Morgunblaðið - 10.02.1979, Blaðsíða 48

Olíuhækkunin
geigvænlegt
vandamál:
„Mérfellur
allur ketill í eld”
sagði Ólafur Jóhannesson á miðstjórnarfundi Framsóknarflokksins
ÞÝÐA — Það er komin þýða
og þess vegna er eins gott að
búið sé að höggva klakann
frá niðurföllunum eftir allan
snjóinn undanfarið. Annars
hélt veðurfræðingurinn að
ekki þyrfti að óttast asahláku
heldur yrði fremur stillt og
gott veður um allt land
helgina sem framundan er og
hitinn um og yfir frostmarki.
Ljósm. Mbl. Rax.
„AUK þeirra beinu vandamála sem við er að glíma í lausn
efnahagsmála eru ýmis vandamál sem ríkisstjórnin verður að glíma
við og má þar nefna skýrslu fiskifræðinga sem getur þýtt
lífskjaraskerðingu og hættu á atvinnuleysi.“ sagði Ólafur Jóhannesson
forsætisráðherra á miðstjórnarfundi Framsóknarflokksins í gær.
„Enn geigvænlegra vandamál er þó sú olíuhækkun sem hefur dunið
yfir heiminn og mun koma hér yfir á næstu dögum. Þetta er svo
geigvænlegt mál að mér fellur allur ketill í eld, en hver sú ríkisstjórn
sem mun sitja þarf að taka á því vandamáli."
Miðstjórnarfundur Framsóknar-
flokksins mun standa yfir helgina
en í upphafi fundarins flutti Ólafur
Jóhannesson forsætisráðherra
ræðu. Hann fjallaði þar m.a. um
helztu viðfangsefni ríkisstjórnar-
innar og taldi þar markverðasta
þrjá áfanga í efnahagsmálum. I
fyrsta lagi lögin um kjaramál í
sept. s.l., í öðru lagi lögin í
nóv.—des. um ráðstafanir til við-
náms gegn verðbóigu og í þriðja
lagi smíði frumvarps í framhaldi af
skýrslu ráðherranefndarinnar, en
forsætisráðherra kvaðst nú vera að
vinna frumvarp úr skýrslu ráð-
herranefndarinnar og yrði frum-
varpið væntanlega lagt fram í
ríkisstjórninni ekki síðar en n.k.
þriðjudag. „Ég veit ekki hvað ríkis-
stjórnin þarf langan tíma til þess
að fjalla um frumvarpið, en það
þarf að gefa sér tíma í það. Það
hefur einkennt starf þessarar ríkis-
stjórnar að hún hefur alltaf verið í
tímahraki í sambandi við lausn
stóru málanna, en nú getum við
gefið okkur betri tíma,“ sagði for-
sætisráðherra, „því þessi þriðji
áfangi í efnahagsmálunum er sá
mikilvægasti. Ég mun byggja
frumvarpið á samþykkt ráðherra-
Frá miðstjórnarfundi Framsóknarflokksins í gær.
Lausn efna-
hagsvandans?
í SKÝRSLU ráðherranefndar
um efnahagsmál kemur fram að
ráðherrar allra flokkanna
þriggja f nefndinni hafa orðið
sammála um eftirfarandi:
„Ákveðið skal að kalla eftir
hugmyndum um hagræðingu og
sparnað í ríkisrekstri meðal
starfsmanna rikisstofnana og
verði veitt viðurkenning fyrir
þær hugmyndir sem beztar verða
taldar."
Sú spurning hefur því vaknað:
Ætli það verði dregið úr réttum
lausnum?
Ljósm. Kristján
nefndarinnar, en hins vegar er það
svo að það eru vissar eyður í þessu
og í þær verð ég að fylla."
Rakti forsætisráðherra síðan
efnisflokka ráðherraskýrslunnar en
nánar er sagt frá þeim á bls. 3.
„Ég er heldur vongóður um það
að okkur takist að ná samkomulagi
í ríkisstjórninni um þetta frumvarp
og að það náist samkomulag um
það á Alþingi, en það eru mörg sker
á leiðinni og má þar t.d. nefna
vísitöluhækkunina 1. marz n.k.“,
sagði forsætisráðherra í lok ræðu
sinnar, en hann kvaðst ekki vilja
tjá sig um frumvarpið sjálft fyrr en
hann hefði lagt það fram í ríkis-
stjórninni.
Forstjóri SÍS á miðstjómarfimdi Framsóknarflokksins:
„Geigvænlegt ástand
í verzlunarmáhmum”
„ÁSTANDIÐ er orðið geigvænlegt í
verzlunarmálum í landinu og
verzlunin er nú eins og milli steins
og sleggju í verðlagsmálum og
verðbólgu,“ sagði Erlendur Einars-
son forstjóri SÍS í ræðu á mið-
stjórnarfundi Framsóknarflokks-
ins í gær.
„Aðstaða til verzlunarreksturs er
mjög mismunandi," sagði Erlendur,
„og við þær aðstæður sem nú eru
væru mörg kaupfélög farin á haus-
inn ef þau hefðu ekki notið stuðnings
Sambandsins. Ástandið í verzluninni
er slíkt að það dregur allan mátt úr
kaupfélögunum, dregur úr öllum
áhuga fyrir uppbyggingu í íslenzkum
iðnaði og SIS hefur dregið til baka
ýmsar áætlanir í þeim efnum."
Erlendur fjallaði m.a. um álagn-
ingu og nefndi sem dæmi að álagn-
ing á matvöru í stórum sekkjum
væri 5,9% en hins vegar þyrfti
Sambandið að greiða liðlega 5% í
vaxtagreiðslur. Erlendur gagnrýndi
ákveðið hina norrænu könnun verð-
lagsstjóra frá því s.l. haust og kvað
hana ekki skothelda.
„Verðlagsmál eiga ekki að vera
pólitísk ákvörðun," sagði Erlendur,
„ákvarðanir í verðlagsmálum á að
taka samkvæmt staðreyndum en
ekki með pólitískri tilfinningasemi."
Stálu 20 bílum, dráttarvél-
um, jarðýtu, bát og valtara
RANNSÓKNARDEILD
lögreglunnar í Reykjavík hefur
Afleiðing vísitöluútreikninganna:
Rekstrarfjárvandi opinberra
fyrirtækja skiptir milljörðum
FYRIRSJÁANLEGT er að Borgarsjóður Reykjavíkur verður að
greiða með rek.stri Strætisvagna Reykjavíkur rúmlega einn
milljarð króna á ári miðað við þá ákvörðun stjórnvalda að heimila
ekki hækkun, sem um var beðið á fargjöldum vagnanna. Þetta er
ekki einsdæmi. Eftir þessa hækkunarákvörðun er fjárskortur
Rafmagnsveitu Reykjavíkur um 530 milljónir króna og hafði
hækkunarbeiðni þó verið stillt svo í hóf, að gert hafði verið ráð
fyrir 320 milljón króna lántöku ásamt henni.
Fyrirsjáanlegt er að miklir
rekstrarörðugleikar eru hjá
öllum þeim fyrirtækjum, sem
ríkisvaidið heimilaði hækkun
hjá, enda var beiðni allra
þessara opinberu þjónustustofn-
ana stórlega skorin niður.
Póstur og sími er í taprekstri, en
samgönguráðherra, formaður
fjárveitinganefndar og fjár-
málaráðherra höfðu allir sam-
þykkt þá hækkunarþörf, sem í
beiðni stofnunarinnar fólst.
Þrátt fyrir það heimilaði gjald-
skrárnefnd hana ekki nema að
hluta til
Þá má gera ráð fyrir að
landsvirkjun lendi í erfiðleikum
vegna þess, hve hækkunarbeiðni
hennar var skorin niður, en í
gær hafði ekki verið reiknað út,
hvernig dæmið kæmi út. Þá
hefur hitaveitustjóri Hitaveitu
Reykjavíkur lýst því yfir áð
draga þurfi úr framkvæmdum
fyrirtækisins og hlyti það að
koma niður á vatnsöflun og
dreifingu í framtíðinni.
Sjá „Borgarsjóður þarf að
greiða rúman milljarð" bls.:
17.
upplýst fjölmarga bflþjófnaði og
aðra stuldi hóps pilta og munu þó
ekki öll kurl komin til grafar í
þessu máli.
Að sögn Héðins Skúlasonar lög-
reglufulltrúa við rannsóknadeild-
ina höfðu piltarnir, sem eru 8
talsins, allt kunningjar, játað að
hafa stolið 20 bílum, 3 dráttar-
vélum, tveimur mótorhjólum,
einni jarðýtu, einum valtara og
einum bát. Áttu piltarnir mismun-
andi mikinn þátt í þessum afbrot-
um. Þá játuðu nokkrir þeirra á sig
innbrot að auki.
Piltarnir, sem eru 14—16 ára
gamlir, óku bifreiðunum mislangt
en sumar skemmdust í meðförum
þeirra og er tjónið allnokkuð þegar
það er samantekið. Stytztu vega-
lengdina fóru piltarnir á valtaran-
um eins og nærri má geta.
Rannsókn málsins verður haldið
áfram og kann að vera að fleiri
afbrot komi í ljós.