Morgunblaðið - 16.07.1977, Qupperneq 39

MORGUNBLAÐIÐ, LAUGARDAGUR 16. JULÍ 1977
39
HÆKKAR ENN FLUGIÐ
t einum bezta og skemmtilegasta
knattspyrnuleik sem lengi hefur
sézt milli fslenzkra knattspyrnu-
liða sigraði Valur Vestmanna-
eyinga á Laugardalsvellinum (
gærkvöldi með tveimur mörkum
gegn engu. Hafa Valsmenn þar
með enn tryggt stöðu sfna á
toppnum f 1. deildinni — ekkert
lið hefur tapað jafn fáum stigum
og þeir, og vfst er að erfitt er að
fmynda sér annað en að Valur
haldi titlinum f ár. Þeir leika
beztu knattspyrnuna um þessar
mundir — knattspyrnu sem
heldur fyllilega til jafns við það
sem gerist erlendis og það jafnvel
hjá atvinnuliðum. t liði þeirra er
tæpast veikan hlekk að finna, og
betra leikskipulag og hugsun er
ekki að finna hjá fslenzku knatt-
spyrnuliði.
Og Eyjamenn voru líka góðir í
gærkvöldi. Lið þeirra barðist af
miklum dugnaði og gerði marga
hluti mjög vel, — sérstaklega úti
á vellinum. Þegar þeir nálguðust
mark Valsmanna var hins vegar
ekki nógu mikil festa í leik beirra
— það var of tilviljunar kennt
sem leikmennirnir gerðu. Oft
tókst þeim þó að skapa sér sæmi-
leg marktækifæri, en höfðu ekki
heppnina með sér.
ATLI SKORAR
Til að byrja með voru Vest-
mannaeyingar, sem léku móti gol-
unni i fyrri hálfleik, atkvæða-
meiri í leiknum í gærkvöldi, en
Valsvörnin stóð sig mjög vel og
„dekkaði" hættulegustu menn
Eyjaliðsins, Tómas og Sigurlás,
mjög þétt og ákveðið. Var greini-
legt að aðrir leikmenn Eyjaliðsins
leituðu mjög að þeim, og sending-
ar þeirra misheppnuðust því all-
oft.
Fyrsta verulega hættulega
tækifærið í leiknum kom á 14.
mínútu, eftir slæm mistök
dómarans, Kjartans Ólafssonar.
Ingi Björn fékk þá sendingu inn
að vallarmiðjunni, og tókst að
leggja knöttinn fyrir sig með
hendinni og snúa þannig á
varnarmann Vestmannaeyinga,
sem sótti að honum. Tók dómar-
inn ekki eftir þessu atviki, né
heldur línuvörðurinn sem stóð þó
rétt hjá þeim stað er brotið átti
sér stað. Lék Ingi Björn að Vest-
mannaeyjamarkinu og gaf síðan á
Guðmund Þorbjörnsson sem var í
VALUR - ÍBV 2:0
Texti: Steinar J. Lúðvfksson
Myndir: Friðþjófur Helgason.
dauðafæri. Skaut Guðmundur f
stöng, en fékk knöttinn aftur, en
þá bjargaði Olafur Sigurvinsson
skoti hans á Ifnunni.
Nokkrum minútum siðar náðu
Valsmenn óvænt forystu i leikn-
um. Fremur meinleysislegri sókn
þeirra upp hægri kantinn lauk
með þvi að Bergsveinn Alfonsson
átti langa sendingu inn í vítateig
Vestmannaeyinga. Einari Frið-
þjófssyni mistókst að hreinsa frá
og Sigurður Haraldsson mark-
vörður missti einnig af knettin-
um. Tókst Atla Eðvaldssyni að ná
honum og pota honum í markið.
AGÆTT MARK GUÐMUNDAR
Valsmenn hresstust mjög við
þetta mark Atla og sóttu skemmti-
lega það sem eftir lifði hálfleiks-
ins, án þess þó að hafa erindi sem
erfiði. Var það ekki fyrr en á
fimmtu minútu seinni hálfleiks
að Valur skoraði annað mark, og
þá eftir svipuð varnarmistök hjá
Vestmannaeyingum og er fyrra
markið kom. Löng sending kom
inn í vítateig Eyjamanna, þar sem
Ólafur Sigurvinsson virtist eiga
tök á því að hreinsa frá, en hann
missti knöttinn til Guðmundar
Þorbjörnssonar sem skoraði með
svo föstu skoti að það söng i net-
möskvunum i Eyjamarkinu.
Þar með voru úrslit leiksins
ráðin. Valsmenn drógu lið sitt
nokkuð aftur eftir mark þetta, og
Eyjamenn sóttu allstift, án þess
þó að geta skapað sér hættuleg
færi. Af og til áttu svo Valsmenn
stórhættulegar sóknir og skall t.d.
hurð nærri hælum undir lokin er
Ingi Björn Albertsson komst inn
fyrir Eyjavörnina, en Sigurður
Haraldsson kom þá mjög vel út á
móti og tókst að loka markinu,
þannig að skot Inga Bjarnar lenti
í honum og út fyrir endamarka-
linu.
GÓÐ KNATTSPYRNA —
SKEMMTILEG LIÐ
Þeir fjölmörgu áhorfendur sem
lögðu leið sína á Laugardalsvöll-
inn i gærkvöldi fengu að sjá
knattspyrnu eins og bezt getur
orðið hjá áhugamannaliðum.
Hraði, snöggar og skemmtilegar
skiptingar, mikil barátta — allt
þetta bauð leikurinn upp á. 1 list
knattspyrnunnar voru Valsmenn
greinilega fremri. Lið þeirra er
mjög jafnt, en bezti leikmaður
þess i gærkvöldi var þó sennilega
Guðmundur Þorbjörnsson. Það
var oft stórkostlegt að fylgjast
Ekkert hik ekkcrt fum. Þrumu-
skot Guðmundar Þorbjörnsson-
ar á leið i iBV-markið.
með því hvernig hann sneri á
andstæðinga sina með hraða
sínum og útsjónarsemi, hvernig
hann skilaði knettinum frá sér og
hvernig hann vann fyrir liðið.
Ingi Björn átti einnig góðan leik,
svo og Dýri Guðmundsson og
Albert Guðmundsson. Eins og
Valsliðið lék í gærkvöldi er óhætt
að spá því frama og verður vissu-
lega tilhlökkunarefni að sjá til
þess í Evrópubikarkeppninni,
þegar að henni kemur. Betra að
það sýni jafnmikla snilldartakta
þar og það gerði i gærkvöldi.
Eyjamenn söknuðu eins bezta
leikmanns sins, Þórðar Hallgríms-
sonar, í leiknum i gærkvöldi, en
hann er nú í leikbanni. Vafalaust
Framhald á bls. 28
ÚTIMÓT
STÚLKNANNA
Á HÚSAVÍK
ISLANDSMÓTIÐ f meistara-
flokki kvenna I handknattleik
utanhúss verður haldið á Húsavfk
dagana 12.—14 ágúst n.k. og er
mótið liður I hátfðahöldum vegna
50 ára afmælis Völsungs. Völs-
ungar hyggjast tefla fram sterku
liði að þessu sinni og munar þar
mestu um hina landskunnu hand-
knattleikskonu Björgu Jónsdótt-
ur, en hún og eiginmaður hennar,
Pálmi Pálmason, handknattleiks-
maður úr Fram, hyggjast setjast
að á llúsavfk á komandi hausti og
stunda þar kennslu. Handknatt-
leiksráð Völsungs vonast til að
sem flest lið rnæti til leiks, en
þátttökutilkynningar, ásamt 5000
króna þátttökugjaldi þurfa að
hafa borizt fyrlr 20. júli til
Ingólfs Freyssonar, Sólvöllum 6,
Ilúsavlk.
Atli Eðvaldsson hefur náð knettinum við marklfnuna og skorar fyrra mark Vals.
LIÐ VALS: Sigurður Dagsson 3, Guðmundur Kjartansson 3,
Hörður Hilmarsson 3, Dýri Guðmundsson 3, Magnús Bergs 2,
Ingi Björn Albertsson 3, Atli Eðvaldsson 3, Albert Guðmundsson
3, Guðmundur Þorbjörnsson 4, Bergsveinn Alfonsson 3, Kristján
Asgeirsson 2, Óttar Sveinsson (varam.) 1.
LIÐ IBV: Sigurður Haraldsson 3, Ólafur Sigurvinsson 3, Einar
Friðþjófsson 2, Gústaf Baldvinsson 2, Friðfinnur Finnbogason 2,
Sveinn Sveinsson 3, Óskar Valtýsson 3, Sigurlás Þorleifsson 3,
Tómas Pálsson 2, Karl Steinsson 2,
DÓMARI: Kjartan Ólafsson 2.