Tölvumál - 01.06.2006, Blaðsíða 16

1 6 | T Ö LV U M Á L T Ö LV U M Á L | 1 7
slá á hana og því hlýtur að vera nauðsynlegt fyrir kvikmyndafyrirtækin að
huga að því að haga stafrænni dreifingu og verðlagningu með þeim hætti að
neytendur sjái hag í því að nálgast efni með löglegum hætti. Möguleikar til að
dreifa myndefni hafa stóraukist og nú eru myndveitur orðnar að möguleika
með stafrænum útsendingum víða um heim, þar á meðal hér á landi.
Myndveitur eru að þróast á vefnum, til dæmis hafa bæði Google og Apple
opnað vefsetur þar sem auðvelt er að nálgast kvikmyndir og sjónvarpsþætti.
Athygli vekur hve mikið er af efni frá sjálfstæðum framleiðendum og jafnvel
áhugamyndatökufólki á vef Google. Kannski er þarna að þróast ný dreifileið
fyrir sjálfstæða kvikmyndagerðarmenn sem geta nýtt Netið til að dreifa
afurðum sínum á heimsvísu með litlum tilkostnaði.
// Eiður Arnarsson hjá Senu
Dregið hefur úr sölu á erlendri tónlist – Íslensk tónlist bætir í
Sena, áður afþreyingarsvið Skífunnar, er stærsta dreifingarfyrirtæki landsins
á sviði tónlistar og kvikmynda. Að sögn Eiðs Arnarssonar, útgáfustjóra
íslenskrar tónlistar hjá Senu, drógst heildarsala tónlistar (online og CD/DVD) í
heiminum á síðasta ári saman um 3%. ,,Online og farsímahlutinn þrefaldaðist
samt á sama ári sem þýðir að CD/DVD hlutinn minnkaði um meira en 3%.
Ísland hefur ekki fylgt þessari þróun algjörlega og hefur samdráttur í sölu
CD/DVD verið minni en annars staðar og hluti online eða mobile ekki í eins
örum vexti. Hvað sem því veldur hjá tæknióðri þjóðinni? Í stuttu máli hefur
þróunin á Íslandi verið sú að dregið hefur úr sölu á erlendri tónlist í takti við
aukna dreifingu tónlistar á Netinu en það sama á ekki við um íslenska tónlist
sem hefur bætt í á undanförnum árum.”
,,Óhefðbundin” sala á tónlist mun aukast
Spurður um hvernig þróunin verði á næstu árum segir Eiður að það sé ljóst að
sala á tónlist eftir ,,óhefðbundnum” leiðum muni aukast jafnt og þétt á næstu
árum sem og hingað til á meðan sala á eiginlegum eintökum ,,physical” muni
dragast enn frekar saman. ,,Núna er skiptingin á milli Netsins og farsíma í
sölu á tónlist á heimsvísu ca. 50/50. Á Netinu er næstum öll salan á stökum
heilum lögum (iTunes o.fl.) en í farsímaheiminum eru tæp 90% sölunnar
hringitónar. Sambærilegar tölur fyrir Ísland liggja ekki fyrir að ég best veit.
Vel má hugsa sér að fleiri möguleikar á neyslu á tónlist komi upp á næstunni,
í það minnsta nýjar útfærslur á núverandi leiðum en geisladiskurinn eða
einhvers konar eiginlegt eintak verður áfram við líði um langt skeið.”
// Halldór Guðjónsson hjá Myndformi
Sala á DVD myndum aldrei verið meiri
Halldór Guðjónsson, sölustjóri Myndforms sem er eitt af stærstu
dreifingarfyrirtækjum kvikmynda hér á landi, segir að sala á DVD myndum
hafi sennilega aldrei verið meiri en nú. ,,Enda hefur verðið á þeim lækkað
talsvert og bíóaðsókn hefur verið mjög góð undanfarin ár, en niðurhal á
kvikmyndum hefur bitnað töluvert á videóleigunum sem hafa gefið eftir
undanfarin ár. Hvað framtíðina varðar þá er mjög erfitt að sjá hana fyrir þar
sem þróunin er svo hröð og endalaust verið að kynna til sögunnar einhverjar
nýjungar, en ég held að markaðurinn muni vera með svipuðu sniði næstu
árin.”
// Hallgrímur Kristinsson hjá Smáís
Aukið niðurhal bitnar helst á vídeóleigum
Hallgrímur Kristinsson, framkvæmdastjóri Smáís - Samtök myndrétthafa á
Íslandi, tekur undir orð Halldórs og segir að sala á DVD myndum hafi verið
í auknum vexti frá því hún hófst árið í kringum 1998. ,,Vert er að geta þess
að fyrir þann tíma var hér á landi lítil sem engin sala á kvikmyndum að
undanskildum barnamyndum og því ekki óeðlilegt að hækkun sölutalna hafi
verið há prósentulega á milli ára síðustu ár.” Varðandi útleigu mynda segir
Hallgrímur að hún hafi dregist saman um 26% frá árinu 2000 og sérstaklega
hafi leigur á smærri svæðum á landsbyggðinni orðið illa úti vegna niðurhals.
,,Þar hefur útleiga hreinlega lagst af nema á barnamyndum með íslensku
tali vegna þess að einhverjir aðilar í bæjarfélaginu ná nýjustu myndunum af
Netinu og dreifa til vina og kunningja.”
Eiður Arnarsson Halldór Guðjónsson
Hvað segja sérfræðingarnir í afþreyingunni?