Morgunblaðið - 12.01.1975, Blaðsíða 34

34
MORGUNBLAÐIÐ, SUNNUDAGUR 12. JANÚAR 1975
Böðvar Steinþórsson
bryti — Minning
Fæddur 20. febrúar 1922.
Dáinn 6. janúar 1975.
Drengur góður, trúaður, hjarta-
hreinn og með afbrigðum barn-
góður og tryggur þeim er hann
tók. Þannig minnist ég vinar míns
Böðvars Steinþórssonar bryta,
sem ég hefi þekkt í meira en
aldarfjórðung. Ég er stolt af því
að hafa eignast hann að vini, svo
góður drengur var hann mér og
dóttur minni og börnum hennar,
sem ég veit að munu sakna hans.
Hann var sannur vinur, vinur í
raun, reyndist tilbúinn að hjálpa
ef í nauðirnar rak, þannig veit ég
að hans nánustu og vinir minnast
hans.
Þegar ég heimsótti hann á
spítalann laugardaginn 4. janúar
óraði mig ekki fyrir því að svo
stutt væri eftir að landamær-
unum, þótt ég sæi að hverju
stefndi, en enginn veit fyrr en
dagur er allur. Kn ég veit að nú er
hann laus við þjáningarnar. Sál
hans farin úr jarðneska líkaman-
um á leið til æðri tilveru, þar sem
ættingjar og vinir er farnir eru á
undan taka á móti honum.
Þar veit ég að við eigum eftir að
hittast öll aftur; með það í huga
kveð ég ásamt dóttur, tengdasyni
og börnum þeirra kæran vin.
Þökk fyrir allt og allt. Blessuð sé
minning hans.
Svala Kristjánsdóttir.
Á morgun verður til moldar
borinn góður og traustur vinur
minn, Böðvar Steinþórsson bryti,
dáinn um aldur fram tæplega 54
ára gamall. Hann var fæddur á
Akureyri 22. febrúar 1922, sonur
merkishjónanna Ingibjargar
Benediktsdóttur skáldkonu og
Steinþórs Guðmundssonar kenn-
ara og bæjarfulltrúa, þau eru
bæði látin. Hjónin Ingibjörg og
Steinþór eignuðust fjögur börn:
Svanhildi skrifara, Ásdísi kenn-
ara, Harald kennara og fram-
kvæmdastjóra B.S.R.B. og Böðvar
sem var næst yngstur þeirra
systkina. Foreldrar Böðvars, Ingi-
björg og Steinþór, tóku mikinn
þátt í félags-og stjórnmálastörfum
sinnar samtiðar og voru virkir
þátttakendur í ungmennafélags-
hreyfingunni, þá ung hún var.
Sannir vormenn Islands þess
tlma, Böðvar ólst því upp á heim-
ili mikilla umsvifa, þar sem félags
og stjórnmál voru i hávegum
höfð, og má eflaust taka mið af
því hve þeir bræður Böðvar og
Haraldur eru löngu orðnir vel
þekktir meðal þjóðarinnar fyrir
félagsmálastarfsemi þeirra.
Það kom mér ekki á óvart þegar
ég frétti andlát Böðvars, hann
hafði lengi kennt sér meins af
þeim sjúkdómi sem hann loks féll
fyrir, en það er erfitt að þurfa að
sætta sig við þann kalda sann-
leika, þegar manni er borin sú
frétt að helgreipar dauðans hafi
náð yfirhöndinni á góðum vini og
félaga, vini sem náði því takmarki
að skilja að heiðarleiki og trúfesta
í leik og starfi væru aðalsmerki
sannleikans. Ungur að árum kaus
Böðvar sér að lífsstarfi veitinga-
þjónustu og var einn þeirra fyrstu
sem lauk sveinsprófi í matreiðslu-
iðn hér á landi, það sveinspróf
ásamt sveinsprófi í framleiðslu
var haldið árið 1945 á Hótel Val-
höll á Þingvöllum. Nokkrum
árum áður eða 1941 voru þessar
tvær stéttir viðurkenndar með
lögum sem iðngreinar. Eftir að
hafa lokið sveinsprófi vinnur
Böðvar nokkurn tima i landi við
iðn sína m.a. á Hótel Borg og
Hótel Valhöll. Á þeim árum kynn-
ist ég Böðvari fyrst og sá þá og
fann strax að þar var góður
drengur á ferð sem hafði óvenju-
lega fasta skoðun á mönnum og
málefnum jafnframt eldlegum
áhuga á félagsmálum almennt,
þótt síðar hafi hann notað þá
hæfileika sina alhliða til fram-
dráttar þeim stéttum sem vinna
við hótel- og veitingastörf. Hann
lagði gjörfa hönd á plóginn til
ræktunar á lítt piægðum akri ís-
lenzkra veitingamála og háði oft
harða baráttu málefnum sínum til
framdráttar og þeir sem best til
þekkja þar, vita nú að þar var vel
og trúlega unnið, þótt oft hafi þá
gleymst að þakka honum sem
skyldi. Það var mér þá sem ung-
um manni þroskandi og lærdóms-
ríkt að kynnast slíkum félags-
málasnillingi sem Böðvar var,
þegar ég vann hvað mest að
félagsmálum. Enginn einn maður
hefur kennt mér jafn mikið hinar
flóknu leikreglur félagsmála sem
hann, enda fáir honum fremri á
því sviði. I júlí 1955 ræðst Böðvar
til starfa hjá Skipaútgerð rikisins
sem matreiðslumaður en frá 1959
var hann ráðinn bryti hjá sömu
útgerð. Þar fann hann sig í starfi,
enda eru þeir ófáir farþegarnir
t.d. i hringferðum m/s Esju sem
minnast Böðvars frá þeim ferðum
með góðum hug og þakklæti,
hann lagði mikla áherslu á að þær
ferðir færu vel og snuðrulaust
fram, m.a. skipulagði Böðvar
stuttar skoðunarferðir fyrir far-
þegana á þeim höfnum sem skipið
hafði viðdvöl í á ferðum sínum, og
kunnu farþegarnir vel að meta þá
þjónustu. Á þeim árum hafði
Böðvar stóran hóp starfsfólks
undir sinni stjórn og farnaðist
honum ávallt vel sú handleiðsla,
þar réðust oft óharðnaðir ungl-
ingar til starfa við léttastörf,
unglingar sem voru að hefja líf-
strit sitt í fyrsta sinni, þeim var
vel borgið að lenda undir leiðsögn
Böðvars sem var þeim í senn góð-
ur félagi og einarður en réttsýnn
verkstjóri. Þeir eru eflaust marg-
ir ungu mennirnir I dag sem
þakka Böðvari þá nærgætni sem
hann sýndi þeim á fyrstu göngu
þeirra út á braut hins daglega
strits.
Böðvar var ógiftur og barnlaus,
en hann var með eindæmum
barnelskur maður enda hvers
barns hugljúfi sem honum kynnt-
ust. Böðvar var svipmikill maður,
hreinn og bjartur yfirlitum, hafði
góða og prúðmannlega framkomu
og mátti glöggt sjá að þar fór
greindur maður og góður. I tæp
þrjátiu ár starfaði Böðvar heill
og allshugar að félagsmál-
um og kom víða við, og skal þá
fyrst minnast með þakklæti
á brautryðjandastörf hans
í skólanefnd Matsveina- og
veitingaþjónaskólans, en í
þeirri nefnd átti hann sæti í
fjölda ára og formaður hennar
um skeið, en málefnum þessa
skóla sýndi Böðvar ávallt sér-
stakan áhuga. I bókinni „tslenzk-
ir samtíðarmenn" er Böðvars
ýtarlega getið og eflirfarandi
upptalning sýnir allvel hin fjöl-
þættu störf hans, þar segir m.a.:
„í stjórn Matsveina- og veitinga-
þjónafélagsins (síðar Sambands
matreiðslu- og framreiðslu-
manna) 1945—58, formaður í 7
ár. Fulltrúi i sjómannadagsráði I
20 ár og framkvæmdastjóri ráðs-
ins 1950—52. I stjórn Félags
bryta frá 1960, formaður 1961 og
síðan. í stjórn Farmanna- og fiski-
mannasambands Islands frá 1963.
I stjórnskipaðri nefnd 1949 til að
endurskoða veitingalöggjöfina. 1
veitinganefnd Reykjavíkur
1948—54. I forstöðunefnd Náms-
flokka Reykjavikur 1950—54.
Fulltrúi á þingum A.S.I.
1946—52. I stjórn Iðnsveinaráðs
A.S.I. 1950—54. I stjórn mál-
fundafélagsins Öðins 1950—54.
Varaformaður starfsmannafélags
Keflavikurflugvallar í 2 ár. I
stjórn Eyfirðingafélagsins um
skeið. Ritari knattspyrnufélags-
ins Fram 1953. Ritstjóri tímarits-
ins „Gesturinn“ timarit um veit-
ingamál 1955—56. I ritstjórn sjó-
mannablaðsins „Vikingur" um
skeið.“ Auk þessara starfa og
margra annarra hafa birzt eftir
Böðvar ýmsar gagnmerkar
greinar i blöð og tímarit um hin
óskyldustu mál. Má af þessari
upptalningu sjá að Böðvar hafði
ekki staðið auðum höndum um
dagana og nýtt sínar fristundir
vel til starfa að áhugamálum sín-
um. Böðvar var þvi sannur vor-
maður Islands í leik og starfi
sinnar samtíðar. Það er sjónar-
sviptir af slíkum manni. Nú er
góður vinur og oft ráðhollur horf-
inn sjónum og farinn í ferðina
lön|u þar sem mjúkur faðmur
foreldra hans mun taka á móti
honum og veita honum yl og likn i
drottins nafni. Systkinum hans og
öðru skyldfólki öllu færi ég og
fjölskylda mín innilegar samúðar-
kveðjur.
t
Eiginkona min, móðir okkar og tengdamóðir,
ÓLÍNA M JÓNSDÓTTIR,
Karlagótu 1 5,
lézt á Landakotsspítala 6 janúar. Útförin fór fram í kyrrþey, að ósk
hmnar látnu
Gunnlaugur Jónsson,
S. Bylgja Lima, Frank Lima,
Ólafur Gunnlaugsson, Sigriður Asgeirsdóttir.
t
JÓNA GUÐMUNDSDÓTTIR
fyrrv. yfirhjúkrunarkona,
Kópavogsbraut 11,
verður jarðsungin frá Fossvogskapellu þriðjudaginn 14. janúar kl
13.30,
Þeir sem vildu minnast hinnar látnu láti líknarstofnanir njóta þess.
Fyrir hönd barna minna og annarra vandamanna,
Kristín Kristinsdóttir.
t'
Hjartkær dóttir okkar, systir og mágkona
HELGA ANTONÍA ÓSKARSDÓTTIR,
Bólstaðarhlíð 42
verður jarðsungin frá Fossvogskirkju þriðjudaginn 14. janúar kl.
10 30
Svava Árnadóttir
Óskar Emilsson
Hafdis Óskarsdóttir
Birgir L. Blóndal
Áslaug Steingrimsdóttir
t
Þökkum innilega auðsýnda samúð og hlýhug við andlát og jarðarför
föður okkar,
NÍELSAR HAFSTEINS
JÓNSSONAR
Maren Níelsdóttir,
Sigriður Nielsdóttir,
Hrefna Nielsdóttir.
t
Hjartans þakklæti færum við öllum er sýndu okkur samúð og vinarhug
við fráfall og útför
GUÐRÚNAR GUOMUNDSDÓTTUR,
Reynimel 44.
Fyrir hönd aðstandenda,
Lára og Svavar Hjaltested,
Margrét Ingimundardóttir, og Guðmundur Nikulásson.
t
Innilegt þakklæti færum við öllum sem sýndu vmsemd og hluttekningu
við fráfall og útför mannsins míns, föður okkar, tengdaföður og afa
GUÐBERGS SVEINSSONAR.
Þórustig 13, Ytri-Njarðvik,
Guð blessi ykkur öll
Ásta Einarsdóttir,
börn, tengdabörn og barnabörn.
t
Útför
JÓNS J. VÍÐIS,
landmælingamanns,
sem andaðist 6. janúar sl. fer fram frá Fossvogskirkju, þriðjudaginn
14. janúar kl. 1 5.00.
Systur hins látna.
t
Ástkær eiginmaður minn og faðir minn
HALLGRÍMUR JÓNSSON.
FISKSALI,
verður jarðsunginn mánudaginn 1 3. janúar kl 3 í Fossvogskirkju
Blóm vinsamlega afþökkuð, en þeim sem vildu minnast hins látna er
bent á S.Í.B.S
Ólöf Egilsdóttir,
Hafdis Fjóla Hallgrimsdóttir.
t
Þökkum innílega auðsýnda vináttu og hlýhug við fráfall eiginmanns
míns, föður okkar, tengdaföður, afa og bróður,
JENS VILHJÁLMSSONAR,
Elsebeth Vilhjálmsson,
Jakob Jensson, Guðrún Þorbergsdóttir,
Guðjón J. Jensson, Guðrún J. Jóhannesdóttir,
Elisabet Jakobsdóttir, barnabörn og systkini hins látna.
t
Þökkum innilega auðsýnda samúð við andlát og útför eigmmanns mins
og bróður,
BRYNJÓLFS BJ. MELSTEÐS.
Anna Gunnarsdóttir,
Soffia Bj. Melsteð og aðrir aðstandendur.
t
Innilega þökkum við auðsýnda samúð og hlutteknmgu við fráfall og
jarðarför
SIGURLAUGAR EINARSDÓTTUR,
frá Akranesi.
Margrét Asmundsdóttir
Áslaug Ásmundsdóttir
Ingveldur Ásmundsdóttir
Jón Óskar Ásmundsson
Gisli Ásmundsson
Garðar Viborg
Stefán O. Magnússon
Ólafur Árnason
Kristin Jónsdóttir
Alfa Hjálmarsdóttir
börn þeirra og barnabörn.
Simon Sigurjónsson.