Tölvumál - 01.06.2006, Blaðsíða 42

4 2 | T Ö LV U M Á L T Ö LV U M Á L | 4 3
18. janúar
Fyrsti fundur starfsársins var á vegum Fókus, faghóps um upplýsingatækni
í heilbrigðisþjónustu. Hann fjallaði um notkun strikamerkja í
heilbrigðisgeiranum og var haldinn á Heilsuverndarstöðinni á Barónsstíg.
19. janúar
Aðalfundur (eða skýrslufundur) Öldungadeildarinnar var haldinn á skrifstofu
félagsins, Laugavegi 178. Dagskrá var skv. lögum félagsins en m.a. var
fjölgað í stjórn faghópsins og er Öldungaráð nú skipað fimm félögum.
24. janúar
UT-dagurinn var haldinn í lok janúar en að honum stóðu forsætisráðuneyti,
iðnaðar- og viðskiptaráðuneyti, samgönguráðuneyti og fjármálaráðuneyti
í samstarfi við Póst- og fjarskiptastofnun, Samtök upplýsingatæknifyrirt
ækja og Skýrslutæknifélagið. Einn af viðburðum dagsins var ráðstefna
sem haldin var á Nordica hóteli undir yfirskriftinni: Tæknin og tækifærin
- Ráðstefna um áhrif og ávinning, framtíðarsýn og áhugaverð verkefni
stjórnvalda. Þátttakendur á ráðstefnunni voru 300.
31. janúar
UT-konur stóðu fyrir morgunverðarfundi um IP-símatækni sem tókst
mjög vel. Það má segja frá því að á þennan fund mættu einnig nokkrir
karlmenn.
9. febrúar
Aðalfundur Ský var haldinn á Grand hótel Reykjavík og var dagskrá
samkvæmt samþykktum félagsins.
14. febrúar
Öldungadeildin hélt félagafund í Tæknigarði en að þessu sinni var
umræðuefni fundarins fortíðin sem er í takt við megin umfjöllunarefni þessa
faghóps sem er ritun og varðveisla sögu tölvunnar og upplýsingatækninnar
á Íslandi.
2. mars
Hádegisverðarfundur undir heitinu Vefur 2,0 - Ertu tilbúinn? Fjölmennur
fundur um forritunarmál á vefnum sem var haldinn á Grand Hótel Reykjavík.
Þátttakendur tæplega 130.
9. mars
Útrás UT-kvenna á Kaffi Sólón, en Edda Björgvins spjallaði á léttum nótum
um bit & bite.
16. mars
Hádegisverðarfundur á Grand hótel um framfarir í opinberri þjónustu, en
fundurinn var haldinn í samstarfi við dóms-og kirkjumálaráðuneytið. Á
fundinn komu rúmlega 130 manns.
23. mars
Fókus ráðstefna um rafræna sjúkraskrá – Til hvers og fyrir hvern?
Hálfsdagsráðstefna haldin á Grand hótel. Þátttakendur voru um áttatíu.
Fengum fyrirlesara frá Bretlandi, John Bryden, en hann er stjórnarmaður í
EFMI, sem eru Evrópusamtök upplýsingatæknifólks í heilbrigðiskerfinu.
25. apríl
Öldungadeildin hélt félagafund þar sem málefni húsanefndar voru m.a. rædd
en að þessu sinni var fundurinn haldinn hjá Skýrr.
26.apríl
Aðalfundur UT-kvenna haldinn í Háskólanum í Reykjavík. Í tilefni
aðalfundarins var svo fenginn fyrirlesari til að halda erindi undir yfirskriftinni:
Vilja konur (ekki) vera nördar?
5.maí
Hugbúnaðarlausnir fyrir þjónustu- og eða símaver voru kynntar á hálfsdags
ráðstefnu á Nordica föstudaginn 5. maí. Sjö fyrirtæki kynntu sínar lausnir en
jafnframt sögðu fyrirtæki reynslusögur. Í lokin var svo sýning á ákveðnum
lausnum og léttar veitingar.
17. maí
Fókus fundur um Snomed í samvinnu við nám í upplýsingatækni á
heilbrigðissviði við HÍ undir yfirskriftinnni: Aðferðafræði við vörpun hugtaka
yfir í Snomed CT. Fundurinn var haldinn í Eirbergi.
1. júní
Hádegisverðarfundur um langtímavarðveislu gagna þar sem spurt var: Verða
gögnin þín enn læsileg árið 2046?
Yfirlit yfir fundi og atburði hjá Skýrslutæknifélagi Íslands fyrri hluta ársins 2006
Síðan síðast...