Tölvumál - 01.06.2006, Blaðsíða 25

2 4 | T Ö LV U M Á L
afþreying
Brú á milli tölvunnar og sjónvarpsins
Fjöldi framleiðenda hafa sent frá sér margmiðlunarspilara sem spila DVD og
tónlistardiska, auk þess sem þeir geta lesið og spilað ýmsar tölvuskrár, til að
mynda jpg, mgeg, mp3 og divX. Einnig hafa framleiðendur á borð við Kiss,
sem er í eigu Cisco, stigið skrefinu lengra og bætt hörðum disk og netkorti
í sinn spilara. Þessi ,,litla” breyting felur í sér að spilarinn verður brú á milli
tölvukerfisins og sjónvarpskerfisins á heimilinu. Á harða diskinn má vista efni
eða taka upp beint úr sjónvarpi, auk þess sem hægt er að streyma efni af
tölvum í gegnum margmiðlunarspilarann og horfa á í sjónvarpi, án þess að
færa gögnin á milli staða.
„Prosumer“: Framleiðandi, dreifingaraðili og neytandi
Kostir stafrænnar afþreyingar eru þó ekki einungis bundnar innanhússnotkun.
Tæknin auðveldar dreifingu og öflun á stafrænu efni, m.a. yfir Internetið.
Hugtakið ,,Prosumer” lýsir vel þeim sem nýta sér stafræna afþreyingu til
fulls þar sem að þeir framleiða og dreifa stafrænu efni samhliða því sem
þeir kaupa og neyta efnis. Áðurnefnd dæmi um tónlist og sjónvarp eru til
marks um þær breytingar sem nú ganga yfir, auk þess sem framleiðendur
eru í auknum mæli að huga að einfaldleika í vinnslu, prentun og dreifingu á
stafrænum myndum.
Framtíðin í höndum framleiðenda
Væntanlega má búast við enn frekari þróun í stafrænni afþreyingu, og
styttist í að hátækniheimili á borð við það sem sést í framtíðarmyndum
verði að raunhæfum möguleika. Framleiðendur kappkosta við að styðja við
þessa þróun, ekki aðeins á neytendastigi, heldur á öllum stigum virðiskeðju
stafrænnar afþreyingar. Lausnir og þjónusta þessa fyrirtækja, auk skilnings
á væntingum og upplifun neytenda, drífa stafrænu byltinguna áfram. Þessi
fyrirtæki breyta því hvernig afþreyingarefnið er framleitt og dreift, auk þess
hver upplifunin af neyslu afþreyingarinnar er.