Morgunblaðið - 25.08.1979, Blaðsíða 29
MORGUNBLAÐIÐ, LAUGARDAGUR 25. ÁGÚST 1979
29
Hagur fiskvinnslunnar
hefur farið versnandi
SAMKVÆMT upplýsingum sem Viðskiptasíöan hefur
aflað sér hefur hagur fiskvinnslunnar farið versnandi
eftir því sem liðið hefur á árið. Er nú talið að taprekstur
frystivinnslunnar nemi um 3,5% en saltfisks- og
skreiðarverkenda 4,5%. Benda má á að um áramótin
síðustu tók gildi nýtt afurðalánakerfi fyrir fiskverkendur
og stefndu stjórnvöld að því að bæta stöðu fiskvinnslunn-
ar um 2—3% með þessu nýja kerfi. Reynslan hefur hins
vegar leitt í ljós að þetta nýja kerfi hefur skert stöðu
greinarinnar um 1—2%. Um næstu mánaðamót munu
laun hækka um 9,17% og síðan kemur ný fiskverðs-
ákvörðun 1. október. Er því ekki ólíklegt að áætla að tap
þessarar atvinnugreinar verði um 10—12% þegar kemur
fram á haustið. Þess má að lokum geta að áætluð ársvelta
frystivinnslunnar er nú rúmlega 100 milljarðar og
saltfisks- og skreiðarverkenda um 35 milljarðar.
Dönsk fyrirtæki arðsöm
SAUTJÁN af þrjátíu arðsömustu fyrirtækjunum á
Norðurlöndum eru dönsk og af þeim eru átta sem starfa
að framleiðslu landbúnaðarvara. Ellefu sænsk fyrirtæki
eru á listanum, eitt norskt og eitt finnskt og er það efst á
listanum. Finnska áfengiseinkasalan er arðsamasta
fyrirtækið á Norðurlöndunum og gefur nettó af sér um 30
kr. af hverjum 100 sem koma í kassann.
Þjóðartekjurnar lœgri hér
en íDanmörku ogNoregi
HÉR að neðan má sjá hve háar þjóðartekjurnar voru á
hvern íbúa í nokkrum löndum árið 1977, og eru tölurnar í
dollurum.
Bandaríkin 7.910 Ítalía 3.040
Belgía 6.720 Kanada 8.450
Bretland 3.940 Luxemburg 6.300
Danmörk 7.590 Noregur 7.770
Frakkland 6.560 Portúgal 1.620
Grikkland 2.400 Tyrkland 1.000
Holland 6.500 V-Þýskaland 7.240
ísland 6.610
Kínverjar juku inn-
flutning sinn um 40%
KÍNVERJAR juku innflutning sinn um 40% eða 10
milljarða dollara á síðasta ári. Helztu útflytjendur vara
þangað voru Japanir og V-Þjóðverjar. Bandaríkjamenn
voru í sjötta sæti yfir þá sem selja mest til Kína og eru á
hraðri uppleið og er gert ráð fyrir því að þeir verði orðnir
númer tvö innan fárra ára. Flest öll vestræn ríki hafa
fengið einhverjar pantanir frá Kína. Danir, Svíar og
Norðmenn seldu þangað t.d. rafbúnað, vörubíla og
fóðurvörur.
TEKJUR Sovérríkjanna af út-
flutningi olíu námu samtals um
88,9 milljörðum D.kr. á árinu 1978
á móti 84,2 milljörðum 1977. Talið
er að útflutningur þeirra til ís-
lands 1978 hafi numið um 1% af
heildarútflutningi þeirra á því
ári.
MÍR minnist 60 ára afmælis
sovéskrar kvikmyndagerðar
Á ÞESSU hausti er liðin 60 ár
frá upphafi sovéskrar kvik-
myndagerðar og hyggst
félagsstjórn _ MIR,
Menningartengsla íslands og
Ráðstjórnarríkjanna. minn-
ast afmælisins fyrst með
kvikmyndasýningum í
MIR-salnum, Laugavegi, og
síðar með sýningum á
nokkrum úrvalsmyndum í
einu kvikmyndahúsanna á
Reykjavíkursvæðinu.
Kvikmyndasýningarnar í
MIR-salnum verða dagana
25.-27. ágúst. Sýndar verðar
þrjár gamlar kvikmyndir, sem
telja má klassiskar í sovéskri
kvikmyndasögu: myndröðin
um Maxím og byltinguna, en
þessar myndir voru gerðar á
árunum 1934 — 1938 undir
stjórn Grígorí Kozintsévs og
Leoníd Traubergs. Tvær
fyrstu kvikmyndanna um
Maxím hafa verið sýndar áður
á vegum MÍR, en síðasta
myndin í röðinni, Vilborgar-
hverfið, er nú sýnd hér í fyrsta
skipti.
Kvikmyndasýningarnar í
MÍR-salnum verða sem hér
segir:
Laugardaginn 25. ágúst kl.
15: Æska Maxíms.
Sunnudaginn 26. ágúst kl.
16: Maxím snýr aftur.
Mánudaginn 27. ágúst kl.
20.30: Viborgarhverfið.
Aðgangur að kvikmynda-
sýningunum í MIR-salnum er
ókeypis og öllum heimill.
Síðar verður skýrt frá
sýningum úrvalsmyndanna í
kvikmyndahúsinu, hvenær og
hvar þær verða, en kvik-
myndirnar sem væntanlega
verða sýndar eru þessar:
Seigla eftir Larissu
Shepitko (frá 1976), Verkfall
eftir Sergei Eisenstein (1925),
Og hér ríkir kyrrð í dögun
eftir Stanislav Rostotskí
(1972), Spartakus, ballettkvik-
mynd, (1975), Hamlet, mynd
Grígorí Kozintsévs (1964).
Úr myndinni Maxim snýr aftur.
/ sýningardeild okkar á Alþjóðlegu vörusýning-
unni í Laugárdalshöll sýnum við fjölhreytt úrval
fagurra listmuna.
í tilefni þess hjóðum við til sölu í sýningardeildinni
nokkra muni úr kristal á sérstöku sýningarverði:
Kertastjaka (,,Snjóboltinn“ frá Kosta)
Skál (,,Rapsody“ frá Boda)
Gluggaskraut („Fuglinn“ frá Boda)
Verið velkomin í sýningardeild okkar
(nr. 70, Aðalsal til hægri).
Kynnist þar fagurri hönnunóg listrœnu yfirbragði.
ALÞJOÐLEG
VÖRUSÝNING
INTERNATIONAL
FAÍR 1979
Klingjandi kiistall-kjöigripirfiá