Morgunblaðið - 08.03.1977, Blaðsíða 30

30
MORGUNBLAÐIÐ, ÞRIÐJUDAGUR 8. MARZ 1977
Fyrirlestur
Ólafur Kvaran, listfræðingur,
heldur í kvöld fyrirlestur á veg-
um Junior Chamber í Borgar-
nesi um myndgreiningu og
sýnir hann litskuggamyndir.
Einnig mun hann svara fyrir-
spurnum. Hefst fyrirlesturinn
kl. 20:30 og verður í Samkomu-
húsinu í Borgarnesi.
— Gasaukning
Framhald af bls. 48
20. janiíar s.l., jókst gasmagn
um 50% f holu 10, sem þá var
mæld og varð sú aukning um
það leyti sem sigið varð, en
aukningin hófst skömmu áður.
Gasaukningin í holu 7 í dag
var mjög lítil og er reiknað
með að þróunin skýrist þegar
efnasamsetningin verður
könnuð í holunni á morgun.
I undangegnum sigum hefur
ávallt orðið gasaukning í mæli-
holum, um það bil sólarhring
eða svo fyrir kvikuhlaup.
— París —
Keflavík
Framhald af bls. 48
Keflavíkurflugvelli kl. 22.45.
Lent verður á Orly-flugvelli og
verður flogið með Boeing 727.
Fyrir allmörgum árum sótti
Flugfélag íslands um leyfi til þess
að fljúga frá Keflavík til Parísar
með viðkomu i London. Það leyfi
fékkst ekki — sennilegast vegna
þess að flugmálayfirvöld í Frakk-
landi og Bretlandi álitu nógu
marga um hituna London-París.
- Mjólkurumbúð-
ir til Svíþjóðar
Framhald af bls. 48
væri að vinna sem mest af um-
búðunum hérlendis. Hráefnið i
sj-álfa plastfilmuna i mjólkur-
pokanum kæmi frá Banda-
ríkjunum, en Reykjalundur fram-
leiddi síðan filmuna.
Þá sagði Gylfi, að þeir vonuðust
til að þessi útflutningur ætti eftir
að stóraukast, og sem stæði gætu
þeir þrefaldað framleiðsluna.
Þá má geta þess að Kassagerð
Reykjavíkur flytur út mjög mikið
af fiskkassaumbúðum til Færeyja
og samkvæmt þeim upplýsingum,
sem Morgunblaðið fékk hjá Ottó
Schopka framkvæmdastjóra
Kassagerðarinnar í gær, þá kaupa
Færeyingar allar umbúðir utan
um fisk frá Kassagerðinni. 1 fyrra
nam þessi útflutningur um 60
millj. króna, en á fyrstu tveimur
mánuðum þessa árs, var út-
flutningurinn þegar kominn i 30
millj. kr. eða helmingur þess sem
hann var allt s.l. ár.
— Allt að 2 kíló
Framhald af bls. 2
yfirvigt á að vera tíðari. Menn
mega ekki gleyma því að þegar
við tölum um að áburðarpoki sé
50 kfló er átt við áburðinn í
pokanum að viðbættum pokan-
um,“ sagði Hjálmar.
Hjálmar sagði að ef um það
væri að ræða að einhver mistök
hefðu átt sér stað við vigtun pok-
anna yrði þeim, sem fengið hefði
slíka poka, bættur sá skaði enda
væri þarna þá einungis um að
kenna tæknilegum mistökum.
— Úrhelli
og snjóflóð
Framhald af bls. 2
þó orðinn frekar þungur vegna
aurbleytunnar.
Góð færð var í gær i Borgar-
fjörð og á Snæfellsnes, en færð á
Holtavörðuheiði var erfið litlum
bílum i gærmorgun, þar sem snjó-
að hafði á heiðinni í fyrrinótt.
Brattabrekka var ekki talin fær
fólksbilum í gær, en góð færð var
um Dali.
Af Vestfjörðum var það að
frétta, að ófært var á Barða-
strönd, en fært var yfir Kleifar-
heiði tii Patreksfjaróar og búið
var að ryðja veginn milli Patreks-
fjarðar og Tálknafjarðar. tJt frá
ísafirði var verið að moka vegi til
Bolungarvíkur og Súðavíkur, en í
fyrrinótt féllu nokkur snjóflóð á
veginn í Óshlíðinni.
í Hún,avatnssýslu var góð færð í
gær, og var færð austur að Öxna-
dalsheiði góð, en sjálf heiðin lok-
aðist i gærmorgun, en verður opn-
uð i dag. Frá Akureyri var góð
færð til Ólafsfjarðar og Húsa-
víkur, og þaðan austur í Öxar-
fjörð, en þar fyrir austan var
færðin erfiðari eftir því sem aust-
ar dró.
Á Austfjörðum var fært frá
Héraði og niður á firði, og fært
var suður með fjörðum, snjóflóð
hafði fallið á Vattarnesveg í fyrri-
nótt, en vegurinn var hreinsaður
á ný í gær.
— Zorin
Framhald af bls. 1.
sem sumir nefndarmanna hefðu
tjáð sér, að þeir væru því mót-
fallnir að greiða atkvæði um hana
i heyranda hljóði, og hefðu sumir
jafnvel látið i veðri vaka, að slík
afgreiðsla hefði í för með sér
endalok „détente" stefnunnar
svonefndu.
Þá sagðist Lowenstein ekki
efast um að Bandaríkin héldu
áfram að standa hjörtum
Podgornys forseta Sovétríkjanna
og Brezhnevs flokksleiðtoga
nærri, þar sem þeir mundu eftir
sem áður nota hjartagangráða,
sem framleiddir væru í Banda-
ríkjunum.
— Pólverjar
bjóða útsæði
Framhald af bls. 2
um slóðum gæfi betri uppskeru
sunnar á hnettinum. Þetta sam-
band íslendinga við þennan tékk-
neska prófessor rofnaði um það
leyti 'sem Rússar sóttu inn í
Tékkóslóvakíu og sagði Jóhann,
að sennilega hefði þessi ágæti
maður orðið fórnarlamb „hreins-
ana“ í heimalandi sínu.
í umræðum um aukna kartöflu-
rækt hér á landi kom meðal ann-
ars til tals :ð íslendingar gætu
ráðstafað umframframleiðslu' í
góðum árum með því að selja
kartöflur sem útsæði til suðlægra
landa. Jóhann sagði það skoðun
sína, að hann hefði ekki trú á því
að islendingar gætu orðið sam-
keppnisfærir á þeim markaði,
bæði væri að flutnings- og um-
búðakostnaður yrði hár og einnig
yrði hér um óstöðugt framboð að
ræða. — Ef við legðum út f fram-
leiðslu á útsæði þyrftu að koma til
útflutningsbætur þó svo að verð á
útsæðiskartöflum sé hærra en á
öðrum kartöflum en þetta mál
hefur þó ekki verið fullkannað,
sagði Jóhann að lokum.
— Misræmi í
framburði
Framhald af bls. 48
Guðbjart að útvega peninga.
Haukur kveður konuna upphaf-
Iega hafa boðizt til að gera þetta,
en kvaðst síðan hafa ámálgað
þetta þetta við hana eftir miðjan
nóvember og vill hann ekki af-
taka, að hann hafi ætlað að hand-
taka Guðbjart.
0 Meginatriði í framburði
þeirra Karls Guðmundssonar og
Guðbjarts Pálssonar um aðdrag-
anda handtökunnar er, að tvær
stúlkur hafi leitað til Guðbjarts,
þar sem þeir sátu í bifreið á götu-
horni í Reykjavik og beðið
Guðbjart að útvega erlendan
gjaldeyri. Guðbjatur kveðst ekki
hafa haft gjaldeyrinn, en boðizt
til að aka stúlkunum. Hafi leiðin
fyrst legið upp í Breiðholt þar
sem stúlkurnar hafi sótt stóra
ferðatösku, sem sett var í
farangursgeymslu bílsins, en síð-
an hafí verið ekið áleiðis til
Grindavikur, þangað sem stúlk-
urnar kváðust þurfa að fara og
þeir Karl og Guðbjartur höfðu
boðizt til að aka þeim. Á leiðinni
hafi stúlkurnar óskað eftir því að
komið yrði við í Vogunum, en þar
hafi stúlkurnar yfirgefið bflinn
og segjast þeir Karl og Guðbjart-
ur hafa beðið þeirra þar, þegar
lögreglan kom Þrir leigubíl-
stjórar í Reykjavik komu fyrir
dóminn og báru allir að hafa séð
stúlkurnar tvær í bílnum.
0 I ibúð, sem Haukur kom I i
Breíðholtshverfi sama dag og
handtakan fór fram hitti hann
fyrir húsmóðurina, en talaði við
eiginmanninn i síma. Samkvæmt
framburði hans sagðist Haukur
vera með tvær stúlkur í bílnum,
en Haukur ber að hann hafi sagt
þetta í gamni. Húsmóðirin, sem
telur sig þekkja bifreið þá sem
Haukur hafði til afnota á vegum
lögreglunnar, segist hafa séð ein-
hvern frammi í bílnum og hafi
henni sýnzt það vera kvenmaður
og að önnur persóna sæti í aftur-
sætinu. Haukur hefur látið að því
liggja, að þarna muni hafa verið
um að ræða aðra bifreið en hans.
0 Þrír lögreglumenn bera, að
bjórkassi sem lögreglan komst
yfir eftir að honum var hnuplað
úr ms. Selfossi og afhentur var
Hauki til varðveizlu vegna rann-
sóknar málsins, sé hinn sami og
bjórkassi sá, sem fannst í bfl
Guðbjarts, en Haukur afhenti
hins vegar fulltrúa bæjarfógeta í
Keflavik kassa, sem var lftið eitt
frábrugðinn þeim, er fannst í bil
Guðbjarts. Ung kona í Keflavik
ber einnig, að Haukur hafi hringt
í hana og beðið hana um að út-
vega sér tvo kassa af áfengum
bjór, en Haukur hefur harðlega
neitað og komið með þá tilgátu, að
annar maður hafi hringt og kynnt
sig með hans nafni.
0 Allmargar ábendingar
bárust lögreglunni um stúlkur,
sem talið var að gætu hafa verið í
bíl Guðbjarts og var gripið til þess
ráðs að iáta vitnin sjá þessar
stúlkur í hópi annarra, en þessar
aðgerðir báru ekki afgerandi
árangur, segir i greinargerðinni
— Bhutto sigrar
Framhald af bls. 1.
von um 18. Alls er kosið um 181
þingsæti.
Miklar óeirðir voru í landinu
meðan kjörfundur stóð yfir, og í
tilkynningu stjórnarinnar í kvöld
sagði, að 8 manns hefðu látið Hfið.
Mest urðu átökin i Karachi, þar
sem 5 létu lífið og a.m.k. 500
særðust. 2 létu lifið i Hyderabad
og þar særðust yfir 200 manns.
Leiðtogi kosningabandalags
andstöðuflokkanna, Mufti
Mahmud, heldur því fram, að
Bhutto og stuðningsmenn hans
hafi beitt kosningasvikum.
— KGB stjórnar
Framhald af bls. 1.
hafa verið undir beinni stjórn
hans, beri ábyrgð á flestum þeirra
morða og „dularfullu" dauðdaga,
sem orðið hafa í Úganda siðan
Amin tók völdin í landinu, að því
er blaðið segir.
„Þjóðin" segir, að nærvera
Rússa í Úganda og sú staðreynd,
að þar séu einnig Palestínumenn
og Kúbumenn, geri það að verk-
um að ástandið í landinu hljóti að
taljast alþjóðamál, og sé þess því
krafist að Sameinuðu þjóðirnar
láti málið til sín taka, og afvopni
hersveitirnar sem þar standi fyrir
óöld og fjöldamorðum. Eigi
stjórnir Súdans, Eþíópíu, Zaire,
Tanzaníu og Kenya að skjóta mál-
inu til öryggisráðs Sameinuðu
þjóðanna með kröfu um að þær
sendi lið inn í Úganda, en einnig
sé sá möguleiki fyrir hendi, að
Úgandamenn sem andvígir séu
stjórn Amins, myndi útlagastjórn,
sem síðan vísi málinu til Sam-
einuðu þjóðanna.
Idi Amin, sem nú situr leiðtoga-
fund Afríku- og Arabaríkja í
Kaíró, hefur ekki tjáð sig um
þessa gagnrýni „Þjóðarinnar", en
áður en hann fór frá Kampala
kvaðst hann hafa þá trú, að þeim
Carter Bandaríkjaforseta ætti eft-
ir að verða vel til vina og ætti
hann sjálfur vini innan banda-
rísku leyniþjónustunnar CIA.
- Skjálftum fjölg
ar við Kröflu
Framhald af bls. 48
jarðskjálftamælum á sama sólar-
hring og kvikuhlaupið varð. Ef
sams konar órói kemur aftur í ljós
þá áætla jarðfræðingar að þeir
géti fundið út innan hálftima
hvort um er að ræða kvikuhlaup
neðanjarðar eða eitthvað annað.
Kvikuhlaupin eru talin hafa orðið
á 4—7 km dýpi.
Um það bil 70 manns eru nú í
búðunum við Kröflu, en 100
manns, sem voru í helgarfrfi og
áttu að koma til vinnu i dag,
mánudag, hafa samkvæmt tilmæl-
um Almannavarnanefndar ekki
enn komið til vinnu.
Kröflunefnd hélt fund í Kröflu
í dag og voru þar rædd ýmis mál í
sambandi við framkvæmdir að
sögn Jóns Sólness formanns
nefndarinnar. Sagði hann að m.a.
hefði verið rætt um byggingu
starfsmannabústaða í Reykjahlfð
og einnig hefði verið á fundinum
James Kuwata, annar fram-
kvæmdastjóri Rogers Engineer-
ing f San Fransiskó og honum
sýnd mannvirkin, en hann hafði
ekki komið á svæðið eftir að bygg-
ingarframkvæmdir hófust.
Rogers Engineering hefur ásamt
Verkfræðistofu Sigurðar Thor-
oddsen annast ýmsa þætti varð-
andi hönnun virkjunarinnar.
James Kuwata er að sögn Jóns
Sólness sérfræðingur i gerð slíkra
gufuaflsvirkjana. Sagði Jón að
Kuwata hefði litizt vel á allar
framkvæmdir og hvernig að þeim
hefði verið staðið. Mun Kuwata
skila frekara áliti mjög fljótlega
til Kröflunefndar um gufuöflun
og fleiri þætti i sambandi við
byggingu virkjunarinnar.
— Öskufall
Framhald af bls. 48
hefði borið ösku af hálendinu
bæði til suðurs og norðurs.
I samtali okkar við Bjarna
Pétursson á Fosshóli sagði
hann að fólk á bæjunum Engi,
Hliðskógum, Jarðstöðum,
Lundarbrekku og á Halldórs-
stöðum hefði orðið vart við
öskufall í morgun á um það bil
12 km breiðu belti, en ösku
varð vart á um það bil 15 km
breiðu belti í Hornafirði.
Kváðu Bárðdælingar lit
öskunnar vera gulbrúnan.
I samtali við Helga
Guðmundsson á Hoffelli í Nesj-
um í Hornafirði sagði hann að
vindur hefði staðið af A og SA
og kvað hann greinilegt ösku-
fall hafa fylgt rigningunni.
„Okkur fannst óeðlilegt," sagði
Helgi, „að þegar við fórum á
stjá í morgun voru gulbrúnir
pollar undir rennum íbúðar-
húsa. Við settum skál út á hlað
og innan skamms voru komin í
skálina fín korn, gulbrún og
nokkur dökkrauð. Eg hef aldrei
séð svona áður,“ sagði Helgi.
Bændur í Bárðardal kváðust
ekki hafa orðið varir við ösku-
fall siðan i Heklugosinu 1947.
I samtali við Birni Bjarnason
dýralækni á Höfn i Hornafirði
sagði hann að öskufalls hefði
einnig orðið vart þar í bæ og
væri búið að senda sýnishorn
bæði frá Höfn og Hoffelli til
athugunar f Reykjavik.
— Rúmenía
Framhald af bls. 1.
voða rétt eftir að jarðskjálftinn
varð.
Svo virðist sem eyðileggingin sé
mest á þessum slóðum, og í dag
fór Ceausescu forseti þangað í
skoðunarferð. Þar hafa um 1200
íbúðarhús hrunið til grunna, og
14 þúsund stórskemmzt.
Stjórn landsins hefur samþykkt
framlag sem nemur 16.5 milljörð-
um ísl. króna til Ploiesti-
svæðisins. Þar búa um 800
þúsund manns.
Til jarðskjálftasvæðanna
streyma nú hjálpargögn hvar-
vetna að, meðal annars frá Israel,
Austur-Þýzkalandi og aðildarrikj-
um Atlantshafsbandalagsins, og
loforð um aðstoð hafa borizt víða
að. Kurt Waldheim, aðalritari
Sameinuðu þjóðanna, hefur til-
kynnt rúmensku stjórninni, að
samtökin séu reiðubúin að veita
hverja þá aðstoð, sem komið geti
að gagni, og Bandaríkin hafa þeg-
ar brugðizt við hjálparbeiðni
Rúmena með þvi að senda
hjúkrunargögn og lyf. Þá hefur
Rauði krossinn í fjölmörgum
löndum send læknishjálp, lyf og
hjálpargögn af ýmsu tagi, frá
Sviss og hafa borizt þær frétlir, að
fjölmargir einstaklingar hafi lýst
sig fúsa til að taka að sér
munaðarlaus börn.
Hafin er fjársöfnun meðal al-
mennings í nokkrum löndum, og i
Danmörku einni hefur þegar
safnazt sem nemur tæpum 40
milljónum fslenzkra króna.
— Friðrik vann
Úlf Anderson
Framhald af bls. 48
Friðriks gegn Keene var hins
vegar ekki átakamikil. Hafði
Friðrik svart og var jafntefli
samið eftir 17 leiki. Sagðist
Friðrik hafa verið þreyttur eft-
ir ferðina til Vestur-
Þýzkalands, en þangað kom
hann um miðnætti á laugardag.
Hefði hann því ekki viljað taka
neina áhættu í skákinni gegn
Keene.
Eins og áður sagði er mót
þetta vel mannað og meðal þátt-
takenda heimsmeistarinn
Karpov. Er hann með 1W vinn-
ing eins og Friðrik og með þeim
I efsta sætinu er einnig
Timman og Torrez. í gær urðu
þau úrslit meðal annars að
Karpov gerði jafntefli við læri-
föður sinn Furmann, Torrez
vann Miles og Torrez vann
Geruse.
— Framtíð
Samtakanna
Framhald af bls. 2
hann ætti von á, að skriflegt svar
yrði sent á næstunni.
Þá hafði Morgunblaðið sam-
band við Magnús Torfa Ólafsson,
formann Samtaka frjálslyndra og
vinstri manna, og spurði hann
hvort rétt væri að hann og Karvel
hefðu deilt á flokkstjórnarfund-
inum. Kvað hann það ekki rétt
vera, hins vegar hefðu þeir verið
ósammála um ýmis atriði. Vitnaði
Magnús síðan til þeirra sam-
þykkta, sem flokkstjórarfundur-
inn sendi frá sér og til stjórnmála-
ályktunar flokksráðsfundarins.
í einni af samþykktum fundar-
ins segir:
„Flokksstjórnarfundur Sam-
taka frjálslyndra og vinstri
manna, haldinn 5. — 6. marz 1977,
samþykkir að koma starfi flokks-
irrs á landsgrundvelli í eðlilegt
horf, og felur því varaformanni
framkvæmdastjórnar, Haraldi
Henrýssyni, að boða fram-
kvæmdastjórn til fundar sem
fyrst og sjá um, að hún haldi
áfram reglulegum störfum fram á
næsta landsfund.“
— Gamalt slúður
rifjað upp
Framhald af bls. 2
steinn, en ákvað engu að síður að
kalla inn bókina og I þeirri athöfn
felst hans viðurkenning á því að
eitthvað hafi verið athugavert við
bókina Innköllun bókarinnar er
hans einkamál, Skáksambands-
stjórnin gerði aðeins þá athuga-
semd, að ágæt skákbók yrði betri ef
umræddur bókarauki yrði felldur
niður úr bókinni
Rétt er að rekja stuttlega viðhorf
stjórnar Skáksambands íslands til
bókarauka Þorsteins. Þar er fjallað á
næsta óviðurkvæmilegan hátt um
ýmsa mæta menn í skákheiminum,
svo sem Spassky, Fischer, dr. Euwe,
Geller, Guðmund G. Þórarinsson og
fleiri. Bókarauki þessi virðist
skrifaður til þess að selja bókina Þar
er og rætt um einkamál Boris
Spassky I æsifréttastíl.
Boris Spassky er ekki aðeins
gestur Skáksambands íslands hér á
landi, hann er gestur allrar þjóðar-
innar. Jónas Jónsson sagði um eina
tíð: „tökum ekki á móti gestum
okkar með grjótkasti í flæðar-
málinu". íslensk gestrisni er ekki
fólgin í því að lítilsvirða gesti sína.
Má hver sem vill lá Skáksam-
bandinu að vilja ekki eiga þátt i því
að dreifa á skákstað freklega móðg-
andi og ósæmilegum skrifum um
umrædda menn. Ritfrelsi og skoð-
anafrdsi er einnig hægt að misnota,
eins og við teljum að hér hafi verið
raunin.
Mál þetta varðar ekki Spassky
einan, enda kærði hann sig kollóttan
þegar málið var reifað við hann
Málið varðar ýmsa málsmetandi
menn í skákheiminum, eins og áður
er getið, en snýst ef til vill fyrst og
fremst um skilning manna á
velsæmi
f.h stjórnar Skáksambands
íslands.
Einar S. Einarsson, Högni Torfason,
forseti. varaforseti