Tölvumál - 01.06.2006, Blaðsíða 19
1 8 | T Ö LV U M Á L T Ö LV U M Á L | 1 9
Þrískiptur markaður
Tölvuleikjamarkaðurinn skiptist í þrennt. Í fyrsta lagi
eru leikir fyrir einkatölvur. Flestir þeirra eru fyrir tölvur
sem keyra Windows stýrikerfið. Í Bandaríkjunum
einum seldust 38 milljón eintök af PC leikjum árið
2005 og er það töluverð minnkun frá árinu 2004
en þá seldust 47 milljónir eintaka. Þessar tölur
innifela ekki sölu og greidda áskrift á netleikjum og
fjölspilunarleikjum (eins og til dæmis EvE Online).
Vinsælasti PC leikur ársins 2004 í Bandaríkjunum var
netleikurinn World of Warcraft en af honum seldust
957 þúsund eintök.
Í öðru lagi eru sérhæfðar leikjatölvur og leikir fyrir þær.
Þó að leikjatölvur séu yfirleitt framleiddar og seldar
með tapi þá ná framleiðendur hagnaði með því að
taka til sín hlutdeild af verði leikja fyrir tölvurnar.
Þær verða sífellt öflugri og sýnir markaðurinn
fyrir þær einkenni áðurnefndrar sveiflu skýrt. Þrír
framleiðendur leikjatölva keppa á þessum markaði:
Sony með Playstation, Microsoft með Xbox og
Nintendo með GameCube. Sony hefur leitt þennan
markað í áratug og hefur selt 92 milljónir Playstation
2 (PS2) tölvur síðan hún kom á markaðinn árið
2000. Nintendo hefur náð að selja 19 milljónir
Game Cube véla samkvæmt greiningarfyrirtækinu
Forrester. Microsoft hefur selt litlu meira en Nintendo
eða um 22 milljónir vélar. Nintendo hefur minnsta
markaðshlutdeild en framleiðir mikið af eigin leikjum
og hagnast því mest af framleiðendunum þremur.
Í þriðja lagi má nefna tölvuleiki sem eru spilaðir á
handtölvum og í farsímum. Sérstaklega má nefna
handleikjatölvur eins og Game Boy Advance
frá Sega, PSP frá Sony og Nintendo DS. IDC
greiningarfyrirtækið segir að salan á þessum
leikjatölvum hafi aukist um 96% frá árinu 2004 og
náð 1,6 milljarða dollara markinu árið 2005.
IDC greiningarfyrirtækið telur að leikir fyrir farsíma
hafi selst fyrir 1,7 milljarða dollara á árinu 2005.
Öflugar leikjatölvur á leiðinni
Árið 2005 sýndi einkenni mettunar. Leikjatölvurnar
sem eru algengastar á markaðnum seldust minna
en árin á undan. Microsoft setti reyndar nýja útgáfu
af Xbox, Xbox 360, á markaðinn í lok árs 2005 og
er þá undan Sony sem frestaði markaðssetningu á
Sony Playstation 3 (PS 3) fram á haust 2006. Ekki
er vitað hvenær Nintendo setur Revolution vél sína
á markaðinn á þessu ári.
Þegar Sony setti PS2 á markaðinn náði fyrirtækið