins þegar hann verður smíðaður.
réði gátuna
Hugbúnaður
// Einar H. Reynis
// Ritari í stjórn Ský og fyrrum ritstjóri Tölvumála
Þættirnir Mythbusters á
sjónvarpsstöðinni Discovery eiga
marga aðdáendur. Þeir félagarnir
og þáttarstjórnendurnir Adam
Savage og Jamie Hyneman taka
fyrir ýmsar sögusagnir og athuga
hvort þær fái staðist. Oft eru tekin
alveg ótrúleg dæmi eins og hvort
það sé mögulegt að nota regnhlíf
sem fallhlíf, og tilraunadúkkan
Buster fær oft að kenna á því þegar
„manneskja“ á í hlut í tilrauninni.