Morgunblaðið - 30.08.1967, Blaðsíða 26

26
MORGUNBLAÐIÐ, MIÐVIKUDAGUR 30. ÁGÚST 1967
— Unnu Þrótt í frumstœðum leik sem var
fullur baráttuvilja og leikgleði
VESTMANNAEYINGAR eru í 1. deild að ári. Eftir áralanga bar-
áttu til að ná þeim áfanga vannst sigurinn í gærkvöldi yfir Þrótti,
3-0. Það var leikgleði, ákveðni og sigurvilji í þeim mæli sem fá-
tíður eða einstæður er meðal íslenzkra liða, sem var bakhjarl sig-
ursins í gærkvöldi. En sigurviljinn einn skapar þó ekki mörk eða
verst þeim. Og eftir að Vestmannaeyingar höfðu brotið niður Þrótt-
arliðið á 20 mínútum, með mjög sterkum varnarleik og góðri
frammistöðu öftustu varnarinnar, þá sýndi liðið að það kunni, þrátt
fyrir oft nokkuð frumstæð tilþrif, að byggja upp sóknarlotur, sem
voru ekkert fálm — og stefndu beint í mark. Og þrjár slíkar tók-
ust, oft skall hurð nærri hælum, en flest eyðilögðust þó tækifærin
fyrir að leikmenn áttuðu sig ekki á rangstæðureglunni. Svo frum-
stætt var það.
Eins og eldgos
Það byrjaði eins og Surteyj-
argos, með upphlaupi sem lauk
með skalla í þverslá. Síðan ló
gosið niðri, ef við tökum skáld-
lega lýsingu, og sóknaröldur
Þróttar virtust ætia að eyða gos-
kraftinum með öllu. En hann
brotnaði aldrei með öllu í von
sinni um líf og sigur. Og svo
tóku gostungurnar að teygja sig
allt upp að marki Þróttar og
tvívegis í fyrri hálfleik inn í
markið. Þar með höfðu Eyja-
skeggjar náð fótfestunni í 1.
deild og tryggðu hann með þriðja
markinu í síðari hálfleik.
Undiralda gossins eins og
hraunstraumur í hlíðum fjalls-
ins voru svo hróp hundruð ungl-
inga frá Eyjum á áhorfenda-
póllunum sem látlaust í hálfa
aðra klukkustund hvöttu „landa“
sína. Það var mörg röddin hás
orðin í leikslok.
Þannig má líta á leikinn á
skáldlegan hátt.
Frumstæð tilþrif
Alvaran er önnur. Þrátt fyrir
ágætan leik segja kannski ein-
hverjír að hvorugt þessara liða
eigi heima í 1. deild. Mótstaðan
sem Þróttur veitti var ekki mikil
á köflum né að kraftur væri í
sókn Þróttar. Vestmannaeyingar
verðskulduðu sannarlega sigur-
inn þrátt fyrir frumstæð tilþrif.
En þeir eiga margt efnilegra
manna, sem án efa eiga eftir að
hita í hamsi þeim, sem nú eru
taldir beztir í 1. deild. En til
þess þarf enn stærra átak. Þetta
er góður áfangi, Vestmannaey-
ingar, og áfram á þroskabraut-
inni!
Þegar á fyrstu mín. sækja
ÍBV-menn og miðherjinn Aðal-
steinn Sigurjónsson á skalla í
þversiá Þeir sýndu þegar að
leiftursóknartilraunir þeirra
með langsendingum og hættu-
legum skallamönnum voru
hættulegar. Þær urðu og síðar
meir afdrifaríkar fyrir Þrótt.
Mörkin
Síðan kom langur kafli með
nær óbrotinni sókn Þróttar. En
knötturinn vafðist fyrir fótum
þeirra og Eyjamenn veittu þeim
aldre^ stundlegan frið til undir-
búnings og mörg færi sem sköp-
uðust hjá Þrótturum runnu út
í sandinn áður en þau voru nýtt.
Ódrepandi elja og sigurvilji
liðs ÍBV tók brátt móðinn úr
æfing3litlu Þróttarliðinu og vörn
in breyttist í hættulegar sóknar-
iotur. Ein sú fyrsta þeirra bar
árangur á 29. mín Sigmar Páls-
son brauzt í ggen á hægri kanti
og sendi vel fyrir. Þar var Aðal-
steinn og skoraði með skalla.
Laglegt.
Á 37. mín. sóttu Eyjamenn
fast. Aftur var sótt upp hægra
megin og gefið fyrir. Sævar
Tryggvason innherji var í opnu
færi, en mistókst skot og knött-
urinn fór aftur út til hægri.
Þaðan kom enn á ný hættuleg
sending fyrir markið og nú
skallaði Sævar knöttinn í mark-
ið. Hart sótt og góð uppskera.
Þannig stóð í hálfleik.
í upphafi síðari hálfleiks
beittu Þróttarar rangstöðu-
taktik á auðveldan hátt með
þeim árangri að ótalmörg tæki-
færi Vestmannaeyinga eyðilögð
ust fyrir þeirra klaufaskap í
fæðingu. En nú var meiri ró
farin að færast yfir leik Eyja-
manna, taugaæsingur að hverfa,
og þeir sýndu æ betri knatt-
spyrnu, þó þreyta segi og til sín.
Mörg stórhættuleg færi áttu
þeir þar sem hársbreidd munaði
að mark yrði. Var Sævar hættu-
legastur á þessum kafla.
Á 30. mín. leika Eyjamenn
upp miðjuna. Aðalsteinn gefur
til Sigmars á hægri kanti sem
leikur að marki og skorar
öruggiega framhjá markverði er
reyndi að bjarga með úthlaupi.
Þetta var staðfesting á verð-
skulduðum sigri.
Liðin
Eyjamenn eiga efni í gott lið.
Vörnin er mjög sterk — að
minnsta kosti gegn ekki list-
fengari sókn en Þróttur sýndi.
Eiga þar hlut að máli Páll í
markinu. bakverðirnir Gísli og
Atli og miðverðirnir Viktor |
Helgason fyrirliði og Friðfinnur
Finnbogason. í framlínunni ber
hæst Sævar Tryggvason og Sig-
mar Pálsson sem báðir ættu
erindi í hvaða ísl. lið sem væri.
En heildina bindur einbeittni
sigurvilji og dugnaður. Ekki er
g'ott að dæma getu liðsins af j
sigrinum yfir Þrótti. Liðsins 1
:

Fagnaðarlæti Vestmannaeyinga voru ósvikin í leikslok,
Myndir Sveinn Þorm.
bíða erfiðar raunir — og
kannski verri dómar en nú.
Lið Þróttar hafði framan af
yfirburði í leikni með knöttinn
en uppskeran varð engin, því
hraðann skorti. Örvæntingar-
íullar tilraunir dugðu heldur
ekki Einstökum leikmönnum
verður vart kennt um ósigur-
inn nú. Það vantar snerpuna og
það vantar úthald og hraða til
að uppskera náist.
Dómari var Rafn Hjaltalín og
dæmcli vel þennan annars erfiða
leik þar sem á köflum bar hæst
hörku og baráttu af meira kappi
en forsjá. Rafn óx mjög af þessu
erfiða hlutverki. — A. St.
Úrslit unglinga-
móts F.R.I.
SAMHLIÐA afmælismóti F.R.f.
í frjálsum íþróttum er haldið
var á Laugardalsvelli um helg-
ina og sagt var frá í blaðinu
í gær, fór fram unglingakeppni
F.R.Í. Var keppni skemmtiieg
í mörgum greinum og afrek
ungmennanna lofa góðu. í
sveinaflokki bar mest á Skúla
Arnarsyni (Clausens) en hann
sigraði í öllum þeim greinum
er hann keppti í 6 talsins og
náði góðum árangri, sérstaklega
í kringlukasti þar sem hann
kastaði 53,86 metra, eða svipað
því er Gunnar Huseby kastaði
á hans aldri. Skúli er óvenju
fjölhæfur, af svo ungum manni
að vera og er líklegt að hann
ei ri eftir að ná Iangt með svipuðu
áframlialdi. Einnig mætti til
nefna sem efnilega sveina þá
Stefán Jóhannsson, Á, er sigr-
aði í hástökki með 1,65 metr. og
Sigvalda Júlíusson, UMSE og
Einar Ólafsson, UMSB, en þeir
tveir síðarfnefndu háðu skemmti
Iega keppni í 800 metra hlaupi.
Má til gamans geta þess að þeir
hlaupu fyrri hring hlaupsins á
nær sama tíma og fullorðnu
garparnir gerðu.
í stigakeppni drengjakeppn-
innar bar Jón Benónýsson, HSÞ,
sigur úr býtum en hann er mjög
efnilegur íþróttamaður, og náði
200 metra hlaupi 24,7 sek., og
athyglisverðum árangri t. d. í
í langstökki 6,37 nietr. Einnig
mætti til nefna Karl Erlendsson,
ÍBA, er stökk 1,73 metra í há-
stökki, Jóhann Friðgeirsson,
UMSE. Halldór Matthíasson,
ÍBA, Petur Pétursson, HSS og
Guðmund Guðmundsson, UMSS
er stökk 3,42 m í stangarstökki
og átti sæmilegar tilraunir við
3,50 m., sem hefði verið nýtt
drengjamet. Skorti hann aðeins
meiri hraða í atrennuna.
f kvennakeppninni varð stiga-
hæst Þuríður Jónsdóttir, HSK,
en iLilja Sigurðardóttir, HSÞ,
veitti henni harða keppni.
Helztu úrslit urðu þessi:
400 metra hlaup sek.
1. Ólafur Guðmundss. KR, 51,4
2. Terje Larsen, Noregi 51,5
3. Þórarinn Arnórsson, IR, 52,0
4. Trausti Sveinbjörnss. FH, 52,3
5. Hanno Rheineck, V-Þýzk. 53,2
1500 metra hlaup mín.
1. Preben Glue, Danm. 4:12,3
2. Tkaczy4c, Póllandi, 4:13,7
3. Halldór Guðbjörnss. KR. 4:15,6
Hástökk: metr.
1. Svend Breum, Danmörk 2,00
2. Jón Þ. Ólafsson, ÍR, 1,90
800 metra hlaup: mín.
1. Terje Larsen, Noregi, 1:56.3
2. Tkaczyk, Póllandi, 1:56,8
3. Halldór Guðbjörnss. KR 1.58.4
4. Þórarinn Arnórsson, ÍR, 2,02,2
5. Trausti Sveinbjörnss. 2:06,0
Kringlukast metr.
1. Þorst. Alfreðsson UMSK 46,06
2. Erlendur Valdimarss. ÍR, 44,94
3. Björn Bang Andersen N. 44,72
4. Arnar Guðmundss. KR, 44.60
SVEINAR:
100 metra hlaup sek.
1. Skúli Arnarsson, ÍR 12,6
2. Þorvaldur Baldurss. KR, 12,8
3. Elías Sveinsson, ÍR, 13,0
400 metra hlaup sek.
1. Sigvaldi Júlíuss. UMSE, 57,4
2. Jafet Ólafsson, Á, 59,2
Kúluvarp metr.
1. Skúli Arnarsson, ÍR, 14,35
2. Guðni Sigfússon, ÍR, 14,25
3. Eiríkur Jónsson, UMSB, 13,48
Stangarstökk metr.
1. Elías Sveinsson ÍR, 3,10
I' ~~;d Ms. 20