Morgunblaðið - 25.03.1975, Blaðsíða 15
MORGUNBLAÐIÐ, ÞRIÐJUDAGUR 25. MARZ 1975
15
Róbert og Ragn-
hilclur sigruðu í
Kópavogshlaupinu
Þegar á heildina er litið verður ekki annað sagt, en að gðður árangur
hafi náðst f bikarkeppni SSl sem fram fór um helgina Myndin er af
Guðmundi Ólafssyni, SH, sem vann bezta afrekið f karlaflokki.
Róbert McKee kemur að marki f
Kópavogshlaupinu.
Róbert McKee úr FH sigraði
jrugglega í Kópavogshlaupinu
sem fram fór á sunnudaginn. Er
þarna um að ræða viðavangs-
hlaup, þar sem keppt er bæði í
karla og kvennaflokki. Hlaupa
karlarnir um 4 km en konurnar
um 2 km. Róbert hljóp með ágæt-
um og virtist óþreyttur er i mark-
ið kom. Tími hans var 13:38,3
mín. Annar í hlaupinu varð Gunn-
ar Snorrason, UBK, sem hljóp á
13:43,1 mín., þriðji varð Bjarki
Bjarnason, Aftureldingu, sem
hljóp á 14:05,5 min., Agúst
Gunnarsson, UBK, varð þriðji á
14:24,2 mín og ungur piltur úr
FH, Magnús Haraldsson, varð
fimmti á 14:55,0 mín. Alis voru
keppendur í karlaflokki 11.
Ragnhildur Pálsdóttir úr
Stjörnunni sigraði með yfirburð-
um í kvennaflokki. Hljóp hún á
8:28,0 mín. Inga Lena Bjarnadótt-
ir, FH, varð önnur á 9:30,5 min.,
Sólveig Pálsdóttir, Stjörnunni,
varð þriðja á 9:36,4 min. og
Thelma Björnsdóttir, UBK, varð
f jórða á 9:49,6 mín.
Þrjú met í
Einar Magnússon naut sin vel í leiknum á sunnudagskvöldið og var markhæstur
islenzku leikmannanna, skoraði 7 mörk. Mynd þessa tók Friðþjófur er Einar var að
skora eitt marka sinna, og naut hann við það aðstoðar Stefáns Gunnarssonar sem sézt
í baráttu við dönsku varnarleikmennina á línunni (Stefán nr. 8)
Pressuvörnin setti
Danina út af laginu
—Við erum búnir að ná nokkuð
góðum tökum á að pressa í vörn-
inni og við slfku virtust Danirnir
eiga fá svör. Sú hætta skapast
auðvitað, þegar við leikum
þannig, að við fáum á okkur mörk
af línu, en eigi að síður tel ég
íslenzka liðið nú vera búið að ná
þessum varnarleik það vel, að þá
sé sjálfsagt að leika hann, sagði
Ölafur H. Jónsson fyrirliði
íslenzka landsliðsins, eftir sigur-
leikinn við Dani á sunnudags-
kvöldið. Hann bætti því einnig
við, að það hefði ráðið mjög miklu
f leik þessum, að tekizt hefði að
„blokkera" fyrir Einar Magnús-
son, þannig að hann hefði notið
sín vel. — Þetta var leikurinn
hans Einars, sagði Ólafur, — nú
náði hann uppstökkunum, og
þegar hann kemst þannig í færi
er ekki að sökum að spyrja. Þótt
markvörður Dananna væri greini-
lega ekki í essinu sínu, þá ber að
lita til þess að það er hreint ekki
auðvelt að ná þessum skotum, þau
eru það föst. Það hafði einnig
gífurlega mikil áhrif á leik
íslenzka liðsins, þegar Ólafur
Benediktsson kom inná og fór að
verja en fram til þess, höfðu
Danirnir verið með mjög góða
nýtingu á þeim skotum sínum
sem á annað borð hittu markið.
Birgir Björnsson, landsliðs-
þjálfari, sagði að það væri hreinn
barnaskapur ef því væri haldið
fram að þetta væri ekki bezta lið
Dana. — Þetta er ekki verra Iið
en við mættum í Norðurlanda-
meistaramótinu, sagði hann. Birg-
ir kvaðst annars vera mjög
ánægður með leikinn. — Sóknir
íslenzka liðsins nýttust vel, og eft-
ir að farið var að „pressa" i vörn-
inni voru Danirnir settir út af
laginu. Islenzka liðið er farið að
leika slika vörn mjög vel. Leik-
mennirnir hafa orðið þá snerpu
og kraft sem til þarf. Það sem
helzt vár ábótavant hjá okkur í
þessum leik, var hvað hægra
hornið opnaðist illa. Þaðan
fengum við á okkur of mörg
mörk. Sum þeirra voru mark-
vörðunum að kenna, en nokkur
vörninni, sem hleypti mönnunum
of framarlega inn. Þá má þó ekki
sleppa því að taka það með í
reikninginn að sá leikmaður Dan-
anna sem var atkvæðamestur við
að skora á þennan hátt, var mjög
laginn og nýtti vel möguleika
sfna.
Geir ekki nógu góður
Þegar Birgir Björnsson var að
því spurður hvort hann teldi Geir
Hallsteinsson ekki nógu góðan til
þess að leika i landsliðinu, svaraði
hann:
— Ég tel að svo sé ekki. Geir er
ekki í góðu formi og á ekki heima
í liðinu.
bikarkeppni SSÍ
Ægir sigraði í stigakeppnirmi með gfírburðum
BIKARKEPPNI Sundsambands
Islands sem fram fór nú um
helgina bar þeirri gleðilegu stað-
reynd vott, að aftur virðist vera
að færast Iff í sundíþróttina hér-
lendis eftir nokkurt deyfðartíma-
bil að undanförnu. I keppninni
voru sett tvö ný Islandsmet, eitt
jafnað og nokkur aldursflokka-
met litu dagsins ljós. Fjöldi
keppenda f nær öllum sund-
greinum var mikill, og flest af þvf
fólki sem þarna keppir var ungt
að árum og á framtfðina fyr-
ir sér. Það er aðcins spurning
um þolinmæði og ástundun
þess sem skeí" úr um hvort Is-
lendingar ná sér aftur á þann
„standard“ sem þeir höfðu f
þessari frþóttagrein fyrir nokkr-
um árum.
Það var hin unga og efnilega
Ægissundkona, Þórunn Alfreðs-
dóttir, sem setti bæði Islandsmet-
in í keppninni. Hún synti 800
metra skriðsund á 10:03,3 mín. og
bætti met Vilborgar Júlíusdóttur
um 2/10 úr sek. og í 400 metra
fjórsundinu ruddi Þórunn úr vegi
einu elzta íslenzka sundmetinu er
hún synti á 5:40,1 mín. og bætti
met Hrafnhildar Guðmunds-
dóttur frá 1968 um hvorki meira
né minna en 5,6 sekúndur. 1 100
metra skriðsundi kvenna jafnaði
svo Vilborg Sverrisdóttir úr Hafn-
arfirði met Lísu Ronson Péturs-
dóttur með því að synda á 1:03,3
mín.
Raunar má segja að skipt hafi í
tvö horn á móti þessu. Annars
vegar var unga sundfóikið sem
fer fram með hverju móti sem það
keppir í, og hins vegar var svo
,,eldra“ sundfólkið sem margt
hvert er hætt keppni, en var að
þessu sinni með til þess að hala
inn stig fyrir félög sín. I þess hópi
var Guðjón Guðmundsson, Akur-
nesingur, Guðmundur Gíslason,
Ármanni, og Finnur Garðarsson,
Ægi. Þessir þrír kappar sýndu
ljóslega að lengi lifir í gömlum
glæðum. Guðjón vann að vísu
ekki sigur, en synti stórglæsilega
í boðsundinu sem hann keppti í,
4x100 metra skriðsundi, og náði
þar betri millitima en 100 metra
skriðsundið vannst á. Synd aö
þessir ágætu sundmenn skuli
ekki getað fórnað tíma til æfinga.
Þeir væru örugglega fljótir að ná
sér vel á strik aftur.
Framhald á bls. 21