Tölvumál - 01.06.2006, Blaðsíða 12

1 2 | T Ö LV U M Á L T Ö LV U M Á L | 1 3
Síminn vill þjóna bæði einstaklingum og fyrirtækjum í þessu litla, tæknivædda
landi. Vegna þess hvað viðskiptavinirnir eru fljótir að tileinka sér upplýsinga-
og fjarskiptatækni þarf fyrirtækið að leita leiða til að hámarka valkosti sína og
bjóða viðskiptavinum sínum upp á nýjungar. Og Síminn er ekki einn um það:
Auknar kröfur viðskiptavina og hörð samkeppni við áskriftarsjónvarp knýja
fjarskiptafyrirtæki um allan heim til að bjóða upp á nýja, verðmæta þjónustu,
þar á meðal sjónvarpssendingar, í gegnum netkerfi sín. Þetta getur verið
góður og ábatasamur kostur fyrir veitendur, og ódýrari og skilvirkari leið fyrir
neytendur til að greiða fyrir og fá aðgang að þeirri þjónustu sem þeir óska
eftir.
Samstarf við IBM og Thales
Í ársbyrjun 2004 ákvað Síminn að bjóða upp á beinar sjónvarpsútsendingar
og síðar gagnvirkt sjónvarp til að svara óskum viðskiptavina sinna um
sjónvarpsáskriftarpakka, háhraðainternetþjónustu- og símaþjónustu og boða
komu Símans inn í heim ,,þríleiksins” (samtvinnuð síma-, sjónvarps- og
háhraðaþjónusta). Í undirbúningnum fyrir þetta markmið lagði Síminn mat á
mörg fyrirtæki, þar á meðal IBM og Thales, leiðandi samstarfsfélag IBM sem
hefur öðlast góðan orðstír á sviði kapal-, gervihnatta- og landlægra netkerfa.
SmartVision (SnjallSýn) frá Thales - samhæfð lausn fyrir flutning á pöntuðum
eða beinum útsendingum í gegnum háhraðanet - er studd af ýmsum
grunnþáttum frá IBM, þ.á.m. netþjónum, gagnageymslubúnaði og ýmsum
vefbúnaði. Kerfi IBM og Thales hentaði Símanum fullkomlega og bauð upp á
sveigjanlega lausn fyrir dreifingu á sjónvarpi í gegnum háhraðanet - ADSL.
Þjónustukerfið samhæft við útsendingar- og háhraðanet Símans
Thales og IBM buðu einnig upp á það svigrúm til stækkunar sem Síminn
Tæknin á bak við þróað vef- og pantanasjónvarp Símans í ADSL sjónvarpi
Þó svo að íbúafjöldinn á Íslandi sé ekki mikill er notkun netkerfistengdra tækja og þjónustu ein sú mesta í heiminum.
Við þreytumst sjaldan á því að segja frá því á erlendri grundu hversu framarlega við Íslendingar erum á sviði fjarskipta.
Íslendingar eru nýjungagjarnir og landsmenn eru fljótir að tileinka sér nýjustu tæknina. Í lok síðasta árs voru tæplega
90% heimila með tölvur og sláum við flest önnur lönd út hvað varðar tölvunotkun. Á hverjum 100 heimilum eru rúmlega
80 nettengd heimili á Íslandi og sláum við Norðlandaþjóðum og Þjóðverjum við í þeim efnum. Eftirspurnin er mikil og
stöðug. IBM setti fram fyrir nokkru áhugaverða reynslusögu – case study – um vefsjónvarp Símans – Skjáinn.
þarf til að viðhalda framtíðarvexti og fyrirhugaðri þjónustu með minni áhættu
og tilkostnaði. Það spillti heldur ekki fyrir að IBM og Thales höfðu starfað við
áþekkar, velheppnaðar framkvæmdir fyrir önnur ríkis- og svæðafjarskipta-
fyrirtæki. Það var einnig lykilatriði að Thales gat afhent og samlagað
allt þjónustukerfið við það útsendingar- og háhraðanet sem Síminn
var með fyrir. Annar kostur var notkun IBM BladeCenter netþjónanna,
sem eru bilanaþolin kerfi sem bjóða upp á möguleika til að bæta við sig
netþjónum til að keyra forrit frá þriðja aðila. IBM WebSphere hélt síðan
utan um þessa eiginleika og bauð upp á skilvirka, sérsniðna grunngerð fyrir
pantanasjónvarp.
Í júlí 2004 hófst fyrsti áfangi verkefnisins - prufukeyrsla með 300 notendum.
Að þeim hluta loknum - sem tók fjóra mánuði og var lokið samkvæmt
áætlun - hófu IBM og Thales framkvæmd næsta áfanga. Í honum fólst að
setja upp grunn fyrir 4.000 notendur og í kjölfarið kæmi svo uppfærsla sem
myndi þjóna 10.000 notendum og marka upphaf almenns framboðs Símans
á þessari þjónustu. Kerfið getur nú annað 50.000 notendum og stutt 5.000
gagnastrauma í pantanasjónvarpinu samtímis.
90% landsmanna með aðgang
Í dag býðst u.þ.b. 90% landsmanna aðgangur að þjónustunni (10
sjónvarpsrásir). Frá því síðastliðið haust hafa 60 sjónvarpsrásir verið í boði
auk gagnvirks sjónvarps. Þannig geta viðskiptavinir Símans og Skjásins
pantað sér efni beint úr fjarstýringunni án þess nokkurn tíma að yfirgefa
sófann. Síminn hefur greint frá því að á tilteknum svæðum hafi 80%
viðskiptavina Símans með ADSL nettengingu notfært sér þessa þjónustu. Í
allnokkrum smábæjum hefur fjöldi ADSL viðskiptavina aukist umtalsvert.
ADSL sjónvarp
Reynslusaga frá IBM