Tölvumál - 01.06.2006, Blaðsíða 7
6 | T Ö LV U M Á L T Ö LV U M Á L | 7
En hvernig er innheimt fyrir þá afþeyingu sem notendur velja sér?
„Það er dregið af símareikningi en notendur eiga senn kost á því að fylgjast
með notkun í gegnum sérstakan þjónustuvef Og Vodafone,“ segir Gísli.
Hann segir að í Vodafone live! kosti ekkert að skoða efni og notandi sé ávallt
látinn vita hvað þjónustan kostar um leið og hann hyggst sækja sér efni. Eva
segir það mismunandi hvernig innheimt er fyrir afþreyinguna, en iðulega sé
rukkað þegar viðskiptavinurinn hafi fengið efnið sent í símann sinn. „Þannig
er komið í veg fyrir að viðskiptavinir greiði fyrir efni sem þeir móttaki ekki í
símann sinn. Gjaldfærsluleiðir eru nokkuð margar og mjög háðar því hvaða
efni eða um hvaða þjónustu er að ræða,“ segir Eva.
„Framtíðin er mjög spennandi“
Tæknin á bak við GSM símana er í stöðugri þróun og því er ekki úr vegi að
spyrja þau Evu og Gísla um hvernig þau sjái framtíðina fyrir sér á þessu sviði.
„Framtíðin er mjög spennandi,“ segja þau nánast í kór og segir Gísli að GSM
notendur erlendis geti nú þegar valið sér heil lög sem þeir geta svo hlaðið
í GSM símann sinn. „Einnig eru fjarskiptafyrirtæki og símaframleiðendur
úti í heimi áhugasamir um beinar útsendingar og sjónvarpsefni í gegnum
símtækin. Hvenær slík þjónusta verður svo að veruleika hér á landi er erfitt
að segja en það eru engu að síður spennandi tímar framundan.“ Eva bætir
við að möguleikar í þjónustuframboði farsímafélaganna fari einnig mikið eftir
þeirri þróun sem á sér stað í símtækjunum sjálfum og í aðgangsnetunum.
„Sú þróun sem þar á sér helst stað er aukið innbyggt minni í símunum, stærri
og betri skjáir, innbyggðir tónlistaspilarar, fleiri tengimöguleikar eins og við
þráðlaus net (802.11 WLAN) og UMTS. Þá er mikið að gerast í tengingu
sjónvarps og farsíma annað hvort með streymi yfir farsímakerfið eða með
stafrænni sjónvarpssendingu yfir DVB-H beint í farsíma. Þetta kallar að
sjálfsögðu á fjölbreyttara og skemmtilegra efni, þ.e. meiri grafík, alvöru
tónlist, streymi, gagnvirka leiki, myndstreymi o.s.frv.,“ segir hún.