Morgunblaðið - 01.04.1977, Blaðsíða 23

MORGUNBLAÐIÐ, FÖSTUDAGUR 1. APRÍL 1977
23
Sólveig Þorkels-
dóttir—Minningarorð
Fædd 26. október 1891
Dáin 2. febrúar 1977
Sólveig Þorkelsdóttir lézt á
Landakotsspitala 2. febrúar síð-
astliðinn eftir tveggja og hálfs árs
legu þar, 85 ára að aldri.
Hún er fædd að Húnsstöðum í
Fljótum 26. október 1891. For-
eldrar hennar voru Þorkell Sig-
urðsson og Anna Jónsdóttir. Þau
fluttust að Engidal í Úlfsdölum og
bjuggu þar i tvö ár, en fluttust
síðan að Efri-Skútum handan
Siglufjarðar.
Snemma fór Sólveig að fara i
vistir til vandalausra, því systkin-
in voru mörg og urðu snemma að
sjá fyrir sér sjálf.
Hún giftist Benóný Benedikts-
syni frá Ytri-Skjaldarvik við
Eyjafjörð, 26. september 1917 og
bjuggu þau á Siglufirði til ársins
1946, en þá fluttust þau til Skaga-
strandar, þar sem Benóný gerðist
verksmiðjustjóri. Hann starfaði
sem vélstjóri hjá Síldarverksmiðj-
um ríkisins frá árinu 1930 til
dauðadags. Hann lézt á Skaga-
strönd 10/12 1950.
Þeim hjónum varð sex barna
auðið. Þrjú dóu ung, en þrjú eru á
lífi, Þorkell, búsettur á Siglufirði,
kvæntur Margréti Viktorsdóttur,
Gunnar, búsettur á Skagaströnd,
kvæntur Bergljótu Óskarsdóttur,
og Anna, búsett i Kópavogi, gift
Ægi Einarssyni lögregluþjóni.
Sólveig starfaði mikið að félags-
málum, þó sérstaklega kvenfé-
lagsmálum. Ég þakka allar þær
stundir, sem við áttum saman, og
alla þá ástúð, sem hún sýndi okk-
ur. Einnig vil ég þakka Önnu fyr-
ir alla þá alúð, sem hún sýndi
móður okkar alla hennar löngu
sjúkdómslegu.
Einnig vil ég flytja beztu þakkir
öllum sem sýndu henni vinsemd
og léttu henni siðustu stundirnar.
Blessuð sé minning þín.
Gunnar Benónýsson.
Kveðja:
Úrsúla Gísladóttir
Fædd 30. júnf 1895
Dáin 14. marz 1977
Ég get ekki látið hjá líða að
festa á pappir tilfinningar minar
og þakklæti til Úrsúlu Gísla-
dóttur, sem i daglegu tali var
ailtaf kölluð Salla amma af
dótturbörnum minum á Álfa-
skeiði 74. Hún átti ömmuheitið
svo sannarlega skilið af þeim.
Hún hafði mikinn og sérstakan
persónuleika, og var bæði mér og
öðrum ávinningur af þvi að hafa
kynnzt henni. Hún var ein af
þessum óeigingjörnu sálum, sem
fórnaði sér fyrir aðra, en ætlaðist
aldrei til endurgjalds. Hún var
ákaflega hreinskiptin í öllu sinu
dagfari. Að lokum varð hún þeirr-
ar náðar aðnjótandi að vera köll-
uð fyrirvaralaust yfir landamær-
in á sólbjörtum degi til að hverfa
inn i sólskinið.
Hafi Salla amma mína beztu
þökk fyrir lærdómsfull kynni.
I guðs friði.
Anna Kristjánsdóttir.
Afmœlis- og
minningargreinar
Að marggefnu tilefni skal athygli vakin á því, að
afmælis- og minningargreinar verða að berast blað-
inu með góðum fyrirvara. Þannig verður grein, sem
birtast á í miðvikudagsblaði, að berast í siðasta lagi
fyrir hádegi á mánudag og hliðstætt með greinar
aðra daga. Greinar mega ekki vera í sendibréfs-
formi eða bundnu máli.
Sé vitnað tii ljóða eða sálma skal höfundar getið.
Greinarnar þurfa að vera vélritaðar og með góðu
línubili.
t
Elskuleg eiginkona, fösturmóðir og tengdamóðir okkar
HERMÍNA GÍSLADÓTTIR,
Ijósmóðir
frá BMdudal Barmahlið 37.
andaðist I Landakotsspltala 31 mar/
Einar Sigmundsson
Alfreð Eymundsson Þorsteinn Einarsson
Unnur Ólafsdóttir Halldóra Hálfdánardóttir.
Nýjung á íslandi:
n\
G4LL4BIIXLR
Betri buxur bjóðast ekki.
Kentucky gallabuxurnar eru níðþröngar og þétt aðskornar
úr þykku, þvegnu DENIM efni
KYNNINGARVERÐ: kr. 3.695 -
KAUPIÐ NÚ OG NJÓTIÐ
KYNNINGARVERÐSSINS. STÆRÐIR: 26—38
Sendum I póstkröfu. Hringið í slma 30975