Morgunblaðið - 31.10.1978, Blaðsíða 29

MORGUNBLAÐIÐ. ÞRIÐJUDAGUR 31. OKTOBER 1978
29
Skák — Skák — Skák — Skák — Skák — Skák — Skák — Skák — Skák — Skák — Skák — Skák
Fide-þingið í Buenos Aires:
Mál Korchnois og Spasskys
talin ganga forsetakjörinu
næst hvað hitann snertir
Bucnos Aires. 29. oklóber.
Frá Ilönna Torfasyni
„EG VAR hér fyrir átján árum
og mér finnst þetta að ýmsu
leyti falleg borg þótt hún sé á
margan hátt frábrugðin því,
sem við eigum að venjast í
Evrópu,“ sagði Friðrik Ólafsson
stórmeistari, er Morgunblaðið
ræddi við hann á Sheratonhótel-
inu hér í Buenos Aires. Allir
íslendingarnir búa á þessu
hóteli við góðan kost, en við
erum ekki jafn ánægð með
mótstaðinn sjálfan. „Ég held að
á mínum ferli," sagði Friðrik,
„að minnsta kosti á
Ólympíumótum, hafi ég aldrei
teflt við jafn slæmar aðstæður
og hérna. Bæði er skipulagið
ekki nógu gott og aðbúnaðurinn
er fyrir neðan allar hellur:
loftleysi og þrengsli.
Ég býst við,“ hélt Friðrik
áfram, „að þetta mót nú sé eitt
sterkasta Ólympíuskákmót sem
haldið hefur verið. Fyrri mót
hafa verið fjölmennari, eins og
til dæmis í Nizza 1974, en hér
eru flestir sterkustu skákmenn-
irnir mættir til leiks. Af þeim
vantar aðeins Karpov, Larsen,
sem aldrei hefur teflt á
Ólympíuskákmóti og Hort, en
Tékkar senda ekki skáksveit
hingað. Kortsnoj er að vísu ekki
mættur í fyrstu umferðirnar en
hann er væntanlegur.“
— Hver er skýringin á tapi
okkar gegn Kínverjum í fyrstu
umferðinni?
„Þetta var heldur slæm byrj-
un hjá okkur að fá þennan skell
á móti Kínverjunum. Það er
sjálfsagt erfitt að skýra þetta.
Kínverjar eru að vísu óþekkt
stærð á sviði skákarinnar og því
vissum við ekki um styrkleika
þeirra. En við höfðum fréttir af
því, að þeir gætu reynzt hættu-
legir andstæðingar, sem við
þyrftum að vara okkur á, en
engu að síður held ég að visst
vanmat hafi veriö meginorsök
ósigursins."
— Hver er staðan í fram-
boðsmálunum á þessu stigi?
„Ég hef nú verið að kynna mér
hana og það virðast líkur á því
að ég sé öruggur með 30
atkvæði, sem þýðir að ég á að
komast áfram eftir fyrstu
atkvæðagreiðsluna. Hvor þeirra
Gligoric eða Mendez kemst
áfram er erfitt að segja til um
nú, en mér sýnist þó Gligoric
hafa vinninginn. Ef ekkert
óvænt kemur upp á síðustu
dagana fyrir kjörið og ekki
verða miklar hreyfingar á af-
stöðu fulltrúanna, þá tel ég
næsta víst að slagurinn standi á
milli mín og Gligoric.
Það hefur bætzt við í minn
örugga stuðningshóp eftir að
hingað kom, einkum
S-Ameríkulönd, en ennþá virð-
Friðrik Ólafsson
ast svona 10 skáksambönd ekki
hafa gefið upp hverjum þau
fylgja.
Ymsir stuðningsmenn mínir
innan FIDE hafa unnið að
framboði mínu undanfarnar
vikur. Ég get nefnt, að Dal
Verme, greifi frá Ítalíu, sem er
mikill áhrifamaður, hefur leitað
eftir stuðningi við mig í ýmsum
grannlöndum sínum, en þar
virðast Grikkland og Spánn
haliast heldur að Gligoric.
Stuðningsmaður minn frá Iran,
Navabi, hefur reynt að afla mér
fylgis í ýmsum Araba- og
Asíulöndum. Þeir O’Connel frá
Irlandi og Levy frá Skotlandi
hafa rætt við ýmsa aðila, meðal
annars fulltrúa Nýja-Sjálands
og mér er sagt að ég eigi víst
atkvæði Astralíu. Það getur þó
verið nokkuð vafasamt að
treysta á slíkar fréttir, því þótt
skákmennirnir séu á mínu
bandi, er ekki þar með sagt að
fulltrúi skáksambands þeirra sé
sama sinnis."
— Ýmsir vilja halda að
FIDE-þingið verði stormasamt
á fleiri sviðum en í sambandi
við forsetakjörið. Eru nefnd í
því sambandi mál Korchnois og
deilan um fulltrúa skáksam-
bands Venezúela.
„Já, þetta Venezúelamál kom
hér upp strax fyrsta daginn og
það er rétt að ég átti nokkurn
þátt í því að það leystist að
minnsta kosti fyrst um sinn. Dr.
Euwe og FIDE féllust á að það
skáksamband sem hefur viður-
kenningu stjórnvalda í Vene-
zúela fengi þátttökuréttinn með
því skilyrði þó, að málið verður
tekið fyrir á þinginu. Fari svo að
þessi málamiðlun verði staðfest
þá gæti það haft þýðingu fyrir
mig, því fulltrúi þessa skáksam-
bands mun mjög sennilega
styðja mig til forsetaembættis-
ins, en hinn fulltrúinn, sem
deilan snýst um: Tudela, er mjög
áhrifamikill maður og stuðn-
ingsmaður Mendez, þannig að
Mendez gæti hugsanlega misst
einhver atkvæði, ef Tudela
verður ekki fulltrúi á þinginu.
Um Korchnoi og hans mál er
það að segja að mér skilst, að
svissneska skáksambandið ætli
að leggja hans mál fyrir þingið
og það getur vel orðið mikið
deilumál, því það er bæði
viðkvæmt og viðamikið og
sennilega erfitt að finna á því
viðhlítandi lausn. Ég tel óeðli-
legt að þetta mál verði tekið
fyrir fyrr en búið er að afgreiða
önnur veigamikil dagskrármál,
eins og til dæmis forsetakjörið
því það er ljóst að þetta mál
getur dregizt á langinn með
miklum umræðum og deilum.“
— Nú hefur Spassky óskað
eftir því að fá að taka til máls á
þinginu.
„Það er rétt. Hann vill fá að
ræða mál varðandi einvígi hans
og Korchnois í Júgóslavíu á
sínum tíma, sem frægt varð.
Það er þá fyrst og fremst
hvernig reglur um framkomu og
hegðan keppenda eigi að vera:
hvað þeir megi gera og hvað
ekki. Gildandi reglur eru mjög
óljósar hvað þetta varðar, til
dæmis segir að keppendum beri
að koma þannig fram að þeir
trufli ekki hvor annan, að þeir
eigi að ástunda góða hegðan og
koma fram í sönnum íþrótta-
anda. Þannig eru reglurnar
óljósar og ákaflega teygjanlegar
og Spassky vill að settar verði
ákveðnari reglur og einnig að
fjallað verði um sálfræðilega
hlið málsins, ef svo mætti segja.
Við vitum að það hefur komið
fram í fréttum að truflandi
áhrif séu frá viðstöddum sál-
fræðingum, dulfræðingum og
þess háttar mönnum og Spassky
vill að þetta verði rætt. Þetta er
mjög vandasamt mál því menn
vita ákaflega lítið um þetta og
hvernig eigi að taka á þessu.“
— Spassky er í sovézku
skáksveitinni hér og sovézk
skákyfirvöld eru sögð hafa
beitt svona brögðum á Filipps-
eyjum. Getur málflutningur
Spasskys þá ekki komiö sér illa
fyrir þau?
„Já. Korchnoi kvartaði um
það að hann væri beittur slíkum
brögðum í heimsmeistaraeinvíg-
inu, og þá sérstaklega af hálfu
dulfræðings í fylgdarliði
Karpovs, en einnig kvartaði
hann um truflanir frá öðrum
sem sat oft á fremsta bekk. Það
getur verið að þetta verði
viðkvæmt mál fyrir Sovétríkin
og að segja megi að Spassky geti
þarna lent á móti sínum mönn-
um. En hverjir eru hans menn
og hverjir ekki?“
— Vissulega vakti það athygli
að Spassky skyldi vera í
sovézku skáksveitinni, en við
vitum að þó hann sé húsettur í
Frakklandi þá vill hann halda
tengslum við sitt föðurland. Og
hann hefur sagt mér persónu-
lega að hann kjósi sér ekkert
annað land fremur til að eiga
heima í en Sovétríkin en á því
eru ýmsir erfiðleikar. því kona
hans yrði að vera sem gestur
hans þar í landi að minnsta
kosti eins og sakir standa nú.
Þetta er meginástæða þess að
hann er ekki búsettur í Sovét-
rikjunum. ht.
Gísli og Guðmund-
ur fara til Argentínu
ÞEIR Gísli Arnason gjaldkeri
Skáksambands íslands og
Guðmundur G. Þórarinsson
fyrrverandi forseti sambands-
ins fara til Buenos Aires á
miðvikudag til að vinna að
framboði Friðriks Ólafssonar.
Veitti ríkisstjórnin viðbótar-
styrk til kosningasjóðs
Friðriks vegna þessarar
ferðar.
Miðstjórn FIDE kemur saman
til fundar á miðvikudag, 1.
nóvember, og þriðjudaginn 7.
nóvember hefst svo
FIDE-þingið og verður forseta-
kjörið fyrsta mál þess.
Ófaranna gegn Kinverj-
imi var hefnt á Japönum
Buenos Aires.
Frá íréttaritara Morgunblaðsinsi
I annarri umferð tóku íslenzku
karlarnir við sér og bættu um
betur eftir ósigurinn fyrir Kín-
verjum í fyrstu umferð. Þeir
áttu í höggi við Japani og unnu á
öllum borðum og var þetta mikil
sárabót fyrir tapið daginn áður.
Friðrik vann Takemoto,
Guðmundur Matsumoto, Helgi
Sakurai og Ingvar vann Oda.
Skák Helga fór í bið og lauk
eftir 65 leiki og stóð taflið í 7.30
klst. Þetta er í fyrsta skipti sem
Islendingar tefla við Japani.
Skák Guðmundar varð 26 1.
Ilvítt Guðmundur
Svart Matsumoto
1. el - efi. 2. d l - d5.3. Itc3 -
Bbl. 1. c5 - Dd7. 5. Bd2 - bfi.
f>. Rf3 - Re7. 7. h 1 - Ba6. 8.
Bxafi - Rxa6 9. h5 - hfi. 10.
I)o2 - Rh8. 11. 0-0-0 - c5?. 12.
Rh5 - c4.13. Bxbl - Dxb5 14.
Bxe7 - Kxe7 15. Rb4 - Dal.
lfi. IIh3 - Rcfi 17. Ha3 - Db5.
18. f l - Rbl 19. f5 - IIh-c8.
20. Kbl - afi 21. fxefi - fxe6.
22. Hfl - c3. 23. Rgfil - Kd7,
24. IIÍ7+ - Ke8. 25. IIf8 -
Kd7. 26. Dxb5+ — gefið
I skákinni voru fyrstu sex
leikirnir þeir sömu og í skák
Guðmundar og Chi Ching-
Hsuan frá Kína daginn áður og
er líklegt að Japaninn hafi farið
í smiðju til Kínverjans. En
Guðmundur kom með endurbót í
sjöunda leik, þó segja megi að
tólfti leikurinn hafi ráðið úr-
slitum.
Friðrik var með svart og
tefldi Sikileyjarvörn mjög
skemmtilega nákvæmt. And-
stæðingurinn virtist kunna
byrjunina nokkuð vel en brátt
varð þetta leikur kattarins að
músinni og Friðrik gerði út um
skákina i 36 leikjum. Helgi
tefldi á þriðja borði og tefldi
kóngsindverska vörn. Eftir
nokkuð jafna stöðu í miðtaflinu
náði Helgi sér vel á strik og
snéri á andstæðinginn í lokin.
Ingvar hafði hvítt og kom fram
spánski leikurinn, uppskiptaaf-
brigðið og hafði Ingvar alla tíö
betra þótt hann færi ekki
beinustu leiðina til vinnings.
Hann tefldi af öryggi: átti kost á
skemmtilegri drottningarfórn,
en kaus að tefla ekki í tvísýnu og
vann örugglega.
I kvennaflokki var teflt við
Vestur-Þýskaland. Guðlaug
tefldi við Fischdick og átti lengi
betra tafl en lék af sér og tapaði.
Ólöf átti í höggi við Hund.
Skákin fór í bið, en Ólöf gaf eftir
að fimm leikir höfðu verið
leiknir. Þá var drottning í
uppsiglingu hjá Hund og sýnt að
hverju stefndi. Birna tefldi við
Weischert. Atti Birna betra
lengi vel, en varð á fingur-
brjótur. í biðstöðunni var hún 2
peðum undir og gaf skákina án
þess að tefla frekar.
í þriðju umferð tefldu karl-
mennirnir við sveit Paragua.v og
unnu Islendingar 3:1. Kvenna-
sveitin tefldi við argentínsku
sveitina og tapaði með hálfum
vinningi gegn '2'A.
í þriðju umferð hafði
Guðmundur Sigurjónsson hvítt
á móti Franco á fyrsta borði.
F'ranco tefldi sjaldgæft afbrigði
og tókst honum að slá Guðmund
nokkuð út af laginu í fyrstu.
Náði Franco betri stöðu og tókst
honum að skipta upp út í
hagstæðara endatafl. Guðmund-
ur varðist vel og einhvers staðar
hefur Franco orðið á í messunni
því þegar skákin fór í bið var
stáðan jafnteflisleg. Franco
reyndi mjög að knýja fram
vinning í biðskákinni, en
Guðmundur tefldi af öryggi og
eftir 71 leik bauð Franco jafn-
tefli.
Margeir var með svart og
beitti sjaldgæfu afbrigði í Sikil-
eyjarvörn. Tókst honum
snemma að jafna taflið og eftir
nokkur uppskipti kom í ljós að
svartur hafði mun traustari
peðastöðu. Eftir að eitt af
peðum hvíts féll re.vndist létt
verk að innbyrða vinninginn.
Jón L. hafði hvítt gegn Bogda.
Fékk Jón betri stöðu út úr
byrjuninni og í 14da leik fórnaði
andstæðingur hans peði til þess
að létta á stöðu sinni. Jón
hugsaði sig lengi um peðsfórn-
ina en þáöi síðan öllum á óvart
jafnteflisboð Bogda tveimur
leikjum síðar.
Gegn Ferreira beitti Ingvar
hollenzkri vörn og varð að sætta
sig við þrönga varnarstöðu.
Ferreira náði sókn, en Ingvar
varðist af hugkvæmni. Ferreira
fórnaði skiptamun, er hann var
kominn í mikið tímahrak, en
eftir það átti hann ekki meira en
jafntefli í stöðunni. Það vildi
hann samt ekki og varð svo að
gefast upp, er skákin átti að
fara í bið.
Viðureign íslenzku kvenna-
sveitarinnar og þeirrar
argentínsku vakti mikla athygli.
Svo fór að heimasveitin vann
með 2 ¥2 vinningi gegn V2.
Guðlaug tapaði fyrir Soppe og
Svana fyrir Justo, en skák
Ólafar og Arias fór í bið. Staðan
var mjög vandasöm en háðar
tefldu biðskákina af örvggi og
sömdu um jafntefli eftir 71 leik.