Morgunblaðið - 01.04.1977, Qupperneq 25

MORGUNBLAÐIÐ, FÖSTUDAGUR 1. APRlL 1977
25
Einars Sigurðssonar,
útgerðarmanns,
minnzt á Alþingi
Ásgeir Bjarnason, forseti sam-
einaðs þings, flutti eftirfarandi
minningarorð á Alþingi sl.
laugardag um Einar Sigurðs-
son, útgerðarmann frá Vest-
mannaeyjum, en hann sat um
sinn sem varaþingmaður á
Alþingi Islendinga:
Á þessum fyrsta fundi
sameinaðs Alþingis eftir andlát
Einars Sigurðssonar út-
gerðarmanns vil ég minnast
hans hér með nokkrum orðum.
Hann átti að vjsu aldrei fast
sæti hér á Alþingi, en var vara-
þingmaður eitt kjörtímabil, tók
nokkrum sinnum sæti á þingi á
árinum 1960—1963. Þingsetu-
timi hans nam samanlagt um
það bil sex mánuðum. Hann
andaðist f Landakotsspítala
síðastliðinn þriðjudag, 22. mars
71 árs að aldri.
Einar Sigurðsson var fæddur
að Heiði í Vestmannaeyjum 7.
febrúar 1906. Foreldrar hans
voru Sigurður bóndi þar og
formaður Sigurfinnsson bonda
í Ystabæli undir Austur-
Eyjafjöllum Runólfssonar og
kona hans, Guðríður Jónsdóttir
bónda í Káragerði i Landeyjum
Einarssonar. Hann hóf ungur
kaupsýslustörf í Vestmanna-
eyjum. Nám stundaði hann 1
Verslunarskóla íslands og
brautskráðist þaðan vorið 1924.
Að námi loknu sneri hann sér
aðallega að útgerð og rekstri
fiskvinnslustöðva. Hann átti
heima í Vestmannaeyjum fram
til ársins 1950, en fluttist þá til
Reykjavíkur og átti hér heimili
síðan og rak útgerð og fiskiðnað
I Vestmannaeyjum, Reykjavfk
og víðar um landið.
Einar Sigurðsson gegndi
mörgum trúnaðarstörfum og
forustustörfum í samtökum á
sviði útgerðar og fiskiðnaðar.
Hann var varaformaður stjórn-
ar Sölumiðstöðvar hraðfrysti-
húsanna, stjórnarformaður
skipafélagsins Jökla, átti sæti i
stjórn Tryggingamiðstöðvar-
innar, var formaður stjórnar
UmbúðamiðstöðvaHnnar, átti
sæti í stjórn Síldar- og fisk-
mjölsverksmiðjunnar f Reykja-
vfk og var stjórnarformaður
Coldwater Seafood Corporation
í Bandaríkjunum. Hann var
bæjarfulltrúi í Vestmanna-
eyjum á árunum 1942—1950.
Einar Sigurðsson var áhuga-
maður um íþróttir og var um
árabil formaður Knattspyrnu-
félags Vestmannaeyja. Hann
var sundmaður góður og iðkaði
sund i sjónum við Vestmanna-
eyjar. Fræg er þrekraun hans,
er hann var staddur undir Eyja-
fjöllum sumarið 1940 og þurfti
að komast til Vestmannaeyja,
báturinn, sem skyldi sækja
hann, gat ekki lent sökum
brims og hann synti gegnum
brimgarðinn til móts við
bátinn. Áræði hans, dugur og
kappgirni, sem þetta afrek ber
glöggt vitni um, kom vfða fram
í athöfnum hans við atvinnu-
rekstur. Hann var stórhuga og
mikilvirkur í framkvæmdum,1
og vfða fór orð af stórkostlegum
umsvifum hans í sjávarútvegs-
málum. Hann var hugulsamur
vinnuveitandi og kom meðal
annars upp bókasafni fyrir
starfsfólk sitt í Vestmanna-
eyjum. Hann var ritstjóri blaðs-
ins Viðis árin 1942 og
1946—1953 og skrifaði auk þess
Framhald á bls. 19
Tillaga til þingsályktunar:
Hætt verði við stjóm-
arráðsbyggingu á
Bernhöftstorfu
.— og stuðlað að endurbyggingu og lag-
færingu gömlu húsanna á torfunni
„ÁLÞINGI skorar á rfkisstjórn-
ina að hverfa frá þeirri ákvörðun
að reist skuli ný stjórnarráðs-
bygging á spildunni við Banka-
stræti, Skólastræti og Ámtmanns-
stíg f Reykjavík og stuðla þannig
að þvf að endurbygging og lagfær-
ing á svonefndri Bernhöftstorfu
geti hafist þegar í stað.“
Þannig hljóðar tillaga til þings-
ályktunar, sem Ellert B. Schram
(S) flytur ásamt þeim Ingvari
Gíslasyni (F), Magnúsi T. Ölafs-
syni (SFV), Eðvarði Sigurðssyni
( Abl) og Gylfa Þ. Glslasyni (A).
t greinargerð með tillögunni
segir m.a.:
Um nokkurra árá skeið hefur
ríkt nokkur óvissa um framtíð
þeirra húsa, sem standa á spild-
unni við Bankastræti, Skólastræti
og Amtmannsstig i Reykjavík,
svonefndri Bernhöftstorfu.
Fyrir liggur tuttugu ára gömul
ákvörðun um að þar skuli reist ný
stjórnarráðsbygging, en vegna
mikils áhuga einstaklinga og
félagasamtaka um varðveislu
staðarins f þeirri mynd, sem verið
hefur, hefur lítið verið aðhafst og
ríkt nokkurs konar þrátefli i þess-
um efnum. Það hefur m.a. leitt til
þess að húsin í torfunni hafa ver-
ið í allmikilli niðurníðslu og ekki
verið unnt að ráðast f nauðsynleg-
ar endurbætur og lagfæringar á
þeim.
Nú gerðist það í síðustu viku að
upp kom eldur í Bernhöftstorf-
unni, með slíkum afleiðingum, að
tvö hús eyðilögðust í brunanum.
Nauðsynlegt er að bregðast
skjótt við og taka af allan frekari
vafa um framtfð þessarar
skemmtilegu spildu í hjarta
Reykjavfkurborgar. Er lagt til að
ríkisstjórnin ákveði, að ekki skuli
reist stjórnarráðsbygging á
nefndum stað, og stuðli þannig að
því að endurbygging þeirra húsa,
sem eyðilögðust í eldinum, og lag-
færing hinna geti hafist sem
fyrst.
Það mun hafa verið í tilefni 50
ára afmælis islensks stjórnarráðs,
árið 1954, sem tekin var ákvörðun
um byggingu nýs stjórnarráðs-
húss á lóð rfkissjóðs milli Banka-
strætis og Amtmannsstígs. Til
framkvæmda hefur ekki komið,
en geróar hafa verið teikningar af
fyrirhugaðri byggingu á umrædd-
umstað og þær kynntar.
Á síðustu árum hefur mjög vax-
ið andstaðan gegn þvf,'að stjórn-
arráðshús verði reist á þessum
stað. Kemur þar hvort tveggja til:
í fyrsta lagi, að til þess þyrfti að
rffa eða fjarlægja þau hús, sem
hafa staðið í umræddri lóð og
nefnd eru Bernhöftstorfa; í öðru
lagi, að skipulag og aðstæður
leyfa ekki svo stóra byggingu sem
gert er ráð fyrir að nýtt stjórnar-
ráðshús þurfi að vera.
Fyrir báðum þessum meginat-
hugasemdum hafa verið færð rök,
sem taka verður fullt tillit til.
Mun nú gerð nánari grein fyrir
þeim.
Jafnframt auknum skilningi á
umhverfisvandamálum mann-
kynsins og umræðum um meng-
un, náttúruvernd og vistfræði
hefur þeirri stefnu vaxið fiskur
um hrygg, sem leggur áherslu á
varðveislu sögulegra bygginga og
sérstæðra borgarhverfa.
íslendingar hafa löngum borið
virðingu fyrir minjagripum og
heimildum frá frumbýlisárum
þjóðarinnar, en minna hirt um
varðveislu muna og verndum um-
hverfis, sem skoðast geta heimild-
ir um sögu og menningu siðari
tfma. Smám saman hefur vaknað
skilningur á þvl, að þróunarsaga
lifnaðarhátta, menningarstrauma
og umhverfismála er ekki síður
merkileg, þótt slíkar heimildir
séu ekki frá landnámstíð. Enn má
víða finna slíkar heimildir og
söguminjar, enda þótt tillitssemi
og varðveislusjónarmið hafi á
stundum mátt sin lítils i sam-
keppni við kappsfulla uppbygg-
ingu nútimaþjóðfélagsins.
Húsin og umhverfið austast I
kvos gamla miðbæjarins í Reykja-
vík bera sína sögu og þar er að
finna afar merkilega heimild um
byggingarstíl á síðustu öld.
aiÞinci
heimilistæki sf
HAFNARSTRÆTI 3 — 20455 — SÆTÚN 8 — 15655
erváíin i dag,
en þær áttu ekki kost á ööru
Helztu kostir Philco þvottavéla:
# Heitt og kalt vatn inn — sparar
tíma og rafmagnskostnað.
# Vinduhraði allt að 850 snún/mín
— flýtir þurrkun ótrúlega.
# 4 hitastig (32/45/60/90°C)
— hentar öllum þvotti.
# 2 stillingar fyrir vatnsmagn
— orkusparnaður.
# Viðurkennt ullarkerfi.
Stór þvottabelgur
fulla vél.
þvær betur
3 mismunandi hraðar i þvotti og
tveir í vindu — tryggir rétta
meðferð alls þvottar.
Stór hurð — auðveldar hleðslu.
3 hólf fyrir sápu og mýkingarefni.
Fjöldi kerfa — hentar þörfum og
þoli alls þvottar.
Nýtt stjórnborð skýrir með tákn-
um hvert þvottakerfi.
Þvottakerfum hægt að flýta og
breyta á auðveldan hátt.
Fullkomin viðgerðarþjónusta
— yðar hagur.