Morgunblaðið - 08.03.1977, Blaðsíða 19
MORGUNBLAÐIÐ, ÞRIÐJUDAGUR 8, MARZ 1977
19
- HORT - SPASSKY - HORT - SPASSKY - HORT— SPASSKY - HORT - SPASSKY - ■ skák
Það verður að vera
sveifla
BERGUR Pálsson situr hjá þeim
Guðmundunum Ágústssyni og J. vara-
formanni Dagsbrúnar Bergur er góður
skákmaður og tíður gestur á mótum og
þegar hann hlær þá hristist þakið á
Loftleiðahótelinu, Bergur segir: „Ein-
hvern tíma sagði Laxness, að það sem
gerir gæfumuninn í lífinu er að hafa
sveifluna, Hort vantar sveiflu.”
Áður en lengra verður haldið verð ég
að biðja viðkomendur afsökunar á
rangfærslum í síðustu grein minni. Ég
lét þau orð falla, að Spassky ætti hjörtu
kvennanna á Loftleiðahótelinu en það
er ekki rétt. Ung og hnellin stúlka í
afgreiðslustúkunni á hótelinu kallaði í
mig og sagði Hort vera miklu meiri
hjartaknúsara en Spassky og bætti við,
að þær væru allar vitlausar í honum.
Ég var dálítið feginn að mér skyldi
verða á þessi mistök, þvi ég er alveg
viss um að Hort veitir ekki af samúð og
bliðu veika kynsins.
Þeir fara rólega af stað kapparnir og
leika aftur enska leikinn og upp kemur
eitthvert afbrigði, sem kennt er við
sjálfan Botvinik. Smyslov brosir og
segist kannast vel við þennan gambít
og ekki hafði hann trú á öðru en
Spassky sé lika með á nótunum.
Skáksambandsmenn hafa gert
bragarbót og sett upp sjónvarpskerma
og stóla á ganginn fyrir framan Krystal-
salinn enda veitir ekki af þvi, í dag
ætlar að verða metaðsókn.
Einhver segir að svartur hafi betra
spil eftir 1 1 leik en Ólafur Magnússon
skákmeistari bætir við að þetta verði
dautt jafntefli i 25. leik Þeir eru ekki
bangnir við að spá þessir kappar Auð-
vitað hugsar Ólafur þetta sálfræðilega:
Hörturinn er dasaður eftir ósigurinn og
Spassky ætlar að taka það rólega í dag
og safna kröftum fyrir næstu skák
þegar hann hefur aftur hvitt. Ég veit að
Ólafur getur verið lunkinn og ég tek
mark á því sem hann segir.
Klukkan er rúmlega fjögur og þeir
eru hættir að selja inn. Uppselt Bragi
á Dagblaðinu safnar mannanöfnum til
að fylla með dálkinn sinn á morgun,
hann verður lika að vinna fyrir matnum
sinum og veit sem er að fólk hefur
gaman af að sjá nafn sitt á prenti.
Annars býð ég ekki mikið í hann Braga
ef hann gleymir mönnum eins og
Albert, fótboltakappa, alþingismanni,
borgarfulltrúa, stórkaupmanni með
meiru. Eða hvernig væri ef hann léti
mann eins og Einar utanríkismálaráð-
herra sitja utan garðs. Ríkisstjórnin á
þarna að minnsta kosti tvo fulltrúa þá
Einar og Halldór S. Ég veit að Einar er
glúrinn í skák en ég hef engar sagnar
af þvi að Halldór kunni mannganginn
En hvar eru Matthíasarnir og sjálfur
Geir að ég ekki tali um þá Gunnar og
Ólaf Jóh. Þeir mega vara sig að
minnsta kosti sjálfstæðismennirnir, ef
þeir í framsókn ætla að fara að fjöl-
menna hér í Loftleiðasölum.
Snaggaralegur strákur vestan úr
Bandaríkjum er kominn hingað til að
fylgjast með einvíginu. Hann er með
myndavél og segist eiga að koma við á
öllum stöðunum þar sem einvígin eru
háð. Hann heitir Klemm og talar og ber
sig eins og þeir sem eru lengra komnir
í manntafli
Konur fjölmenna
Maður gæti haldið að kvenfélags-
fundur væri I uppsiglingu. þegar mað-
ur kíkkar inní Krystalsalinn Alls staðar
sitja þær þessar elskur og M:rina
Spassky er mikið á ferðinni og sker sig
ekkert úr enda alkunna að islenskt
kvenfólk er i fremstu röð í heiminum
um fegurð og prún fas Ábyrgðarlitill
unglingur segir að Hort hafi boðið öllu
kvenkynsstarfsfólki á ónefndu verts-
húsi og staðnum sé lokað i dag, ég á
við veitingastaðnum vegna fólkseklu
Það er leiðinlegt þetta bölvað slúður
Eftir 1 6 leik segir Ingi alþjóðameist-
ari, að upp sé komin staðan Hort =
Brown Ekki veit ég hvers konar staða
það er Annars eru menn afar tregir til
að kommentera i blaðamannaherberg
inu og er þar þó samankorninn hópur
bestu skákmanna þjóðarinnar þar á
meðal ungur piltur ekki ólikur honum
Inga R Þessi ungi sveinn reynist vera
skákkóngur Valhúsaskóla og heitir
Árni.
Einhver óvinur minn hefur sest ofan
á gleraugun mín og brotið þau og ég
er eins og vængbrotinn fugl sem ekki
nær svifinu eða kannski öllu heldur
sveiflunni Ég beit svei mérekki hvern-
ig ég á að berja saman grein þegar
heim kemur og i dag sunnudagur og
eftir
Björn
Bjarman
ekki hægt að komast í gleraugnasmið
Það er alltaf eitthvað ef ekki er eitt-
hvað, eins og kerlingin sagði
Ég sakna Friðriks Ólafssonar hér I
gáfumannaherberginu, því hann hefur
lag á að segja hlutina þannig að meir
að segja ég fæ skilið
Fyrrverandi ókrýndur skákkóngur
Vogaskólakennara, Þorsteinn Þor-
steinsson. gengur um sali grannur og
spengilegur og minnir á grískan guð,
þvi auk yfirburðaskákhæfileika er hann
allra manna fallegastur.
Spassky hefur verri tima og sumir
segja lakari stöðu Skákin sniglast
áfram og er afskaplega, ferlega snúin
og flókin Helgi Ólafsson segir að Hort
geti verið versta hrekkisvin Engir
sleggjuleikir
Ég fæ i nefið hjá Guðmundi J og
spyr hann um stöðuna i samningamál-
um verkamanna Guðmundur J. ansar
mér ekki finnst sjálfsagt hvorki stund
né staður til að ræða slík mál
Guðmundur bakari segir að Spassky
þvælist og flæki fyrir Hort
Enn er fólk að koma og þrjár ungar
stúlkur spyrja hvort þær meg ekki
aðeins kikka inn til að sjá ,,þá'
Klukkan sex er kallaður saman
blaðamannafundur Skáksambandsfor-
setinn stýrir fundi og dreifir pappirum
Tilefnið er svokallað bókabrennumál
Sumir héldu að Þorsteinn Thorarensen
væri mættur með upplagið af nýút-
kominni skákbók eftir Jón Þór og ætl-
aði nú að gera alvöru úr að halda
bókabrennu á hlaðinu fyrir framan
Loftleiðahótelið að viðstöddum hóp
gesta og áhorfenda En þegar til kom
fengu blaðamenn i hendur plagg sem
bar yfirskriftina: Ritskoðun og bóka-
brennur Undir skjalið skrifa þeir nöfn
sin Högni Torfason og Einar Einarsson
og þar er líka að finna ansi skemmti-
lega tilvitnun eftrr Jónas heitinn frá
Hriflu þar sem hann hafði látið þau orð
falla. ,,að við tökum ekki á móti gestum
okkar með grjótkast I flæðarmálinu,"
Aldrei hafði mér dottið i hug að hægt
væri að blanda Jónasi frá Hriflu i
skákmál en eins og fyrr hefur verið
bent á, eru þeir stjórnarmenn Skák
sambandsins að vestan og þegar þeir
hafa fengið vind í seglin eru þeir til alls
visir Nú er þegar farið að hilla undir
að þetta fyrirtæki þeirra ætli að pluma
sig og þá er lika ástæðulaust annað en
taka upp i sig, þegar á þarf að halda
Annars ætla ég mér ekkr að leggja orð i
belg í þessu máli. enda hætta á að ég
tæki part annars hvors málsaðila og
það vil ég síst af öllu, þvi ég vil vera
beggja vinur
Skákin er æsispennandi og allstaðar
sitja menn með opna munna og augu
upp á gátt og rauna að leika fyrir
kappana i Krystalsalnum en allt kemur
fyrir ekki og engin leið að spá um
úrslit
Rósariddarar
í fyrra vor um páskana var ég á
ferdalagi með framsókn og heimsótti
Vínarborg Þar sá ég þá frægu óperu
Rósariddarann eftir Richard Strauss og
tónarnir i því rismikla og bráðskemmti-
lega verki koma mér í hug þegar ég sé
P: I Jónsson, sparisjóðshaldara í Kefla-
vik, svífa um gólfið hér á Loftleiða-
hótelinu en Páll var einn af þeim fram-
sóknarmönnum sem settu mikinn svip
á ferðamannahópinn í Vínarborg að
ógleymdum Kristjáni Friðrikssyni og
Jóni skólameistara Hannibalssyni
Þessi barátta þeirra Horts og
Spasskys i dag er að verða hálfgert
Rósastrið í hvert sinn sem Hort er i
þann veginn að höndla rauðan rósa-
búkketinn frá kvenaðdáendum sínum
er Spassky kominn á vettvang með
þyrna sem stinga bangsa svo að undan
blæðir
23 leikir og naumur tími Árni skák-
kóngur í Valhúsaskóla segir stöðuna
vera fáránlega og Ingvar Ásmundsson
tekur undir þá skoðun ..Þetta er að
detta niður í dautt jafntefli' , segir Siggi
á útvarpinu og brosir sinu tvíræða og
ómótstæðilega brosi. Úrslitin hljóta að
vera á næstu grösum Þeir ætla að
semja.
Einhver sem ég ekki þekki kemur
hlaupandi inn i blaðamannaherbergið
og segir að Spassky hafi boðið jafn-
tefli. Þögn slær á hópinn Ég læðist
fram og mæti fólksskriðu Ungar
stúlkur þurrka tár úr augnakrókunum.
Enn hefur Hort vantað sveifluna sem
Fischer kunni svo vel lagið á hér um
árið Spassky hefur tekist að flækja
stöðuna og leiða andstæðinginn á
blindgötur
Ég má ekki gleyma að þakka þeim
útgefendum timaritsins Skákar fyrir
höfðingsskap og stórhug, en eftir
hverja umferð kemur aukaútgáfa af
blaði þeirra með skákskýringum eftir
þá Smyslov og Alster og er það að
sjálfsögðu mikill vinningur fyrir skák-
unnendur hér og ég endurtek Hafi
þeir þökk fyrir. Já, Rósastríðinu er
lokið og saminn hefur verið friður ég
anda léttara nema hvað ég bölva gler-
augnaleysinu, því aldeilis er óvist hvort
ég get komið þessu greinarkorni
óbrjáluðu niður á Mogga í rétta tíð. Ég
veit að þjóðin bíður ? ofvæni eftir að
heyra fréttir, sem sagðar eru í þeim
tóni sem hún skilur
Gunnar Gunnarsson
hefui um íángt sketð
verið emn virtasti Köfund-
ur á Norðurlöndum
Ritsafn
Gunnars Gunnarssonar
S Áður útkomnar 'S ■*' Ný útkomnar Nv“
Saga Borgarættarinnar Vargur í véum
Svartfugl Sælir eru einfaldir
Fjallkirkjan I, Jón Arason
Fjallkirkjan II Sálumessa
Fjallkirkjan III Fimm fræknisögur
Vikivaki Dimmufjöll
S Heiðaharmur *->. Fjandvinir
entia Bókafélagíð,
Austurstrætí 18. Bolholti 6.
sfmi 19707 simi 32620