Morgunblaðið - 25.08.1979, Blaðsíða 3
MORGUNBLAÐIÐ, LAUGARDAGUR 25. ÁGÚST 1979
3
Bilunin í DC-10 þotu Flugleida:
V arúðarráðstaf animar
lengja viðgerðartímann
Flugmálast jórn Bandarík janna og Douglas
verksmið jurnar fylg jast með viðgerðinni
FLUGMÁLASTJÓRN Bandaríkj-
anna og Douglas verksmiðjurnar
fyÍKjast með viðgerð á stélhreyfli
íslenzku DC-10 þotunnar í París.
en reiknað er með að viðgerð ljúki
um helgina. Viðgerð hefur tekið
lengri tíma vegna þcss að allar
varúðarráðstafanir eru gerðar í
málinu. þ.e. kannað frá mörgum
hliðum hvort þessi bilun í heita-
loftsröri getur hafa eyðilagt eitt-
hvað annað en virðist. M.a. var
ákveðið að kanna hvort hitinn
hefði getað veikt málm ýmissa
hluta. Morgunblaðið hafði í gær
samband við Halldór Guðmunds-
son forstöðumann viðgerða- og
verkfræðideildar og innti hann
eftir þvf hvað hefði nákvæmlega
gerzt.
„Bilunin í stélhreyflinum varð
með þeim hætti að rör, sem blæs
heitu lofti m.a. til afísingar á
fremri hluta vængs, brotnaði og fór
' sundur. Þetta rör er staðsett fyrir
ofan hreyfilinn í hreyfilshúsinu og
vegna þessarar bilunar blés heitt
loft utan með hreyflinum í stað
þess að þar á að blása kalt loft.
Eftir flugtak frá New York á leið
til íslands varð vart við blikkljós
sem gaf til kynna að eitthvað gæti
Annríkií \
sjúkraflugi
hjáVængjum
ANNRÍKI var hjá fluginönn-
um Vængja í fyrrakvöld og var
þá farið í tvö sjúkraflug. Fyrst
kom kall frá Rifi á Snæfells-
nesi þar sem stúlka hafði skor-
ist í andliti á glerbroti í heima-
húsi.
Til Siglufjarðar var síðan
sóttur drengur, sem slasast
hafði í bílslysi. Þoka var í
Siglufirði og gat flugvél Vængja
því ekki lent þar fyrr en eftir
miðnætti, en meðan þess var
beðið að þokunni létti beið vélin
á Sauðárkróki. Að sögn skrif-
stofustjóra Vængja eru vélar
Vængja að meðaltali kallaðar í
sjúkraflug þriðja hvern dag.
hafa farið úrskeiðis, en flugmenn
vélarinnar gerðu strax þær ráð-
stafanir sem ber að gera í slíkum
tilvikum eftir tékklista. Ef aðvör-
unarljós kvikna í stjórnborði eru
margs konar varúðarráðstafanir
sem unnt er að grípa til svo öryggi
flugvélarinnar sé tryggt og til þess
var gripið um leið. Vélin millilenti í
Keflavík og varð aftur vart við
blikkljós eftir flugtak þaðan til
Luxemborgar, en við ítarlega skoð-
un þar kom í ljós hvað hafði skeð.“
Halldór hvað það ekki skipta
máli upp á viðgerðartíma hvort
vélinni var flogið til Luxemborgar
miðað við að henni hefði verið
snúið við eftir flugtak frá New
York og bilunina kvað hann enga
stórbilun, hins vegar tæki tíma að
kanna þetta til hlýtar því þessi
bilun væri grandskoðuð með allar
hugsanlegar varúðarráðstafanir
fyrir augum.
FÍA varar við
þjónustuskerð-
ingu Flugleiða
Þau mistök urðu, að Lcsbók.
sem fylgir blaðinu núna um
helgina. er dagsett 1. sept. í stað
25. ágúst. Einnig er þetta 30.
tölublað en ckki 31. eins og
stendur á blaðinu.
FÉLAG íslenzkra atvinnu-
flugmanna hefur sent al-
þingis- og sveitarstjórnar-
mönnum, alls um 90 aðil-
um, bréf, þar sem félagið
skorar á þessa aðila að
spyrna við fótum gegn
fyrirætlunum Flugleiða í
innanlandsflugi. Það er
|>koðun stjórnar FÍA að
með minni vélum eins og
Otterum geti Flugleiðir
ekki haldið uppi sömu
þjónustu og áður.
Dansaði fyrir
GeiríMoskvu
SVO SEM getið var í Morgun-
blaðinu í gær baðst Alexander
Gudunov aðaldansari
Bolshoi-balletsins hæiis í Banda-
ríkjunum í fyrradag. í því sam-
bandi má geta þcss, að þegar Geir
Ilallgrímsson fór í opinbera
heimsókn til Sovétríkjanna fyrir
tveimur árum dansaði Gudunov á
fjölum Bolshoi-leikhússins á sýn-
ingu, sem var til heiðurs forsætis-
ráðherrahjónum íslands.
Verkið, sem sýnt var, var
„Vorblót" eftir Igor Stravinsky og
dansaði Gudunov þar aðalhlut-
verkið, fjárhirðinn unga, sem
reyndi að frelsa unga stúlku, sem
fórna átti sólguðnum. Fjárhirðin-
um tókst ekki að frelsa stúlkuna
og í bræði sinni vegna dauða
hennar ræðst hann gegn tákn-
mynd guðsins með hníf að vopni.
í bréfi FÍA segir svo m.a.:
„Við væntum þess, að framá-
menn í héruðum landsins svo og
allur almenningur geri sér grein
fyrir þeim vandræðum, sem aug-
ljóslega skapast ef fyrirhuguð
þjónustskerðing, boðuð af forráða-
mönnum Flugleiða, nær fram að
ganga, því augljóst er, að ekki er
hægt að ná sama þjónustuárangri
og hingað til með stórskertum
flugvélakosti. Við heitum nú á
yður að vera vakandi á verðinum
og spyrna við fótum, því að með
samstilltu átaki er enginn vafi á
því, að koma má í veg fyrir þau
vandræði, sem framgangur fyrir-
ætlana Flugleiða myndi leiða af
iér.“
Sjá blaðsíðu 24: Margir
smáir og dreifðir
rekstraraðilar.
Athugasemd frá
Herði Ólafssyni
Hr. ritstjóri.
í blaði yðar í gær er það missagt
að ég sé „verjandi" Greenpeace—
manna. Ég er lögmaður þeirra en
þeir hafa fram að þessu ekki verið
ákærðir fyrir neitt.
Virðingarfyllst
Hörður Ólafsson.
Á brúnni yfir Langadalsá glímir Sigurður J. Jóhannsson
bankafulltrí við þann stóra, sem verður uppistaðan í veiðisögum
vetrarins. Þrátt fyrir harða glímu hafði iaxinn betur pg hvarf á
braut með sporðakasti. (Ljósm. Úlfar).
Stangveiði geng-
ijr vel í ám við
Isafjarðardjúp
ísafirdi 22. ágúst.
STANGAVEIÐIFÉLAG ísfirð-
inga hefur tvær ár á ieigu við
Djúp, Langadalsá og Hvanna-
dalsá. Hefur veiði í ánum geng-
ið vel og 18. ágúst s.l. var veiðin
orðin um 50% meiri en s.l. ár. í
Langadalsá eru leyfðar 4 stang-
ir og voru komnir þar á land
220 laxar frá 25. júní. Er veiðin
misjöfn eins og gengur en mest
hafa fengist 20 laxar á stöng í
þrjá daga. Voru þar að verki
puðbjörn Kristmannsson verk-
stjóri frá Suðureyri og sonur
hans. Guðbjörn á ekki langt að
sækja aflasældina en hann er
sonur Kristmanns heitins
Jónssonar skipstjóra á ísafirði.
Laxinn í Langadalsá í ár er
frekar smærri en undanfarin ár
og líklega ekki komið stærri lax
upp úr ánni en 15 punda nú, en í
fyrra veiddist þar 28 punda
fiskur og mun hann vera sá
stærsti sem veiddist í íslenskum
ám það árið. Langadalsá sem
hefur um 20 km veiðisvæði er
mjög misjöfn veiðiá vegna þess,
að mikill klakaburður er í ánni
sum vor, og geta þá jakar og
flóðbylgja skemmt allt náttúru-
legt klak.
Árlega er þó sheppt nokkru af
eldisseiðum í ána og hefur nú
nýveriö verið sleppt þar 2000
seiðum.
I Hvannadalsá voru komnir á
land 69 laxar frá 10. júlí. Þar eru
leyfðar tvær stangir á dag.
Ulfar
Garpur efstur í fimmgangi
— en var dæmdur úr leik vegna flensunnar
NÍELS Hafstein opnaði sýningu á verkum sfnum að Kjarvalsstöðum
fimmtudaginn 23. ágúst sl., en á sýningunni eru fimm verk unnin í tré
og stál.
Þetta er fjórða einkasýning Níelsar Hafstein, en auk þess hefur
hann tckið þátt f fjölmörgum samsýningum.
Sýningin er opin daglega frá klukkan 14—22, en henni lýkur 9.
september.
Frá Valdimar Kristinssyni. fréttarítara
Mbl. á EM f Hollandi. 24. ágúst.
IIESTARNIR í isiensku kcppnisveit-
inni á Evrópumótinu hér f Ilollandi
eru enn veikir af hrossainflúensu en
þeir éru þó heidur að hjarna við. Gert
er þó ráð fyrir að hitinn eigi enn
eftir að aukast í sumum hestunum og
þeir verði ekki búnir að ná sér af
veikinni fyrr en að þremur vikum
liðnum. Sigurbjörn Bárðarson
keppti í' dag á Garpi f fimmgangi og
fékk hann flest stig allra keppenda
eða 59. Garpur var seinna um daginn
dæmdur úr lcik, þar sem hann var
talinn veikur enn. en samkvæmt
hollenskum lögum er bannað að fara
með sjúka hesta f keppni. Þá hafði
heldur ekki verið leitað eftir leyfi
dýralæknis en hann taldi hestinn
ekki f þvf ástandi að óhætt væri að
fara með hann f keppnina.
Keppnin á mótinu hófst í morgun
með keppni í hlýðniæfingum B en
enginn Islendingur keppti í þeirri
grein vegna veikinda íslenku hestanna
og lánshestarnir, sem knaparnir hafa
fengið voru ókomnir frá Þýskalandi.
Eftir hádegi var keppt í fimmgangi og
voru þrír íslendingar meðal keppenda
þar. Sigurbjörn Bárðarson keppti sem
fyrr sagði á Garpi, Ragnar Hinriksson
á Fróða frá Ásgeirsbrekku og Reynir
Aðalsteinson á brúnni hryssu,
Pöndru. Miðað við þann árangur, sem
íslensku hestarnir höfðu náð á úrtöku-
mótum heima má fullyrða að þeir
hefðu í fimmgangskeppninni verið í
sérflokki, ef veikindi hefðu ekki komið
í veg fyrir þátttöku þeirra.
I undanúrslitum í fimmgangi er
efstur Vindskjóni frá Álfsnesi, sem
keppir fyrir Danmörku, knapi Jens
Iversen með 53 stig og í öðru sæti er
Ragnar Hinriksson á Fróða með 51
stig en í fimmta til sjötta sæti er
Reynir Aðalsteinsson á Pöndru. I
undanúrslitum í fjórgangi náði best-
um árangri Fagri-Blakkur frá Hvítár-
bakka, sem keppir fyrir Þýskaland,
knapi Bernd Vith með 56,1 stig. í öðru
sæti í fjórgangi er Grákollur frá
Heggstöðum, sem Aðalsteinn Aðal-
steinsson situr en þetta er lánshestur,
sem Bernd Vith á. Grákollur er
vindóttur og má nefna að hér heima
var hann vinningur í happdrætti
Fáks. Sigurður Sæmundsson keppti á
lánshesti í töltkeppninni, gráum hesti,
Fjalari, og varð í áttunda sæti.
I 250 metra skeiði náði bestum
árangri í þeim tveimur umferðum af
alls fjórum, sem keppt verður í á
mótinu, Ljóri frá Eiríksstöðum eða
25,8 sek. Knapi á Ljóra er Jóhannes
Hoyos. Ragnar Hinriksson keppti í
skeiðinu á tveimur hestum, Gretti frá
Svarfhóli og Fróða, en hvorugur
þeirra lá. Ragnar keppti á Gretti á
síðasta Evrópumóti. I skeiðinu keppti
einnig Reynir Aðalsteinsson á Pöndru
en hún lá ekki.
Tveir íslensku knapanna, Trausti
Þór Guðmundsson og Eyjólfur ísólfs-
son, voru í gær ekki búnir að fá hesta
til að keppa á en Eyjótfur átti aö sitja
varahest íslensku sveitarinnar, Brján.
Veðrið hér á mótinu hefur verið
frekar leiðinlegt. í morgun kom helli-
rigning en skánaði, þegar leið á
daginn. Nuu er orðið kalt og þung-
skýjað. Veðrið minnir því á dæmigerö-
ar sveitakappreiðar heima á íslandi.
Eitthvað mun vera um að flensa sé
farin að leggjast á Islendingana, sem
hingað komu. Hestar frá öðrum lönd-
um en ísiandi hafa einnig sýkst af
hrossainnflúensunni og má nefna að
forföll eru af þessum sökum hjá
dönsku, hollensku og svissnesku sveit-
unum og einnig eru allir hestar
Svíanna veikir. Tveir Svíar keppa þó á
mótinu á lánshestum.
Evrópumótinu lýkur á sunnudags-
kvöld.