Morgunblaðið - 03.11.1973, Blaðsíða 3

MORGUNBLAÐIÐ LAUGARDAGUR 3. NÓVEMBER 1973
3
Slegist um íbúð-
ir á Sauðárkróki
Afli togaranna hér frá Sauðár-
króki hefur verið frekar góður i
haust og yfirleitt koma þeir með
um 100 lestir úr hverri veiðiferð.
Héðan eru nú gerðir út þrír skut-
togarar, Hegranes, Drangey og
Skafti, sem er sameign aðila á
Hofsósi og Sauðárkróki, sagði
Guðjón Sigurðsson fréttaritari
Morgunblaðsins á Sauðárkróki
þegar við ræddum við hann í gær.
Hann sagði, að nú væri unnið
við gerð nýja flugvallarins við
Hegranes. Það verk, sem nú væri
unnið að, væri undirbygging vall-
arins. Þá er byrjað á heimavistar-
byggingu við gagnfræðaskólann,
en ekki er vitað hve langt þær
framkvæmdir komast í haust.
Menn vona samt, að hægt verði að
halda áfram með bygginguna í
vetur. Miða menn þá við s.l. vetur,
en þá var hægt að vinna við
steypuvinnu allan veturinn ef
nokkrir dagar f febrúar eru
undanskildir.
Mikið er byggt á Sauðárkróki á
þessu ári, og vitað er að nokkur
íbúafjölgun verður. Hins vegar
stendur íbúðarskorturinn fólks
f jölgun fyrir þrifum, og segja má
að rifist sé um hverja íbúð, sem
losnar.
Guðjón sagði, að enn væri unnið
við lagningu nýju vatnsveitunnar
og er nú verið að leggja hana inn í
bæinn. Aður var hún kominn að
svo nefndri Eyri, en þar eru aðal-
Kirkjukvöld í
Laugarneskirkju
KIRKJUKÓR Hvalsneskirkju og
kirkjukór Asprestakalls efna til
kirkjukvölds í Laugarneskirkju,
sunnudaginn 4. nóv., kl. 20,30.
Sr. Grímur Grimsson og sr. Guð-
mundur Guðmundsson ávarpa
kirkjugesti og flytja ritningarorð.
Einar Sturluson syngur einsöng
og báðir kirkjukórarnir syngja
nokkur lög.
Sjálboðaliðar
SJÁLFBOÐALIÐA vantar við
byggingu Sjálfstæðishússins f
dag kl. 13—19. Sjálfstæðis-
fólk! Leggið hönd á plóginn!
Mætið f dag.
matvælafyrirtæki staðarins eins
og frystihúsið og sláturhúsið.
Aður en hægt verður að taka
nýju vatnsveituna á Sauðárkróki f
notkun verður að endurnýja
nokkurn hluta vatnsleiðslunnar
um bæinn.
ísfélagið
1 gang fyr-
ir áramót
GERT er ráð fyrir, að Isfélag
Vestmannaeyja geti hafið
starfsemi sfna f desember n.k. og
að þá verði einnig farið að frysta
fisk hjá fyrirtækinu. Þessa dag-
ana er unnið að þvf, að koma upp
borðum f pökkunarsal fyrirtækis-
ins og vélum er verið að koma
fyrir.
Einar Sigurjónsson, fram-
kvæmdastjóri Isfélagsins, sagði í
samtali við Morgunblaðið í gær,
að þess misskilnings virtist hafa
gætt, að Isfélagið hygðist aðeins
leggja áherzlu á loðnufrystingu
og söltun i vetur. Þetta væri
alrangt og forráðamenn fyrir-
tækisins vonuðust til, að hægt
yrði að taka á móti þorskafla til
frystingarfyrir áramót.
Undanfarin ár hafa 16—18
bátar Iagt upp á jafnaði hjá
ísfélaginu, og er búizt við, að sá
fjöldi leggi upp hjá fyrirtækinu í
vetur.
Málverkasýn-
ing Þórdísar
MÁLVERKASÝNING Þórdfsar
Tryggvadóttur í Bogasal Þjóð-
minjasafnsins hefur staðið í tæpa
viku. Henni lýkur á sunnudags-
kvöld.
Á sýningunni eru 39 verk alls,
17 teikningar, 14 málverk og 8
myndir út þjóðsögum. Allmargar
myndir hafa þegar selzt.
A ferð yfir Kaldadal frá Húsafelli til Þingvalla.
Staldrað við hjá Meyjarskarði. Ar 1926 — 30.
Sýning á vatnslitamynd-
um opnuð í Asgrímssafni
A MORGUN verður haustsýning
Asgrfmssafns opnuð. Er hún 40.
sýning safnsins síðan það var
opnað almenningi áriSl960.
Aðaluppistaða þessarar
sýningar eru vatnslitamyndir,
málaðar á hálfrar aldar tímabili.
Nokkrar af vatnslitamyndunum
eru nú sýndar í fyrsta sinn, meðal
þeirra ein af síðustu myndum
Asgríms, Hekia, séð frá Vatna-
görðum, máluð í september 1957.
El á Þingvöllum er máluð i
október 1953. Einnig eru myndir
úr Mývatnssveit og Borgarfirði á
sýningunni.
Eins og undanfarin ár kemur út
á vegum Asgrímssafns nýtt jóla-
kort. Er það prentað eftir vatns-
litamyndinni Ur Skfðadal, sem
Asgrimur Jónsson málaði í síð-
ustu ferðsinni til Norðurlands, og
er þetta kort fyrsta kynning
kortaútgáfunnar frá þeim
slóðum.
Ásgrímssafn, Bergstaðastræti
74, er opið sunnudaga, þriðjudaga
og fimmtudaga frá kl. 1.30—4.
Aðgangur ókeypis.
„Stjómvöldin
eiga næsta leik”
— segja lækna-
nemar eftir
velheppnaðar
aðgerðir
„RAÐUNEYTIN eiga næsta
leik. Boltinn er núna hjá ráð-
herrunum og við viljum lfta svo
á, aðgangi þeir ekki að þessari
meginkröfu okkar séu þeir f
raun fylgjandi fjöldatakmörk-
un að háskóladeildunum.“
Þannig fórust forsvarsmönnum
læknanema orð f samtali við
Morgunblaðið, að loknum vel-
heppnuðum aðgerðum, sem
þeir efndu til f gær til að leggja
áherzlu á verkfall sitt og mót-
mæli varðandi fyrirhugaða
f jöldatakmörkun að lækna-
deild. Læknanemar hrósa
óneitanlega sigri eftir fyrstu
lotu. Þeir fengu jákvæðar
undirtektir ráðherra við kröf-
um sfnum, og stuðningsyfirlýs-
ingu frá háskólaráði.
Aðgerðir læknanema voru f
því fólgnar, að þeir söfnuðust
saman um kl. eitt í gær á Land-
spítalalóðinni, en fóru síðan
fjöldagöngu niður á Arnarhól.
Alls tóku um 200-250 stúdentar
þátt i göngunni. Þegar á Arnar-
hól kom, fóru fulltrúar á fund
heilbrigðisráðherra og mennta-
málaráðherra og afhentu þeim
greinargerð sína ásamt sam-
þykkt háskólaráðs frá því á
fimmtudag. Á fundi með full-
trúum stúdenta lýsti heil-
brigðisráðherra yfir eindregn-
um vilja sínum til að leysa
þetta mál og lýsti jafnframt yf-
ir andstöðu sinni gegn fjölda-
takmörkunum að læknadeild.
Svör menntamálaráðherra voru
einnig mjög á sama veg, að sögn
talsmanna læknanema.
Að þessu loknu gengu lækna-
nemar fylktu liði upp í Háskóla
Islands, og þar var haldinn eins
konar lokafundur í anddyri
skólans. Lýstu stúdentar þar
yfir þeim vilja sinum að hætta
ekki aðgerðum fyrr en þeim
hefði tekizt að fá takmörkunar-
ákvæðið „út úr heiminum".
Verkfall stúdenta hófst sem
kunnugt er í gær og mun
standa áfram í dag. Á mánudag
verður þetta mál reifað á
Alþingi, og gera læknanemar
ráð fyrir að fjölmenna á þing-
palla til að fylgja málinu þar
eftir. Hafa læknanemar tekið
saman greinargerð, er afhent
verður ráðherrum og alþingis-
mönnum. Læknan. lýsa þar
yfir eindreginni andstöðu sinni
við fyrirhugaða takmörkun í
læknadeild. I greinargerðinni
segir, að stjórn læknadeildar
rökstyðji þessa ákvörðun sína
með öngþveiti I húsnæðismál-
um, sem stafi fyrst og fremst af
framkvæmdaleysi stjórnvalda.
Skora læknanemar á alþingis-
menn að beita sér fyrir þremur
tilteknum atriðum til úrbóta —
í fyrsta lagi að sjá til þess, að
fjöldátakmörkun í læknadeild
komi aldrei til framkvæmda, að
hafizt verði þegar handa um
framkvæmd byggingaráætlun-
ar læknadeildar á Landspítala-
lóðinni, og í þriðja lagi, að
læknadeild verði séð fyrir fjár-
magni til öflunar bráðabirgða-
húsnæðis og kennslukrafta.
I viðtali Mbl. við forsvars-
menn læknanema kom fram að
vænta má frekari aðgerða af
þeirri hálfu í þessu máli. „Við
munum bíða átekta einhvern
tima, en taka málið upp að
nýju, þegar fyrir liggur, hver
viðbrögð stjórnvalda munu
verða og þá haga aðgerðum
okkar í samræmi við það,“
segja þeir.
Morgunblaðið sneri sér til
Ölafs Björnssonar háskóla-
rektors og spurði hann um af-
stöðu háskólayfirvalda til þessa
máls. Kvað Ölafur háskólayfir-
völd hafa fullan skilning á kröf-
um læknanema og benti á, að
háskólaráð hefði raunar lýst yf-
ir stuðningi sínum við lækna-
nema með samþykkt, er gerð
var á fundi ráðsins strax á
fimmtudag. (Þessi samþykkt
var afhent ráðherrum í gær,
eins og kemur fram hér á und-
an).
I samþykktinni segir, að
fundur í háskólaráði beini þeim
tilmælum til menntamálaráðu-
neytisins og læknadeildar, að
kannaðar verði til hlítar
hugsanlegar leiðir til þess að
komast hjá að beita heimild um
takmörkun á tölu stúdenta, sem
halda áfram námi f læknadeild,
að afloknu prófi fyrsta árs
1974. Segir ennfremur, að há-
skólaráði sé ljóst, að til að kom-
ast hjá takmörkunum sé brýn
nauðsyn á ráðstöfunum, sem
ráðið tiltekur í sex liðum.
Þar er m.a. lagt til. að hinn
bráði húsnæðisskortur pre- og
parakliniskra greina verði
leystur með verksmiðjufram-
leiddum einingahúsum, sem
notuð verði sem rannsóknar-
stofur og kennsluhúsnæði fyrir
þessar greinar. Að nauðsynlegt
sé, að kliniskri kennslu á
Borgarspítala og St. Jósefsspít-
ala verði komið á fastan grund-
völl og í þvi sambandi gerð
grein fyrir nauðsyn á fjölgun
kennslukrafta. I þriðja lagi, að
nú þegar verði gengið frá bygg-
ingaáætlun og endanlegu
skipulagi á sameiginlegri lóð
Landspítala og læknadeildar.
Að gerð verði framkvæmda- og
fjármögnunaráætlun fyrir
næstu 5—10 ár. Að allar fram-
kvæmdir verði undir einni yfir-
stjórn mannvirkjagerðar á sam-
eiginlegri lóð Landspítala og
Háskóla, og í síðasta lagi, að
ráðnir verði arkitektar á frjáls-
um markaði og skipaðar nú
þegar hönnunarnefndir fyrir
byggingar A og C, en undirbún-
ingi öllum að byggingum þess-
um verði flýtt, svo að unnt
verði að hefja framkvæmdir í
lok næsta árs eða byrjun ársins
1975.
Háskólaráð hefur heitið
læknadeild fullum stuðningi
við framkvæmd þessara atriða.
Læknanemar ásamt deildar-
forseta sfnum, dr. Jóhanni Axels-
syni, áður en þeir ganga á fund
menntamálaráðherra. A efri
myndinni sést ganga læknanema
á Arnarhóli, en þangað gengu
þeir ofan frá Landspftalanum.
(Ljósm.Mbl. Öl. K.M.j.k