Tölvumál - 01.06.2006, Blaðsíða 9

8 | T Ö LV U M Á L T Ö LV U M Á L | 9
Oft hefur því verið fleygt fram að konur hafi
ekki jafn mikinn áhuga á tölvum og tækni eins
og karlar og það útskýri hvers vegna konur
eru ekki fleiri í störfum tengdum tölvum og
raun ber vitni. Tölvumál fór því á stjá og tók
viðtöl við þrjár áhugaverðar konur í ólíkum
störfum í tölvugeiranum.
// Berglind Káradóttir
Við hvað starfar þú?
Ég er margmiðlunarforritari hjá fyrirtækinu Gagarín ehf. Ég hef verið
yfirforritari í ýmsum stórum verkefnum, svo sem margmiðlunarsýningunni
í grunnsýningu Þjóðminjasafns Íslands, og einnig verkefnisstjóri í minni
verkefnum, t.d. í væntanlegu margmiðlunarsetri í Landnámsskálanum við
Aðalstræti.
Hvaða nám/námsgráðu hefur þú, hvar hefur þú lært og hve lengi?
Eftir stúdentspróf tók ég fyrst kerfisfræði við Háskólann í Reykjavík og kláraði
svo þaðan B.Sc. í tölvunarfræði með viðskiptafræði sem aukagrein. Þetta
voru samtals þrjú ár í Háskólanum í Reykjavík. Því næst fór ég til London
þar sem ég tók M.Sc. í Interactive Multimedia frá University of Westminster
(12 mánuðir). Auk þessa hef ég farið á nokkur námskeið í ýmsu tengdu
mínu starfi, t.d. sumarnámskeið í undirstöðuatriðum grafískrar hönnunar í
Kröftugar UT-konur
Wimbledon School of Art, o.fl.
Hvernig kom það til að þú ákvaðst að vinna við þetta?
Margmiðlun heillaði mig þar sem ég fann í henni vettvang til að vinna við
tölvunarfræði á skapandi hátt, en það átti vel við mig. Í stað þess að vinna
í „hreinni“ forritun, þ.e.a.s. eingöngu kóðavinnslu, býður margmiðlun upp á
fjölbreytileika forritunar, myndvinnslu, hljóðvinnslu og hugmyndavinnu með
fólki úr mörgum ólíkum geirum.
Hvað hefur þú starfað lengi á þessum vettvangi?
Ég kláraði mastersnámið fyrir rúmum 3 árum og hef starfað við þetta síðan.
Hvernig er vinnuumhverfið?
Vinnuumhverfið er mjög þægilegt, fjölbreytt og skapandi þar sem hver
einstaklingur fær að njóta sín, enda er stefnt að því að nýta hæfileika hvers
og eins til að fá framúrskarandi heild. Í margmiðlun vinna oft náið saman
hönnuðir, forritarar, handritshöfundar, kvikmyndagerðarmenn og fleiri. Vinna
á þessu sviði verður svo sannarlega aldrei einhæf eða leiðigjörn.
Hvaða störf bjóðast þér með þessa menntun?
Forritun, ráðgjöf, verkefnisstjórnun og fleira. Fólk verður svolítið að velja og
hafna.
Verður þú vör við að í þessari starfsgrein sé „karlaveldi“?
Auðvitað er enn ríkjandi sterkt karlaveldi í tölvugeiranum, en þó verð ég
persónulega ekki mikið vör við það. Af föstum starfsmönnum innan þessa
fyrirtækis eru nefnilega tæplega 50% kvenkyns. Okkar hlutfall lækkar þó til
muna ef taldir eru með allir þeir verktakar sem koma að ýmsum verkefnum
fyrirtækisins.
// Viðtöl: Gyða Einarsdóttir
// Forritari hjá KB banka