Morgunblaðið - 03.11.1973, Blaðsíða 18

18
MORGUNBLAÐIÐ LAUGARDAGUR 3. NÓVEMBER 1973
Tregt hjá Bolung
arvíkurbátunum
— Aflabrögð Bolungarvíkur-
báta eru frekar lítil um þessar
mundir. Þeir róa allir með línu
og hafa mest fengið sex lestir í
róðri sem er mun minni afli en
þeir fengu oft á línuna í fyrra-
haust. Sjómenn hér í Bolungar-
vík telja, að togararnir þurrausi
miðin þannig, að linufiskurinn
nái ekki að ganga upp að land-
inu, sagði Hallur Sigurbjörns-
son fréttaritari Mbl. í viðtali við
blaðið í gær.
Geysimikið er nú byggt á
Bolungarvfk, og þessa dagana
er verið að koma sundlauginni
undir þak. Upphaflega átti að
taka sundlaugina I notkun á
þessu ári, en af þvi verður ekki,
og verður víst ekki fyrr en á
næsta ári. Sunndlaugin verður
12x24 metrar að stærð.
Sagði Hallur, að fólk vantaði
nú til flestra starfa á Bolungar-
vík.
23 þús. fjár slátrað
á Kirkjubæjarklaustri
Slátrun er nú að ljúka hér á
Kirkjubæjarklaustri, en alls
verður slátrað 23 þúsund fjár
að þessu sinni, en það er 2
þúsund fjár fleira en í fyrra,
sagði Siggeir Björnsson bóndi í
Holti, er við ræddum við hann i
gær.
Hann sagði, að slátrun lyki á
þriðjudag og dilkar væru mun
vænni en í fyrra. Um 50 manns
vinna að staðaldri i sláturhús-
inu.
Ljómandi tíð hefur verið á
Kirkubæjarklaustri í haust og
miklir flutningarverið um stað-
inn, aðallega vegna fram-
kvæmdanna á Skeiðarársandi.
Einmunatíð á Kópaskeri
SLATRUN hjá Kaupfélagi
Norður-Þingeyinga á Kópaskeri
lauk 16. október s.l., og var alls
slátrað 27 þúsund fjár. Eru
þetta nokkru fleiri dilkar en í
fyrra, en meðalþungi þeirra var
nú aðeins minni. Þess má geta,
að dilkar hafa aldrei verið
jafn þungir og f fyrra.
Ragnar Helgason fréttaritari
Mbl. á Köpaskeri sagði i gær, að
einmuna tíð væri búin að vera á
Kópaskeri f haust. Ekkert
áhlaup hefði komið og fólk
hefði svona rétt séð litinn á
snjónum.
Nokkrir smábátar voru
gerðir út frá Kópaskeri f sumar,
en afli var saratregur. Fiskur
inn var allur saltaður og nú
nýlega var honum skipað út.
Atvinna á Kópaskeri er nú
næg, og talsvert er um það, að
húsmæður vinni úti, einkum
við sláturgerð, sem er að hefj-
ast og við verzlunarstörf.
Vígsluafmæli Brimils-
vallakirkju sl. sunnudag
Stykkishólmi, 29, október —
SlÐASTLIÐINN sunnudag var
haldið upp á 50 ára vígsluaf-
mæli Brimilsvallakirkju á
Snæfeilsnesi, en kirkjan var
vígð fyrir nákvæmlega 50 árum
á fyrsta vetrardag, 28. október
af séra Ama Þórarinssyni
prófasti. Við víxluathöfnina
fyrir 50 árum predikaði þá ný-
vígður sóknarprestur, séra
Magnús Guðmundsson.
Athöfnin síðastliðii n sunnu-
dag hófst klukkan 2 og voru um
70 manns samankomnir í kirkj-
unni. Einsdæmi er, að aftur við
athöfnina nú að 50 árum liðn-
um predikaði séra Magnús
Guðmundsson. Sóknarprestur-
inn í Ólafsvík þjónaði fyrir alt-
ari. Biskupinn, herra Sigur-
björn Einarsson og séra Jón
Isfeld fluttu ávörp.
Kirkjunni bárust margar
gjafir á afmælinu, svo sem ný
altarisklæði, svo og rafmagns-
ofnar, en upphitun hefur ekki
áður verið með rafmagni.
Kirkjan var byggð 1923 og var
yfirsmiður Alexander Valen-
tínusson, Ólafsvík, Bjarni
Sigurðsson, bóndi á Brimils-
völlum,gaf land undir kirkjuna
og kirkjugarð auk annarra
gjafa.
Kirkja Fróðárhrepps, sú er
var, áður en þessi var byggð,
var á Fróðá, en var flutt til
Ólafsvíkur 1892. Var söfnuður-
inn þá 156 manns. Var mikill
kurr í söfnuðinum við þetta,
svo að margir lögðu niður
kirkjusókn, sumir fluttu úr
hreppnum, en aðrir gengust
fyrir stofnun fríkirkju. Úr
þessu urðu svo samtök um
kirkjubyggingu með þeim
árangri, að kirkja reis í sókn-
inni 1923. Nú eru í sókninni
28 manns. — Fréttaritari.
12,20 kr. fyrir
hörpudiskinn
HELGI Þórðarson, Alfaskeiði 49,
Hafnarfirði, verður áttræður f
dag, laugardaginn 3. nóvember. t
tilefni afmælis sfns tekur Helgi á
móti gestum á heimili sínu.
VERÐLAGSRÁÐ sjávarútvegsins
ákvað lágmarksverð á skelfiski á
fundi sínum í gær. Þetta nýja
lágmarksverð á að gilda frá 1.
nóvember til 31. desember n.k.
Verð á hörpudiski verður, sem
hér segir: Hörpudiskur í vinnslu-
hæfu ástandi, 7 sm á hæð og þar
yfir, hvert kíló kr. 12.20.
Verðið miðast við, að seljandi
skili hörpudiski á flutningstæki
við hlið veiðiskips, og skal hörpu-
diskurinn veginn á bilvog af lög-
giltum vigtarmanni á vinnslustað
og þess gætt, að sjór fylgi ekki
með. Verðið miðast við gæða- og
stærðarmat Fiskmats rfkisins og
fari gæða- og stærðarflokkun
fram á vinnustað.
Þetta nýja verð er það sama og
verið hefur á þessu ári, og eftir
þeim upplýsingum, sem Morgun-
blaðið hefur aflað sér, þá eru sjó-
menn og útgerðarmenn á skelfisk-
bátum við Breiðafjörð ákaflega
reiðir, þar sem allur annar fiskur
hefur hækkað á þessu ári og allur
tilkostnaður við útgerð hefur
hækkað mikið á þessu ári. Halda
sjómenn því fram, að Verð-
jöfnunarsjóður hefði átt að grfpa
hér inn í og greiða einhverjar
uppbætur á verðið.
Umræður um verðlags-
mál nauðsynlegar
ÞRIÐJA ráðstefna Félags ís- að hér ríkti algerlega úrelt fyrir-
lenskra stórkaupmanna var sett á
Hótel Loftleiðum á föstudag. Um
80 fulltrúar taka þátt f henni, en
félagsmenn um land allt eru alls
um 200. A fundi með frétta-
mönnum kynnti Ami Gestsson,
formaður F.I.S., Adolf Sonne, for-
stjóra „Monopolitilsynet" f Dan-
mörku, en það er stofnun, sem sér
um einokunar- og verðlagseftirlit.
Sonne flytur í dag, (laugardag),
erindi um einokunar- og verðlags-
eftirlitsstefnu sem lið I stjórn
efnahagsmála. Hann hefur áður
komið hingað til lands, var hér f
sex vikur árið 1967 sem tækni-
legur ráðunautur, þegar verið var
að semja „frumvarp til laga um
eftirlit með einokun, hringa-
my nd un og verðlagi."
Ámi Gestsson rakti stuttlega
dagskrá ráðstefnunnar og
mirintist sérstaklega á erindi, sem
Jón Sigurðsson hagrannsókna-
stjóri flutti um athuganir á af-
komu heildverslunar 1971 og 1972
og einnig á erindi um gagnasöfn-
un og upplýsingaöflun innan
heildverslunar, sem Júlíus S.
Ólafsson og Jónas Þór Steinars-
son höfðu samið.
Ámi sagði, að fyrirhugað væri
áframhaldandi og meira rann-
sóknastarf á þessum sviðum og
væri verið að reyna að koma af
stað heildarumræðum um efna-
hags- og verðlagsmál. Hann sagði,
komulag þessum málum. Kerfi
svipað og okkar hefði verið notað
á hinum Norðurlöndunum og
víðar í stríðinu og fyrst á eftir, en
1955 hefði í stað þess verið sett á
fót stofnun, sem hefði eftirlit með
hringamyndun ogverðlagi.
Hann kvaðst persónulega þora
að fullyrða, að verðlagskerfi
okkar, frá 1939 eða þar um bil,
hefði ekki áhrif til lækkunar
heldur þvert á móti. Kvað hann
þröngsýni að vilja ekki kynna sér
aðrar leiðir.
NOTA EKKI HAMARKSALAGN-
INGU I PRÓSENTUTÖLUM
Adolf Sonne sagði, að eftir
stríðið hefðu orðið miklar breyt-
ingar á viðskiptaháttum i flestum
ríkjum. Verðlagsákvarðanir
hefðu að mestu verið lagðar
niður, en tekið upp eftirlit með
hringamyndunum og stórfyrir-
tækjum og frjáls samkeppni látin
ráða verðlaginu. Hitt kerfið hefði
t.d. verið notað i Danmörku á
stríðsárunum, þegar landið var
nánast lokað og sveiflur því litlar
i efnahagslífinu. Nú væri t.d. haft
eftirlit með samningum um verð
og skiptingu á mörkuðum. Verö-
bólgan undanfarin ár hefði gert
sérstakar ráðstafanir nauðsyn-
legar og þá hefði verið tekin upp
sveigjanleg verðlagsstjórn. Hins
vegar væri ekki beitt hámarks
Hafmengunar-
ráðstefna
London 30. okt. AP.
ALÞJÓÐLEG ráðstefna um
mengun sjávar, sem haldin er í
London, hvatti f dag ríkisstjórnir,
hvar sem er í heiminum, til að
banna oliuaffermingu á fimm
hafsvæðum; Miðjarðarhafi,
Svartahafi, Rauðahafi, Persaflóa
og Eystrasalti.
Ráðstefnan, sem er haldin á
vegum Sameinuðu þjóðanna,
hófst þann 8. október s.l. og hefur
fjallað um mörg mikilvæg atriði,
sem beinast að því að koma í veg
fyrir mengun sjávar. M.a. er hvatt
til mun strangari reglugerða um
umbúnað á eiturefnum og öðrum
úrgangsefnum, meðan á flutningi
þeirra stendur, svo og að útbúnir
verði sérstakir geymslutankar
fyrir varhugaverð efni.
Adolf Sonne
álagningarprósentu, þar sem slíkt
ylli verðhækkunum, heldur væri
miðað við krónur og aura.
Ferming
Prestur
séra Bragi Friðriksson
Hrafnhildur Sigurðardóttir,
Hagaflöt 4
Hrefna Sigurðardóttir,
Efstalundi 1
Linda Björk Hlynsdöttir,
Breiðási 2
Sigríður Bjarney Karlsdóttir,
Aratúni 14
Valgerður Karlsdóttir,
Aratúni 14
Guðmundur Sigurðsson,
Hörgslundi 4
Hans Agúst Einarsson,
Hvannalundi 6
Marteinn Ölafsson,
Laufási 4
Ómar Hlynsson,
Breiðási 2.
Steingrímur Páll Björnsson,
Hdlabraut 11, Hafnarf.
— Nixon
Framhald af bls. 1
leit að samtölunum tveimur, en
ekki tekizt að finna þau.
Hvíta húsið tilkynnti John
Siriea, dómara, fyrr í vikunni, að
þvi hefði ekki með vissu verið
kunnugt um, að hljóðritanirnar
tvær væru ekki til fyrr en á mið-
vikudagsmorgun.
Fyrr í dag hafði einn af sak-
sóknurunum í Watergatemálinu,
Richard Ben Veniste, sagt, að enn
væri mörgum spurningum
ósvarað af hálfu Hvíta hússins í
máli þessu og hann hefði í hyggju
að kveða a.m.k. átta af núverandi
og fyrrverandi embættismönnum
Nixons til yfirheyrslu vegna þess-
ara hljóðritana, sem ekki eru
sagðar til. Meðal þeirra yrðu H.R.
Haldeman fyrrum skrifstofustjóri
i Hvita húsinu og Henry Peterson
aðstoðardómsmálaráðherra. Sagði
Ben Veniste, að alltof margar
mótsagnir væru enn óútskýrðar.
Það vakti mikla athygli,' hversu
fyrirvaralaus ferð Nixons til Key
Biseayne var. Venjan er, að
nokkrir blaðamenn farí með for-
setanum i slíkar ferðir, en nú
gafst þeim ekkert ráðrúm til þess.
Er þetta einstakt í stjórnartíð
Ni xons.
— Golda Meir
Framhald af bls. 1
berlega lýst yfir því, að hann
muni aldrei semja beint við ísra-
ela. Talið er líklegt, að hann muni
samt endurskoða þá afstöðu sína.
I kvöld ætlaði Kissinger utan-
ríkisráðherra að ræða á ný við
Goldu Meir, auk þess sem hann
ætlaði að hitta að málí Ismail,
utanríkisráðherra Sýrlands, og
verða það fyrstu meiriháttar við-
ræður valdamanna þessara
tveggja landa síðan Sýrland sleit
stjórnmálasambandi við Banda-
ríkin árið 1967.
— Minning
Framhald af bls. 22.
an bilbug á sér finna. Hún sinnti
þeim verkum, sem hún mátti, með
sömu snyrtimennsku og glæsi-
brag og áður og snerist við erfið-
leikunum af því tápi, sem ótítt er.
Jafnt i erfiðleikunum og þegar
betur blés, fannst mér ég fara
auðugri af fundi hennar en þegar
ég kom.
Síðustu árin þurfti hún að fara
fjórum sinnum árlega til Reykja-
vikur til athugunar og meðferðar.
Var það jafnan móðir hennar,
sem fór með henni þær ferðir,
hvernig sem viðraði og á stóð. Er
dugnaður þeirra mæðgna á þess-
um timum aðdáunarverður. Og ég
veit, að Stellu írænku minni var
efst í huga þakklæti til þeirra,
sem lögðu henni lið i baráttu
hennar. Á það ekki sízt við um
eiginmann hennar, fyrir staka
umhyggju hans, foreldra hennar,
sem allt vildu fyrir hana gera,
lækna og hjúkrunarlið, sem hún
minntist oftsinnis með þökk og
hlýju, og æskuvinkonu hennar,
Jónu Björnsdóttur, en heimili
hennar og manns hennar, Gylfa
Einarssonar, stóð henni jafnan
opið.
Að leiðarlokum er mér efst i
huga þakklæti, virðing og aðdáun,
og minningin um Stellu mun ylja
mér, meðan ég lifi. Ég bið fjöl-
skyldu hennar allrar blessunarog
sendi henni einlægar kveðjur
minar og minna, en heilir hugir
allra þeirra, sem kynntust henni,
fylgja henni með blessunaróskum
á þeirri vegferð, sem nú er hafin.
Lóa.
— Hulduríki
Framhald af bls. 1
*II sigur fyrir hina þjóðernissinn-
uðu skæruliða, sem f september
lýstu þennan hluta portúgölsku
Guineu f Afrfku sjálfstætt rfki,
en þarna býr um hálf milljón
manna.
Samþykkt allsherjarþingsins
var mjög harðorð, en henni
greiddu 93 riki atkvæði sitt, 7
voru á móti og 30 sátu hjá. Sam-
þykktin fordæmir Portúgal harð-
lega fyrir „ofbeldisverk“ gegn
íbúum þessa svæðis og krefst
þess, að her verði þegar í stað
kvaddur burt þaðan. Fulltrúi
Portúgals vísaði þessu hins vegar
á bug og kallaði Guinea Bissau
„hulduriki, sem aðeins er til á
pappirnum“.
Gegn samþykktinni greiddu at-
kvæði Bandaríkin, Bretland,
POrtúgal, Spánn, Grikkland, Suð-
ur-Afrika og Brasilfa.