Morgunblaðið - 26.02.1974, Blaðsíða 10

10
MORGUNBLAÐIÐ, ÞRIÐJUDAGUR 26. FEBRUAR 1974
Hafa útskrifað*98 ára sjúklíng
Eyjólfur Eyfells með málverkasýningu
á Grensásdeild Borgarspítalans
Grensásdeild Borgarspítal-
ans hefur nú starfað í tæplega
ár, en deildin tók til starfa
vorið 1973. Grensásdeildin, sem
er endurhæfingar- og
h júkrunardeild Borgarspftal-
ans, hefur verið fullskipuð
sjúklingum frá þvf, að hún tók
til starfa, en á sjúkradeildun-
um liggja nú um 90 langlegu-
sjúklingar á öllum aldri, aðal-
lega þó roskið fólk úr Reykja-
vfk, en sjúklingar hafa verið
hvaðanæva að af landinu, sá
yngsti 8 ára og sá elzti 98 ára.
Skömmu fyrir helgina var
blaðamönnum kynnt starfsemi
deildarinnar, en um leið var
opnuð sýning á málverkum
Eyjólfs Eyfells listmálara I
andyri, skrifstofum, göngum og
borðstofum sjúklinga.
Á blaðamannafundinum
sögðu þeir Ásgeir B. Ellertsson
yfirlæknir og Jón Sigurðsson
borgarlæknir, að Grensásdeild
væri nú á þremur stöðum í
borginni, en aðalstarfsemin
færi fram í nýju 1000 ferm hús-
næði við Grensásveg. Er það
teiknað af arkitektunum Þor-
valdi Kristmundssyni og Sigur-
jóni heitnum Sveinssyni. Á 2.
og 3. hæð hússins eru tvær
þrjátíu rúma sjúkradeildir, á 1.
hæð í vesturálmu er sjúkra-
þjálfun, og einnig er þar borð-
stofa starfsfólks og eldhús. I
austurálmu er svo læknaher-
bergi, kennslustofa, bókasafn
sjúklinga og, til bráðabirgða,
aðstaða fyrir nýja hjúkrunar-
skólann. Á jarðhæð er svo að-
staða fyrir iðjuþjálfun, hús-
vörð, matargeymslur og f.l. Er
húsið allt hið glæsilegasta og
sennilega er á fáum sjúkrahús-
um búið jafnvel að sjúklingum.
Ásgeir B. Ellertsson Iæknir
sagði m.a., að það, sem nú
vantaði tilfinnanlegast við
Grensásdeildina, væri sund-
laug, útiíþróttavöllur og einnig
væri skortur á iðjuþjálfum.
Sundlaugin og útiíþróttavöllur-
inn gætu flýtt í mörgum tilfell-
um fyrir bata sjúklinga, og því
þyrftu þessi mannvirki að rísa
hið fyrsta.
Eins og fyrr segir, er starf-
semi. deildarinnar á tveimur
öðrum stöðum í borginni og er
það hjúkrunar — og endurhæf-
ingardeild sem er í Heilsu-
verndarstöðinni við Barónsstíg,
en þar eru 34 sjúkrarúm, nokk-
ur sjúkraþjálfunaraðstaða og
föndur. Þá er sérstök með
ferðardeild í aðalbyggingu
Borgarspítalans, og þar fer
einnig fram sjúkraþjálfunar-
þjónusta við hinar ýmsu deildir
spítalans.
Fjórir læknar eru starfandi
við Grensásdeildina og er dr.
Ásgeir B. Ellertsson yfirlæknir,
en sérfræðingur Jóhann
Gunnar Þorbergsson, hjúkrun-
arkonur eru 15 og sjúkraþjálfar
níu og er Kalla Malmquist yfir-
sjúkraþjálfi. Að auki eru svo 16
sjúkraliðar, sömuleiðis fjöldi
starfsstúlkna, aðstoðarstúlkur,
handavinnukennarar og annað
nauðsynlegt starfsfólk. Þá nýt-
ur deildin sérfræðiaðstoðar
lækna og annars starfsliðs
hinna ýmsu deilda Borgarspít-
alans.
Grensásdeildin er eina
endurhæfingarlegudeildin í
borginni, en sjúklingar, sem
þarna eru, þarfnast öðrum
fremur langvinnrar og tíma-
frekra meðferðar, þjálfunar og
hjúkrunar. Þetta eru aðallega
sjúklingar, sem eru með ýmiss
konar hreyfingarhindranir
vegna sjúkdóma eða slysa.
Flestir eru þeir rúmliggjandi
við komu á deildina en mark-
miðið er að endurhæfa þá og
koma þeim út í lífið á nýjan
leik, eins heilbrigðum og nokk-
ur kostur er á, svo og að veita
hjúkrun og viðhaldsþjálfun
þeim, er ekki komast heim til
sín aftur.
Þarna á Grensásdeildinni er
lögð mikil áherzla á, að fólk
hreyfi sig sem mest, og koma
svo til allir sjúklingarnir til að
matast í borðstofu sjúklinga, en
á flestum sjúkrahúsum matast
sjúklingar í rúmum sínum.
Málverkasýning Eyjólfs
Eyfells á Grensásdeildinni er
fyrsta málverkasýning, sem
Ásgeir B.
Ellertsson
yfirlæknir og
Eyjólfur
Eyfells
við nýlegt
málverk eftir
Eyjólf, sem er
málað f Þórsmörk.
vitað er um, að haldin er á
sjúkrahúsi á Islandi. Á sýning-
unni, sem verður í 2—3 vikur,
eru rúmlega 30 málverk, öll í
einkaeign.
Eyjólfur er elztur núlifandi
manna áíslandi, sem hafa helg-
að sig myndlistinni, en hann
fæddist 6. júní 1886 í Vestur-
Eyjafjaliahreppi. Snemma hóf
hann nám í teikningu hjá
Stefáni Eiríkssyni, en síðan lá
leið hans til Þýzkalands og var
hann við nám þar. Að námi
loknu settist Eyjólfur að í
Reykjavík og hefur hann búið
þar síðan.
Úlfar Þórðarson formaður
heilbrigðisráðs Reykjavikur-
borgar átti frumkvæðið að
þessari sýningu, sem er fyrsta
sýning Eyjólfs á opinberum
vettvangi síðan hann sýndi í
Casa Nova 1973. Eyjólfur er
bam náttúrunnar og hefur ekki
vikið úr faðmi hennar til að
gefa sig á vald nýjum stil eða
timabundnum hræringum á
sviði myndlistarinnar. Sjúkl-
ingarþeir og starfsfólk, sem við
ræddum við, voru allir sam-
mála um, að málverkasýningar
og listsýningar almennt gætu
gefið lífinu og sjúkrahúsunum
nýtt og betra gildi, og sögðust
vonast til þess, að sýningar sem
þessi yrðu oftar haldnar á
sjúkrahúsum landsins.
Grensásdeild Borgarspítalans. Ljósm. Mbl.: Ó1.K.M.
Handavinna og iðjuþjálfun getur komið sjúklingum
að mjög góðu gagni. Hér er einn karlmaðurinn að læra
klukkuprjón.
Nokkuð af starfsfólki og læknum Grensásdeildarinnar talíð frá vinstri: Jóhann
Gunnar Þorbergsson læknir, Ólöf Stefánsdóttir, Karin Berlín, Margaretha
Karlsen, Elisabeth von Bej, Kalla Malmquist, Grétar Guðmundsson, Björn
Johnsen og Ásgeir B. Ellertsson yfirlæknir.
Sjúklingar matast í borðstofunni.
Sjúkraþjálfarar endurhæfa sjúklinga.