Morgunblaðið - 31.01.1974, Síða 13

Fréttabréf frá
Borgarfirði
eystra
Borgarfirði, 29. jan.
SVO sem getið hefur verið
um í fréttum hefur fyrrihluti
þessa vetrar verið snjóþyngri
og byljóttari hér á Austurlandi
en margir eldri menn muna
dæmi um áður. Hefur þetta
komið sér sérstaklega illa fyrir
okkur Borgfirðinga, þar sem
aðalsamgönguleið okkar við
umheiminn, Vatnsskarð til
Héraðs, hefur verið lokuð tfm-
unum saman og flug legið
niðri. Má geta þess, að skóla-
nemar, sem komust við illan
leik heim í jólaleyfi, ýmist
gangandi eða á snjósleðum,
urðu að fá varðskip til að
sækja sig að leyfi loknu, sem
ætlaði að ganga illa, og kom
það tvisvar, því að í fyrra
skiptið mátti telja ólendandi.
Olíulaust var að verða og beið
Kyndill eftir tækifæri til að
koma hingað frá Seyðisfirði,
sem tókst þó að lokum.
Læknir okkar, Þorsteinn
Sigurðsson héraðaslæknir á
Egilsstöðum, sem þrátt fyrir
óskaplegar annir vegna stærð-
ar umdæmis síns, hefur ávallt
sýnt frábæran dugnað við að
vitja okkar, hefur ekki komizt
hingað frá því 4. des. vegna
anna, ófærðar og nú síðast eig-
in veikinda, þar til sl. föstu-
dag. Að vísu lagði hann einu
sinni af stað f flugvél, en þá
gat hún ekki lent og varð að
snúa við við svo búið. Já, heil-
brigðismál okkar eru mörgum
áhyggjuefni, þegar oft lfða
langir tímar, svo að ekki er
hægt að ná til læknis, hvað
sem fyrir kann að koma, og
engin hjúkrunarlærð mann-
eskja á staðnum. Annars binda
margir vonir sínar við unga og
efnilega stúlku héðan, Sigrúnu
Skúladóttur, sem nú er útlærð-
ur sjúkraliði. Von er um, að
hún verði ráðin til starfa hing-
að, ef hún gefur kost á sér. Hef
ég orð héraðslæknis fyrir því,
að slíkt yrði ómetanlegt.
Eitt hús er hér i smiðum,
skólastjóraíbúð, og mun lækn-
ir eiga jafnframt að fá þar
aðstöðu til starfa í vitjunum
sínum. — Frá því um nýár
hafa verið haldnar tvær miklar
samkomur hér, hin árlega
barnasamkoma og þorrablót,
29. árið í röð, sl. laugardag, fór
það mjög vel fram í alla staði.
Nú eru vertíðarmenn farnir
eða að fara og munar mikið um
þá í fámennu byggðarlagi eins
og hérna.
Séra Sverrir Haraldsson.
Upphefð
Bakkusar
Moskvu 28. janúar- NTB
PETUR I., keisari í Rússlandi,
mun Itafa haft hina mestu
skömm á rónum og drykkju-
■nönnum, og hafa nú sovézkir
sagnfræðingar komizt að þv í,
að keisarinn veitti sopadrjúg-
um mönnum innan hirðarinn-
ar sérstakt heiðursmerki eða
viðurkenningarorðu, að því er
Tass-fréttastofan skýrir frá.
Var orða þessi úr járni, meira
en sex kíló að þyngd, og á hana
var letrað: „Fyrir fyllirf.** Orð-
an var fest með járnkeðju um
háls viðkomandi heiðurs-
manns, þannig að hann varð að
bera hana dag sem nótt.
MORGUNBLAÐIÐ, FIMMTUDAGUR 31. JANÚAR 1974
13
ÚTSALAN HEFST í DAG Á TVEIMUR H/EÐUM
HERRAFOT SKYRTUR KJOLAR BUXUR
JAKKAR GARDÍNUBÚTAR PEYSUR BLÚSSUR
FRAKKAR SÆN GUREFNISBÚTAR PILS UNDIRFATNAÐUR
AÐEINS í FÁA DAGA - MIKIL VERÐLÆKKUN
HERRASKÓR
KVENSKÓR
BARNASKÓR
STÍGVÉL
KULDASTÍGVÉL
STRIGASKÓR
lí it '$$
Austurstræti.