Morgunblaðið - 12.06.1979, Blaðsíða 47

MORGUNBLAÐIÐ, ÞRIÐJUDAGUR 12. JÚNÍ1979
1V2 milljón hlýddi
á messu páfa íKraká
Kraká, Róm 10. Júní - AP. Reuter
„Þið verðið að vera trúföst. í
dag meir en nokkru sinni fyrr,“
sagði Jóhannes Páll 2. páfi
þegar hann messaði yfir um
einni og hálfri milljón manna í
Kraká. Þar var páfi erkibiskup
áður en hann var kjörinn páfi.
íbúar Kraká eru um milljón.
Þegar við sólarupprás var
mannfjöldinn tekinn að
streyma að messustaðnum.
„Við erum mjög tengd þjóðum,
sem tala skyld mál,„ sagði páfi
og var þá að vitna til Hvít-Rússa
og Úkraníumanna. „Biðjum fyrir
þeim, þar sem þeir gátu ekki
komið hingað." Kirkjunnar
menn frá Rúmeníu, Ungverja-
landi, Tékkóslóvakíu og Júgó-
slavíu tóku þátt í athöfninni í
Kraká. Og nokkrir Tékkar reistu
upp borða, þar sem sagði. „heil-
agur faðir, komdu og vektu
okkur í Tékkóslóvakíu." Mikil
trúarbylgja hefur fylgt í kjölfar
páfa til Póllands og staðfest enn
hver kaþólsk trú á sterk ítök
með þjóðinni. Hvar sem páfi fór
um var honum fagnað innilega
og hvatningar hans um aukið
frelsi pólsku þjóðarinnar féllu
greinilega í góðan jarðveg.
„Trúin lifir í Póllandi og hefur
í sér fögnuð, von og bjartsýni,"
sagði Jóhannes Páll páfi II við
komuna til Ciampinoflugvallar
við Rómaborg á sunnudagskvöld.
Páfi átti erfitt um mál og gerði
að því gaman og sagði að nokkr-
um árangri hefði verið náð í
förinni: „páfinn hefur misst
röddina". Síðan bætti hann því
við að hann þakkaði guði fyrir
þá örvandi reynslu sem hann
hefði orðið fyrir í þessari heim-
sókn sinni.
Frétta skýrendur telja að enda
þótt pólsk stjórnvöld hafi reynt
að gera eins lítið úr mikilvægi
páfaheimsóknarinnar þangað og
unnt er, leiki ekki á tveimur
tungum að koma páfa og þær
móttökur sem hann hlaut hjá
öllum þorra manna eigi eftir að
marka djúp spor í Póllandi.
í gærkvöldi voru á kreiki
óstaðfestar fregnir þess efnis að
páfi hygði á meiriháttar ferða-
lag um Bandaríkin í október.
Páll páfi sjötti fór til Bandaríkj-
anna meðan hann var páfi en
ekki víðar um en til New York.
Sérfræðingar um málefni Páfa-
garðs segja að einnig hafi komið
til tals að Jóhannes Páll fari í
stuttar ferðir til Austurríkis,
Spánar og írlands á næstunni.
Brezka blaðið Daily Telegraph
fjallaði um það í forystugrein í
dag að sú stórkostlega fagnaðar-
alda sem farið hefði um gervallt
Pólland í tilefni heimsóknar
páfa væri mikil auðmýking fyrir
stjórnmálaleiðtoga landsins og
ekki sé vafi á því að stjórnmála-
forystan muni ekki gleyma
þeirri auðmýkingu um sinn.
Mannf jöldi hyllir Jóhannes Pál páfa f bænum Czestochowa í Póllandi.
Bella Kor chnoi
leitar h jálpar að
komast úr landi
Mowkva, 11. júní. AP.
BELLA Korchnoi, eigin-
kona skákmannsins
Viktors Korchnoi, hefur
sent beiðni til Rosalynn
Carter forsetafrúar
Bandaríkjamanna, Marga-
ret Thatcher, forsætisráð-
herra Bretlands og vest-
rænna fréttamanna í
Sovétríkjunum, um að sér
verði lagt lið í því að fá að
flytjast úr landi ásamt
syni sínum Igor, sem er
tvítugur.
í ákalli sínu sagðist Bella
Korchnoi nú ekki eiga annarra
kosta völ en reyna með þessum
hætti að vekja samúð og
stuðning með beiðni sinni.
Hún sagði að síðan eiginmað-
ur hennar neitaði að hverfa
aftur til Sovétríkjanna árið
1976 hefði verið reynt að ala á
hatri á henni og syni hennar
og öllum óskum þeirra um að
fá að fara til Vesturlanda til
Korchnois hefði annað tveggja
verið synjað ellegar ekki sinnt
í neinu.
Bella Korchnoi sagði að
skömmu eftir að fyrsta beiðiii
þessarar gjörðar var send
yfirvöldum hefði Igor sonur
hennar verið kvaddur til her-
þjónustu, hann hefði neitað og
undanfarið ár hefði hann orðið
að vera meira og minna í
felum. Igor Korchnoi vill ekki
ganga í herinn vegna þess að
litið er svo á að þeir sem hafa
verið í herþjónustu búi yfir
ákveðnum hernaðarleyndar-
málum og minnka þá enn líkur
á að hann fái að fara úr landi,
að því er móðir hans sagði við
vestræna fréttamenn um helg-
ina er hún afhenti þeim afrit
af bænarskjölum þeim sem
hún hefur nú sent.
Heissler gripinn
Frankfurt. V-Þýzkalandi 11. júnf Reuter
UM HELGINA hafði
vestur-þýzka lögreglan
hendur í hári hins eftir-
lýsta Baader Meinhof
skæruliða, Rolf Heissler.
Hefur hann nú verið færð-
ur á ný í fangelsi það í
Frankfurt sem hann sat í
áður en hann var látinn
laus í skiptum fyrir Peter
Lorenz árið 1975.
Heissler er grunaður um að vera
viðriðinn mannránið og morðið á
Hans Martin Schleyer fyrir tveim-
ur árum, svo og að hafa átt aðild
að morðinu á Jurgen Ponto banka-
stjóra í Frankfurt árið 1977.
Vedur
vída um heim
Akureyri 13 alskýjaó Madrid 23 sól
Amsterdam 22 úrkoma Malaga 26 skýjaö
í grennd Majorka 25 léttskýjað
Apena 33 bjart Miami 27 skýjað
Barcelona 24 skýjaA Montreal 28 skýjað
Berlín 26 skýjaö Moskva 22 skýjað
BrUssel 22 skýjað Nýja Delhi 42 bjart
Chicago 23 skýjað New York 25 rigning
Denpasar 32 hólfskýjað Ósló 20 skýjaö
Feneyjar 27 lóttskýjað Parí8 20 skýjað
Frankfurt 26 sól Reykjavík 10 rigning
Genf 27 mistur Rio de Janeiro 25 skýjað
Helsinki 18 bjart Rómaborg 28 8ÓI
Hong Kong 29 rigning San Francisco 22 bjart
Jerúsalem 37 8ÓI Stokkhólmur 18 skýjað
Jóhannesarb. 22 bjart Sydney 19 bjart
Kaupmannah. 14 skýjaö Teheran 32 bjart
Las Palmas 29 alskýjað Tel Aviv 30 sól
Lissabon 21 sól Tókíó 26 akýjað
London 18 rigning Vancouver 21 sól
Los Angeles 38 skýjað Vinarborg 27 skýjaö
Hitlers-
varningur
seldist vel
MUnchen V-Þýzkalandl 11. júnf AP.
TVÆR vatnslitamyndir eftir
Adolf Hitler voru seldar á upp-
boði um helgina íyrir sem svar-
ar 4.6 milljónum íslenzkra
króna. Á uppboðinu var verið
að selja ýmsa gripi sem tengdir
voru stjórnartíma nazista og
sagði uppboðshaldarinn að gott
verð hefði fengizt fyrir suma
þeirra.
Myndir Hitlers voru frá náms-
árum hans í Austurríki, merktar
árið 1904 og 1907. Kaupandinn
var útlendingur og nafn hans
ekki birt. Mjög margir útlend-
ingar sóttu uppboðið eða létu
bjóða í fyrir sína hönd og eink-
um Bandaríkjamenn.
Ræða handskrifuð af Hitler
frá því upp úr 1920 var seld fyrir
6.200 þýzk mörk og bjórkolla
með nafni Hitlers máluðu á
seldist fyrir 3500 mörk, gestabók
sem Hitler og Göring höfðu ritað
nöfn sín í fór á 6.200 mörk, tvö
sérstæð krystalglös úr búi Her-
manns Göring fóru á 2.700 mörk.
Amin
Amin upp
á náð og
miskunn
Gaddafis
kominn
Hamborg, 11. júní. AP. Reuter.
VESTUR-þýzka blaðið Der
Spiegel sagði frá því um helg-
ina að einn blaðamanna þess,
Wiedemann, hefði haft upp á
felustað Amins fyrrverandi
Úgandaforseta í Tripoli, og
orðið að sitja fyrir vikið í
fangelsi í átta daga. ( grcin
blaðsins segir að Amin dvelji í
húsi ( eigu stjórnarinnar
skammt frá Tripoli en hann
skipti þó oft um dvalarstað af
öryggisástæðum.
Sagt er að hann heimsæki
öðru hverju tvær af eiginkonum
sínum sem eru í íbúð í Shati
Andalus hótelinu en þar búa þær
ásamt tuttugu af börnum hans.
í fréttum af máli þessu segir
að Amin hafi ekki tekizt að hafa
neina fjármuni með sér út úr
Úganda og sé hann algerlega
upp á náð og rausn Gaddafis
Libyuforseta kominn.