Morgunblaðið - 09.11.1978, Blaðsíða 13

MORGUNBLAÐIÐ, FIMMTUDAGUR 9. NÓVEMBER 1978
13
Sérverslun með listræna húsmuni
Borgartún 29 Sími 20640
SÝNING í (§£§I) Á HÚSGÖGNUM
EFTIR HÖFUND NORRÆNA HÚSSINS
Hinn heimsfrægi finnski arkitekt Alvar Aalto teiknaði Norræna
húsið ásamt innréttingum og húsgögnum sem þar eru.
Húsgögn hans eru eftirsótt af hinum vandlátu vegna forms
og frágangs.
Hin sérstaka samlíming finnska birkisins, sem einkennir
húsgögn Alvars Aalto gerir þau afar sterk.
Bogadregnar og mjúkar línur þeirra skapa rólegt og notalegt
yfirbragð. Þetta eru húsgögn sem setja svip á umhverfið án
þess að vera áberandi. Og þau verða fallegri eftir því sem árin
líða. Það má sjá í Norræna húsinu - nú á 10 ára afmæli þess.
Þetta yfirbragð getur þú skapað á þínu heimili með húsgögnum
frá Casa.
Gjörðu svo vel að kynna þér verð og gæði.
tekið var það sú krafa sem gerð
var til kennara.
„Nú vilja kennararnir fá
reynslutíma sinn í kennslu metinn
og ná með því jöfnuði, en mér
finnst þó eðlilegra að prófin sjálf
séu jafngild, samanber hjá öðrum
stéttum.
Eg er þó alveg á móti þeim
aðgerðum sem kennarar hafa beitt
í þessari deilu, þ.e. að þeir nota
kennaranema sem vopn í deilunni.
Þeir vinna og hirða sín laun, en
stoppa svo allt hjá okkur. Ég held
að SGK gæti vel leyst þessa deilu á
einhvern annan hátt, t.d. með því
að allir kennarar segðu upp
störfum með lögmætum fyrirvara.
Þannig gætu þeir lamað allt
menntakerfið, og þá myndi etki
vera annað hægt en aö leysa
deiluna með einhverju móti. Að
mínu mati er það því réttast í
þessari deilu að kennarar sjálfir
færu út í einhverjar raunhæfar
aðgerðir.
Mín reynsla í gegnum árin er þó
sú að menntun kennarans hefur
ekki allt að segja í kennslu, heldur
er það miklu frekar manngerð og
persónuleiki kennarans sjálfs.“
„í dag er
menntunin betri“
Að lokum tökum við tali Ástu
Guðnadóttur, nemanda á öðru ári.
„Ég hef ekki sett mig neitt mikið
inn í þetta mál, en hef þó þá
skoðun að kennarar sem tóku próf
frá gamla Kennaraskólanum eigi
ekki að gjalda fyrir þær breyting-
ar, sem orðið hafa á kennara-
menntuninni síðan. Það er ósann-
gjarnt. Inn í þetta kemur þó það
sjónarmið að menntunin er nú
orðin betri, t.d. hvað snertir sálar-
og uppeldisfræði. Kennarar með
gamla prófið ættu þá að eiga kost
á því að sitja sérstök námskeið,
sem þannig geta aukið menntun
þeirra, þannig að hún gæti þá
orðið hliðstæð menntuninni, sem
nýútskrifaðir kennarar hafa í dag.
Þessi námskeið ættu þó ekki að
auka vinnuálag á kennurum
meðan á þeim stendur, heldur ætti
kennsluskylda þeirra að minnka á
meðan þeir sitja slík námskeið og
vissulega ættu þeir að fá laun á
meðan.“
„Um aðgerðir SGK í þessari
deilu vil ég bara segja það að ég
get ekki séð að það þjóni neinum
tilgangi að neita að taka inn
kennaranema, það leysir engan
vanda. Þessar aðgerðir bitna á
alveg saklausu fólki og það eina
sem þær hafa í för með sér er að
vekja athygli á málstaðnum, en
aðgerðirnar leysa að mínu mati
ekki þessa deilu.“
- A.K.
Byggja slátur-
Ásta
Guðnadóttir.
hús að Nauteyri
BÆNDUR og einstaklingar við innanvert ísafjarðardjúp stofnuðu
fyrir nokkru. ásamt nokkrum fyrirtækjum á ísafirði, með sér
fyrirtæki. Tilgangur félags þessa er bygging og rekstur
sláturhúss. afurðasala og verzlun fyrir Inndjúpssvæðið, en þessi
mál hafa verið í miklum ólestri undanfarna áratugi, að því er segir
í fréttatilkynningu, sem Morgunblaðinu hefur borizt. Stofnfundur
fyrirtækisins var haldinn að Melgraseyri 28. október síðastliðinn
og er stofnfé fyrirtækisins 40 milljónir króna. Stærstu
hluthafarnir eru Norðurtanginn og Sandfell á ísafirði, svo og
Nauteyrarhreppur, en þar er heimili og varnarþing hins
nýstofnaða félags.
Allt sláturfé úr Inndjúpi er nú
flutt til slátrunar annað hvort
yfir Þorskafjarðarheiði til
Króksfjarðarness eða til ísa-
fjarðar á sjó og landveg, en
vegalengdin til Isafjarðar frá
yztu bæjum norðan Djúps er um
240 kílómetrar. Sjóleiðin er
styttri en nær ógerningur að
flytja fé þannig í misjöfnum
veðrum. Auk þess er sláturhús
Kaupfélags ísfirðinga á ísfirði
orðið nær ónothæft.
Nafn hins nýja fyrirtækis er
Snæfell og er fyrirhugað að
byrja byggingu sláturhússins
þegar næsta vor og verður það
reist á Nauteyri. Þar er talsverð-
ur hiti í jörðu og hafði verið
ákveðið að bora þar eftir meira
vatni og heitara síðastliðið
sumar, en það dróst á langinn,
Frá Nauteyri, en þar er fyrirhugað að sláturhúsið rísi.
en væntanlega verður byrjað á
borununum næsta vor.
Auk fyrrgreindra verkefna er
á döfinni bygging félagsheimilis,
og vélaverkstæðis að Nauteyri
og jafnframt að koma þar upp
léttum iðnaði. Formaður stjórn-
ar Snæfells er Engilbert
Ingvarsson á Tyrðilmýri, en með
honum í stjórn Benedikt
Eggertsson, Hafnardal, og Jón
P. Þórðarson, Laugarási.
(F réttatilky nning).