Tölvumál - 01.06.2006, Blaðsíða 24

2 4 | T Ö LV U M Á L
Íslendingar hafa ávallt verið fljótir að tileinka sér nýja tækni og hljóta að
teljast frumkvöðlar á alþjóðamælikvarða þegar kemur að innleiðingu nýrra
tæknilausna. Nýjungar í stafrænni afþreyingu hafa þar af leiðandi notið
talsverða vinsælda hér á landi og nægir að nefna tilkomu Digital Ísland og
Sjónvarp yfir ADSL frá Símanum.
Hugtakið stafræn afþreying vísar þó ekki einungis til tækjanotkunnar við
að horfa á sjónvarp eða hlusta á tónlist, heldur til notkunar stafrænnar
tækni við hvers konar afþreyingu. Myndir sem teknar eru á stafrænar
myndbandsupptökuvélar, stafrænar myndavélar eða lesnar inn á tölvur
með skanna teljast einnig til stafrænnar afþreyingar. Víða eru heimilistölvur
notaðar til þess að vinna með og vista hvers konar stafrænt efni, til dæmis
tónlist og/eða fjölskyldumyndir. Í flestum tilfellum fer notkun efnisins þó fram
í nánd við tölvuna, á tölvuskjá eða í hátölurum sem eru beintengdir við
tölvuna. Tæknin býður upp á mun víðtækari notkun á stafræna efninu.
á heimilinu
Stafræn tækni hefur gjörbreytt því hvernig framleiðsla og dreifing á kvikmyndum,
sjónvarpsþáttum og tónlist fer fram. Mest hafa neytendur orðið varir við þessar breytingar í
tónlistarheiminum, þar sem netsíður ýmist selja eða dreifa ókeypis tónlist, líkt www.tonlist.is
annars vegar og www.rokk.is hins vegar.
Margir tölvuframleiðendur hafa kappkostað við að auðvelda neytendum
þetta skref, ýmist með hugbúnaðarlausnum eða vélbúnaðarlausnum. Sem
dæmi má nefna Media Center tölvur og margmiðlunarspilara sem eru bæði
með innbyggðum hörðum diskum og netkorti. Skoðum hvora lausn fyrir
sig.
Margmiðlunartölvur fyrir heimilið
Media Center tölvur eru í raun öflugar heimilistölvur sem eru búnar stórum
hörðum disk, sjónvarpskorti og öflugu hljóðkorti auk öllum nauðsynlegum
búnaði til að tengjast heimilisneti. Tölvurnar eru með Microsoft Windows
XP Media Center stýrikerfi og sérstökum hugbúnaði sem stýrir því hvaða
efni er verið að nota hverju sinni og hvert því er varpað. Notandinn getur,
með notkun forritsins, auðveldlega fundið efni á tölvunni eða öðrum tölvum á
heimilinu og spilað í sjónvarpi, heimabíói, skjávarpa eða á tölvuskjánum.
afþreying
Stafræn
// Hákon Davíð Halldórsson