Morgunblaðið - 20.07.1978, Blaðsíða 3

MORGUNBLAÐIÐ, FIMMTUDAGUR, 20. JÚLÍ 1978
3
Fjármálaráðherra á blaðamannafundi í gær:
Áætlaður greiðsluaf-
gangur ríkissjóðs í
ár 3,1 milljarður
— Gengur til lækkunar á skuld við Seðlabankann
MATTHÍAS Mathiesen fjár-
málaráðherra hefur lagt fram
skýrslu um fjármál ríkissjóðs
árið 1978, en í skýrslunni er
endurskoðuð áætlun um stöðu
ríkissjóðs og horfur í ríkisfjár-
málum á árinu. Kemur fram f
skýrslunni að áætlaður
greiðsluafgangur ríkissjóðs í
ár muni nema 3.1 milljarði og
á hann að ganga til lækkunar
skuldar við Seðlabankann. A
fundi mcð fréttamönnum í gær
sagði fjármálaráðherra að
skýrsla þessi væri gerð til að
hægt væri að gera sér grein
fyrir hvernig rfkisfjármálum
væri háttað og hvernig séð væri
fyrir fjármagni samkvæmt
þeim ákvörðunum, sem teknar
hafa verið um útgjöld.
— Ég taldi rétt að gera þessa
úttekt, sagði ráðherra, til að
þeir sem tækju við stjórn
fjármála ríkissjóðs gætu séö
hvernig þau standa og gætu
myndað sér skoðun um ástandið.
I skýrslunni er kafli er fjallar
um horfur í ríkisfjármálum og
segir þar að frá því áætlun hafi
síðast verið gerð um ríkisfjár-
málin í lok marzmánuðar eftir
efnahagsaðgerðir í febrúar, hafi
forsendur varðandi þau breytzt
í veigamiklum atriðum. „I fyrsta
lagi koma þar til áhrif bráða-
birgðalaganna um vísitölubætur
á laun og áhrif á tryggingarút-
gjöld ríkissjóðs og fleiri gjalda-
liði auk tekjuliða áætlunarinn-
ar, í öðru lagi hafa komið fram
betri upplýsingar en áður og
tekið tillit til niðurstöðu ríkis-
fjármálanna á fyrra árshelm-
ingi skv. gögnum ríkisbókhalds
og í þriðja lagi er verðlag
almennt hærra en raiknað var
með í marzáætlun.
Meginniðurstöður þessarar
endurskoðunar á horfum í fjár-
málum ríkisins á yfirstandandi
ári eru þær, að gjöldin verði
samtals 151.354 m. kr. á árinu
eða 12.881 m.kr. hærri en í
fjárlögum, þ.e. 9,3%. Tekjur eru
nú áætlaðar samtals 150.596
m.kr. sem er 11.100 m.kr.
hækkun frá fjárlögum eða 8,0%.
Á lánareikningum að meðtöld-
um viðskiptareikningum, en að
frátöldum afborgunum lána í
Seðlabankanum, er gert ráð
fyrir að nettóinnstreymi nemi
Fjármálaráðherra og starfsmenn ráðuneytisins kynntu skýrslu um
endurskoðun ríkisfjármála fyrir íréttamönnum. Frá vinstrii
Ilöskuldur Jónsson. Matthías Mathiesen, Gísli Blöndal og Sigurður
Þórðarson. Ljósm. Emih'a.
3.916 m.kr. Niðurstaðan leiðir
þannig til 3.158 m.kr. greiðsluaf-
gangs, sem gengi til lækkunar
skulda ríkissjóðs við Seðlabank-
ann en í fjárlögum er gert ráð
fyrir að þessar afborganir nemi
3.245 m.kr.
Sé litið á einstakar breytingar
á fjárlögum á gjaldahliðinni má
nefna að áætlað er að launa-
kostnaður hækki um 2.050 m.kr.
sem er að mestu vegna meiri
verðlagshækkana, en áður var
reiknað með og vanáætlun í
fjárlögum á launakostnaði á
ríkisspítölum og hjá sýslu-
mannsembættum. Gert er ráö
fyrir að almannatryggingar
hækki um rúma 4,8 milljarða og
munar þar mest um sjúkra-
tryggingarkostnað, um 3,8
milljarða. Niðurgreiðslur hækka
Framhald á hls. 21
Jón L. Amason náði
fyrri hluta alþjóð-
legs meistaratitils
JÓN L. Árnason náði fyrri
hluta alþjóðlegs meistaratitils
á alþjóðlega skákmótinu í New
York, sem lauk í gær. Jón gerði
jafntefli við Bandarikjamann-
inn Rind i 11. og síðustu
umferðinni í gær og fékk því
alls 7 vinninga. Samkvæmt
útreikningi skákstjóra þurfti
Jón að hljóta 7,04 vinninga til
þess að ná árángri alþjóðlegs
meistara en vegna þess hve
litlu munar verður árangurinn
viðurkenndur sem íyrri áfangi
titilsins að því tilskyldu að Jón
verði vel yfir mörkunum þegar
hann nær siðari áfanganum.
sem vonandi verður fljótlega.
Jón er 17 ára gamall og fjórði
íslendingurinn. sem nær þess-
um árangri á árinu. Hinir eru
Ilelgi Ólafsson, Haukur
Angantýsson og Margeir
Pétursson.
Úrslit annarra skáka íslenzku
Framhald á hls. 21
Góð loðnuveiði vest-
ur af Kolbeinsey
GÓÐ VEIÐI var í fyrrinótt og í
gærmorgun vestur af Kolbeinsey
og í gærmorgun voru öll skip.
sem voru á miðunum. farin til
hafnar með afla. en þá voru
önnur skip að koma út og var
veiðiútlit gott að sögn.
Loðnunni var að mestu landað á
Bolungarvík og Siglufirði, en tvö
skip fóru til Keflavíkur með
samtals 1230 lestir. Þar sem
loðnan er nú mjög feit taka
verksmiðjurnar ekki við miklum
afla í einu og ef tíð verður góð
næstu daga og veiði einnig, þá má
fastlega búast við að loðnuaflinn
dreifist á hafnir víða um land.
Andrés Finnbogason hjá Loðnu-
nefnd sagði í samtali við Morgun-
blaðið í gær að nú væru komnar
yfir 7000 lestir af loðnu á land og
ekki væri hægt að segja að
byrjunin væri slæm.
Þeir bátar, sem tilkynntu afla
frá því kl. 15 í fyrradag til kl. 14
í gær, eru þessir: Sæbjörg VE 320
lestir, Náttfari ÞH 310, Hrafn GK
380 lestir, Kap 2. VE 320, Guð-
mundur RE 430, Skarðsvík SH 400,
Skírnir AK 340, Hilmir SU 370,
Sigurður RE 650 (þar af voru 200
lestir kolmunni), Gígja RE 630 og
Harpa RE 600.
á frystikista aö vera!
HEjglZI
„DERBY“ frystitækin hafa vandað yfirbragð, með haganlega lausn á hverju smáatriði eins og:
* „Hermetisk" frystiþjappa sem tryggir hámarks frystiafköst.
* Ytrabyrði úr stáli, rafzinkhúðuð til ryðvarnar, búið hitarörum gegn daggarmyndun.
* Innrabyrði úr hömruðu áli, en kostir þess eru ótvíræðir, ál er mjög góður varmaleiðari með
afar lágan eðlisvarma, þetta flýtir djúpfrystingunni. Jafnframt er ál framúrskarandi auðþrifið.
* Lokið lokast óaðfinnanlega þétt, búið jafnvægisgormum sem létta það við opnun, læsingu og
ljósi. Ennfremur er yfirborð þess klætt plasthúð til prýðis og til varnar gegn rispum.
* Sérstakt djúpfrystihólf er í ,,DERBY“, þannig má djúpfrysta ný matvæli án þess að kosta til
frekari kælingu á matvælum sem þegar liggja frosin fyrir í kistunni.
Þetta hraðar djúpfrystingunni og sparar rafmagn.
* Einangrunin er hið viðurkennda „Pelyuretan" frauðplast.
* í „DERBY“ frystikistum er botninn auðvitað frystiflötur líka.
FÁLKIN N
____________________________________________SUÐURLANDSBRAUT 8, SÍMI 84670 j