Tölvumál - 01.06.2006, Blaðsíða 10

T Ö LV U M Á L | 1 1
Telur þú konur hafa jafn mikla möguleika á að ná langt á því sviði sem
að þú ert á?
Já, það tel ég. En það verður að viðurkennast að þær verða enn að hafa mun
meira fyrir því að sanna sig heldur en karlmenn, og í raun verða þær oft að
vera töluvert betri til að eftir því sé tekið. Afar ósanngjarnt en svona virðist þetta
ennþá vera.
Hvers vegna heldur þú að svona fáar konur starfi við tölvur?
Ætli það sé ekki einna helst út af því að lengi vel var bara litið á tölvur og
forritun sem karlastarf, þó ég persónulega skilji ekki ástæðuna fyrir því. En
kynjahlutfallið er að breytast mikið, okkur stelpunum fer fjölgandi.
// Áslaug María Friðriksdóttir
Í hverju felst starfið þitt?
Sjá ehf. aðstoðar fyrirtæki við að gera vefsíður og kerfi notendavæn og
skilvirk. Segja má að ráðgjöfin okkar sé tvíþætt. Annars vegar að meta
hvort hönnun eða uppsetning á vef eða kerfi er notendavæn og samkvæmt
væntingum notenda. Þetta er afar mikilvægt að fara í gegnum áður en kostuð
er markaðssetning á vef og fjölmörg dæmi sýna að margir eru enn að flaska á
þessu. Hins vegar felst ráðgjöfin okkar í að aðstoða fyrirtæki við stefnumótun
og þarfagreiningu á vefjum, bæði ytri sem innri vefjum. Til þess að gera þetta
notum við ýmsar aðferðir eins og úttektir, viðtöl, rýnihópa, fylgjumst með fólki
nota kerfi og hvernig því gengur að átta sig á virkni þess.
Hvaða nám/námsgráðu hefur þú, hvar lært, hve lengi ?
Ég er með mastersgráðu (MSc) í Vinnusálfræði frá University of Hertfordshire
í Englandi síðan 1995 sem ég tók nokkurn veginn í kjölfar BA prófs í
sálfræði frá Háskóla Íslands. Átti reyndar elsta barnið mitt þarna á milli.
BA námið kláraði ég á þremur árum og MA námið var þriggja anna nám.
Hvernig kom það til að þú ákvaðst að vinna við þetta?
Ég get ekki sagt að ég hafi komið úr námi alveg ákveðin í að gera það sem
ég er að gera í dag síður en svo. En áhuginn á þessu til viðbótar við það sem
maður hefur lært og gert hefur kannski frekar komið mér í það sem ég er að
gera nú. Eftir að ég kom heim úr námi fór ég að vinna að ýmsum
sjálfstæðum verkefnum sem tengdust Netinu, í samstarfi við félaga
minn. Vefsíður voru þarna að líta dagsins ljós í mjög einfaldri mynd
miðað við þær kröfur sem við gerum nú í dag, en hugmyndir þeirra
sem eitthvað voru að pæla á þessum tíma voru hins vegar mjög
metnaðarfullar enda netvæðingin á góðri siglingu. Ég held að
ég hafi lært mikið af því að hafa verið að vasast í þessu þarna á
frumstigi vefsíðugerðarinnar.
Fljótlega eftir heimkomuna úr náminu tók ég að mér starf í félagsmála-
ráðuneytinu við mat á þjónustu og úrvinnslu tölulegra upplýsinga í tengslum
við viðræður um flutning málefna fatlaðra frá ríki til sveitarfélaga. Þegar útt
ektinni lauk var ég fastráðin þar sem deildarsérfræðingur. Eftir nokkur afar
skemmtileg og góð ár í félagsmálaráðuneytinu ákvað ég að fara í frekara
nám, fékk námsleyfi þaðan og hóf nám í tölvunarfræði við Háskólann
í Reykjavík. Um leið og ég hóf námið tók ég að mér verkefnastjórn hjá
Íslensku vefstofunni sem þá var í eigu Flugleiða og Teymis og fljótlega var
ég komin í fulla vinnu þar og lagði frekara nám á hilluna. Á þessum tíma
var Íslenska vefstofan eins og aðrar vefstofur þá í mikilli sókn, fyrirtæki
voru flest að koma sér upp vefsíðum og þau stærri voru að fara út í flóknari
lausnir. Þarna upplifðum við þrjár sem síðar stofnuðum Sjá ehf. að það
vantaði þjónustuþátt sem fælist í að meta á hlutlausan og betri hátt hvort
sú hönnun sem vefstofurnar skiluðu væri skiljanleg notendum og að þær
niðurstöður vildum við sjá skila sér til baka til hönnuðanna og fyrirtækjanna.
Einnig fannst okkur þörf á því að vinna nánar með fyrirtækjunum í
stefnumótun og þarfagreiningu en gert var á þessum tíma. Sjá verður því til
upp úr þessu og er núna fimm ára gamalt fyrirtæki.

Hvað hefurðu unnið við þetta lengi?
Eins og fram kom hér fyrir ofan hef ég verið með annan fótinn ef ekki báða á
þessum vettvangi frá því 1995. Sjá ehf. var hins vegar stofnað árið 2001 og
er því 5 ára á þessu ári.

Hvernig er vinnuumhverfið?
Einkenni vinnuumhverfisins er fyrst og fremst fjölbreytni. Hún felst í því
að með því að sinna þeirri ráðgjöf sem við gerum höfum við tækifæri til
að kynnast fjölda fyrirtækja, starfsfólki þeirra og notenda. Þegar ég fer að
hugsa um það þá er þetta jafnvel það besta sem fylgir ráðgjafastarfinu. Í
hverju fyrirtæki er ólík menning og mismunandi taktur í vinnubrögðum sem
gerir starfið svo lifandi. Það sama má segja um vefsíðurnar og kerfin, þær
eru eins ólíkar og þær eru margar og maður er alltaf að læra eitthvað nýtt í
gegnum það að fylgjast með hvernig fólk notar vefi og kerfi.

Hvaða störf bjóðast þér með þessa menntun?
Einhvern veginn á ég erfitt með að svara þessari spurningu á einfaldan hátt,
alla vega er ekki hægt að telja upp einhver nokkur starfsheiti sem dæmi.
„ Að miklu leyti tel ég að ofangreint karlaveldi
haldi mörgum konum frá geiranum og hann
virðist þeim ekki eins spennandi og hann er
nefnilega í raun og veru. Hann verður svona
pínu táfýlulegur. “
Áslaug María Friðriksdóttir
Berglind Káradóttir
„En það verður að viðurkennast að þær verða
enn að hafa mun meira fyrir því að sanna sig
heldur en karlmenn, og í raun verða þær oft
að vera töluvert betri til að eftir því sé tekið.
Afar ósanngjarnt en svona virðist þetta
ennþá vera.“