Morgunblaðið - 20.07.1978, Blaðsíða 5

MORGUNBLAÐIÐ, FIMMTUDAGUR, 20. JÚLÍ 1978
5
NÝLEGA afhentu Lionsklúbburinn Bjarmi, Kvennabandið
og Kvenfélagið Iðunn sjúkrahúsi Hvammstanga fæðingar-
rúm að gjöf.
Fæðingarrúm þetta kostaði samtals um 870 þúsund
krónur þegar felld höfðu verið niður af því gjöld, en hefði
annars kostað liðlega 1200 þúsund krónur. Þórarinn
Tyrfingsson héraðslæknir veitti rúminu viðtöku ásamt sr.
Róbert Jack formanni sjúkrahússnefndar.
Formaður framkvæmdastj. Alþýðuflokks:
Vill minnihlutastjórn
Alþýðuflokks með hlut-
leysi Sjálfstæðisflokks
FORMAÐUR framkvæmdastjórn-
ar Alþýðuflokksins. Eyjólfur
SÍRurðsson. lýsir því yfir í
Alþýðublaðinu í gær, að hann
telji sjálfsast eins og málin horfi
nú við, að Alþýðuflokkurinn óski
eftir því við Sjálfstæðisflokkinn
að hann veiti minnihlutastjórn
Alþýðuílokksins hlutleysi og
verji hana falli á Alþingi.
Eyjólfur segir síðan, að Alþýðu-
flokkurinn eigi að ganga hreint til
verks, ráðast gegn þeim vanda sem
við er að etja eftir að hann hefur
náð samkomulagi við verkalýsð-
hreyfinguna, sem hann telur að
hægt eigi að vera að ná. Einnig sé
möguleiki á að breyta stjórnar-
skránni í þá átt að jafna kosninga-
rétt landsmanna og láta síðan
kjósa eftir eitt ár um þá stöðu sem
skapazt hefur eftir eins árs stjórn
Alþýðuflokksins.
Eigendur Kirkjufells, Ásgeir M. Jónsson og Gerður Ólafsdóttir (i
miðið), ásamt Sesselju Jónsdóttur afgreiðslustúlku. Ljósm.
Kristján.
Kirkjufell í nýju húsnæði
VERZLUNIN Kirkjufell hefur
nýlega flutt í nýtt húsnæði að
Klapparstíg 27, en verzlunin var
áður til húsa að Ingólfsstræti 6.
Kirkjufell hefur verið starfrækt
í rúmlega fimm ár og tóku
núverandi eigendur, hjónin
Gerður Ólafsdóttir og Asgeir
Markús Jónsson, við verzluninni
fyrir tveimur og hálfu ári.
Húsnæði það, sem Kirkjufell
er í núna, er mun stærra en það
sem verzlunin var i áður og
sagði Ásgeir M. Jónsson að
verzlunarrýmið væri um 112
fermetrar að flatarmáli og 30
fermetra lagerpláss. Innrétting-
ar teiknaði Kristín Sætran
innanhússarkitekt.
— Verzlunin verður starf-
rækt með mjög svipuðu sniði og
var, sögðu þau Ásgeir og Gerð-
ur, en með nýju húsnæði höfum
við skipt henni í tvær deildir,
annars vegar gjafavörudeild og
hins vegar deild fyrir bækur,
plötur og ýmsa kirkjumuni. Af
gjafavörum erum við einkum
með hollenzkar steinstyttur og
skrautpostulín frá fyrirtækinu
Funny Design í Vestur-Þýzka-
. landi, en Kirkjufell hefur einka-
umboð fyrir þessar vörur. Frá
þessum aðilum koma gjafavör-
urnar og ætlum við að reyna að
binda okkur við þessa aðila.
— í hinni deildinni er að
finna ýmsar kristilegar bækur
og plötur, aðallega erlendar
bækur, en nokkuð er farið að
koma af þessum bókum á
íslenzku enda fer markaður
fyrir þær vaxandi. Þá erum við
með allskyns kirkjumuni, er
alltaf til eitthvað af höklum,
rykkilíni og fleiru, en flestir
þessir munir eru sérstaklega
pantaðir, enda erfitt að liggja
með mikið af þeim. Við reynum
að hafa nokkur sýnishorn, en
höfum annars myndalista sem
við notum til að aðstoða fólk til
að panta þessa muni. Einnig
erum við með allar fermingar-
vörur á einum stað og höfum
annazt prentun á t.d. servíettum
og gyllingu á sálmabækur og
Biblíur og fleira sem tilheyrir
fermingum og gjöfum við svipuð
tækifæri.
Verzlunin Kirkjufell er opin á
almennum verzlunartíma nema
lokað verður kl. 12.30—13.30 í
sumar.
Bílvelta
á Háaleit-
isbraut
UM KL. 10.30 í gærkvöldi valt
Volkswagern bifrcið á Háaleitis-
hraut. þrennt var í bifreiðinni og
mun það ekki hafa slasast alvar
lega.
Tildrög óhappsins voru þau að
Volkswagen bifreiðin, sem var á
leið austur Háaleitisbraut, var að
fara fram úr annarri bifreið.
Þegar Volkswagen bifreiðin var
komin langleiðina fram úr bifreið-
inni gaf leigubifreið, sem ók
nokkru framar, stefnuljós til
vinstri upp að blokkinni Háaleitis-
braut 15—17. Ökumaður Volks-
wagen bifreiðarinnar komst ekki
inn á milli bifreiðarinnar sem
hann var að fara fram úr og
leigubifreiðarinnar, þar sem bilið
milli þeirra mjókkaði skyndilega
er leigubifreiðin hægði á sér.
Virðist þá sem ökumaðurinn hafi
ætlað að gefa í og bjarga sér fram
fyrir leigubifreiðina, en fataðist þá
aksturinn og valt bifreiðin upp á
gangstéttina norðan götunnar og
hafnaði á vinstri hlið.
MYNDAMÓTA
Ad.ilstra*ti 6 sinn 25810
Leiðrétting:
1650 millj.
kr. opinber
gjöld í Éyjum
í FRÉTT í Morgunhlaðinu í gær
um opinber gjöld í Vestmannaeyj-
um féll niður 1 milljarður króna
þannig að Eyjamenn virtust
sleppa vel við opinber gjöld, en alls
eru gjöld Eyjamanna 1650 milljón-
ir króna, en ekki 650 eins og sagt
var í blaðinu í gær. Ingi Tómas
Björnsson skattstjóri í Eyjum
hafði samband við Morgunblaðið í
gær og sagði að miðað við það
sanna í málinu gæti hann því
miður ekki viðurkennt að vera sá
kotbóndi sem 650 milljónir gefa til
kynna, þótt slíkt kæmi sér ugg-
laust vel fyrir þá sem eiga að
greiða gjöldin.
TlZKUVERZLUN UNGA FÓLKSINS
Wkarnabær
Laugaveg 20. Laugaveg 66 Austurstræti 22 Glæsibæ Simi 28155