Morgunblaðið - 10.10.1979, Blaðsíða 13
MORGUNBLAÐIÐ, MIÐVIKUDAGUR 10. OKTÓBER 1979
Samverustundir fyr-
ir aldraða í Nessókn
Ætlunin er í vetur, að skipu-
leggja samverustundir fyrir aldr-
aða í Nessókn svo sem hér segir:
Siðdegis alla laugardaga kl.
15.30 — 17.30 verður sitthvað um
að vera til gagns og gamans i
safnaðarheimili kirkjunnar. Að
auki er þess vænst að þátttakend-
ur hverju sinni geti notið frjálsr-
ar samveru, spjallað saman og
fengist við hugðarefni. eftir því
sem hverjum lætur.
Gjöf til Háloga-
landskirkju
Blaðinu hefur borist eftirfar-
andi tilkynning frá sóknarnefnd
Langholtssafnaðar:
„Jakob Kvaran, Sólheimum 23,
sem nú er að fara til vetrardvalar
á Spáni eins og hann hefur gert
árum saman, afhenti í kveðju-
skyni kr. 500.000 til kirkjubygg-
ingar Langholtssafnaðar með ósk
um að sem flestir í söfnuðinum
tækju sig saman um að ljúka
kirkjusmíðinni sem allra fyrst."
Öllum er frjálst að hafa með sér
verkefni til að sinna og þá mun
einnig vel þegið, hafi einhverjir
dagskrárefni fram að færa, er
verða mætti öðrum til ánægju eða
fróðleiks. Að öðru leyti verður
efnisskrá fram til áramóta í stór-
um dráttum á þessa leið:
13. október Spiluð félagsvist —
Söngur.
20. október Upplestur — Flutt
tónlist.
27. október Fjallað um trygg-
ingar og réttindi aldraðra.
Söngur.
3. nóvember Rithöfundur kemur
í heimsókn og les. Kaffi
10. nóvember Félagsvist — Söng-
ur.
17. nóvember Fjallað um matar-
æði og heilsurækt. Tónlist.
27. nóvember Kórsöngur —
Ljóðalestur
1. desember Þjóðlegur fróðleikur
— Myndasýning.
8. desember Jólabækur kynntar,
lesið úr þeim — Söngur
15. desember Leikþáttur í umsjá
barna — Hugvekja — Kaffi.
(Fréttatilkynnlng).
Emil Als:
Ritstjómarslys
Það hefur orðið leiðindaslys á
ritstjórn Morgunblaðsins. Laugar-
daginn 6. október birtist á 12. síðu
blaðsins stutt en rætin grein eftir
Önnu Bjarnadóttur undir fyrir-
sögninni „Magn og gæði“. Anna
þessi Bjarnadóttir hefur um skeið
fengið birt eftir sig löng fréttabréf
frá Svíþjóð í Mbl. Mörgum hefur
verið það ráðgáta hvert erindi
ritstjórn Mbl. telur fréttir frá
Svíþjóð í slíkum mæli eigi til
íslendinga.
Anna Bjarnadóttir segist sjá
Bandaríkin „með ferskum augum"
eftir ársdvöl í Svíþjóð. Það skyldi
þó aldrei vera að frúin sjái hlutina
„með sænskum augum“. Ritsmíð
hennar stendur á sama þrífæti og
mikið af sænskri blaðamennsku
sér í lagi þeirri sem að Bandaríkj-
unum snýr: vanþekkingu, hleypi-
dómum og illmælgi. Það er degin-
um ljósara eftir lestur téðrar
greinar í Mbi. að bæði sjón og
sálarlíf frúarinnar hafa spilist af
veru hennar í Svíþjóð. Tískurógur-
inn um Bandaríkin ber ekki
V-Evrópu fagurt vitni. Líklega er
hann ljótasti bletturinn á andlegu
lfi hennar á þessari öld. í Svíþjóð
hafa menn gengið hvað harðast
fram í því að tryggja níð um
bandarísku þjóðina. Skrif Önnu
Bjarnadóttur gætu verið beint upp
úr sænsku blaði. Á íslandi hefur
óþokkaiðja þessi að mestu verið
einkamál þeirrar manngerðar,
sem hnappast að „Þjóðviljanum".
Það getur varla verið áform rit-
stjóra Mbl. að láta innlima blað
sitt í umfangsmesta ófrægingar-
kerfi veraldarsögunnar. Hitt er
trúlegra, að hún muni héðan af
stimpla hugverk á borð við það
sem nú er til umræðu sem óhæft
til birtingar. Vonandi er Anna
Bjarnadóttir „ung, hvít og
hraust". Hún þarf á því að halda
meðan hún brýst undan þeim
mengunaráhrifum sem spillt hafa
smekk hennar og dómgreind.
Bandaríkjamenn eiga betra skilið
af íslendingum en það, að yfir-
borðslegum persónum haldist uppi
að nota stærsta dagblað lýðveldis-
ins til ruddalegra árása á banda-
rísku þjóðina.
7/10 ’79,
Emil Als
Fyrsta f jölbýlishúsið. LJtem. Mbl. Guftfinnur.
Fyrsta fjölbýlishús-
ið ris í Grindavík
Grindavik. 5. októbcr.
Á VEGUM Grindavíkurbæjar er nú að rísa fyrsta fjölbýlishúsið í kaupstaðnum. í þeim áfanga, sem
risinn er, eru átta íbúðir, en ætlunin er að hafa þær helmingi fleiri.
Þá eru tvær trésmiðjur í byggingu, en sem stendur er ekkert trésmíðaverkstæði hér í bænum.
Fréttaritari.
Valium sem vimugjafi:
Vaxandi misnotk-
un róandi lyf ja
MISNOTKUN róandi lyfja svo
sem valfums og líbriums er
vaxandi áhyggjuefni heilbrigð-
isyfirvalda i Bandarikjunum.
Talið er að misnotkun róandi
lyfja geti auðveldlega haft i för
með sér, að neytendur verði
háðir notkun þeirra rétt eins og
neytendur annarra fikniefna.
Frá því er skýrt í bandaríska
vikuritinu Newsweek fyrir
skömmu, að þar í landi hafi á
síðasta ári verið gefnir út um 68
milljónir lyfseðla á valíum,
líbrium og önnur róandi lyf af
flokki lyfja sem nefnast
„Benzodiazepine". Heildsöluand-
virði þessa magns er varlega
áætlað um 360 milljónir Banda-
ríkjadala, eða um það bil 136.5
milljarðar íslenzkra króna. Hér
er því um stórkostlegan iðnað að
ræða.
Nýlega tók sérstök nefnd
öldungadeildar Bandaríkjaþings
til meðferðar misnotkun róandi
lyfja, einkum valíums. For-
maður nefndarinnar er Edward
Kennedy og hún hefur þegar
kallað á sinn fund geðlækna,
lækna, framleiðendur og fyrr-
verandi neytendur róandi lyfja.
Eftirköstin svipuð
og af neyslu
eiturlyfja
Valíum, sem er sérlyfjaheiti á
efninu „diazepam", er líkast til
það róandi lyf sem algengast er.
Lyfið kom fyrst á markað í
Bandaríkjunum árið 1963 og
náði strax mikilli útbreiðslu sem
sefandi eða róandi lyf. Algengast
mun að valíum sé ráðlagt gegn
þunglyndi, streitu og jafnvel
svefnleysi.
Einn þeirra fyrrverandi neyt-
enda valíums sem skýrði nefnd
Öldungadeildarinnar frá reynslu
sinni af neyslu þess sagði, að
hann hefði í sex ár tekið tvær
pillur á dag samkvæmt læknis-
ráði. Hann hefði þurft þriggja
mánaða eftirmeðferð á sjúkra-
húsi til að losna undan viðjum
lyfsins.
Yfirmaður eftirmeðferðar-
heimilis fyrir áfengis- og eitur-
lyfjasjúklinga í Kaliforníu sagði
nefndinni að læknar gerðu sér
almennt ekki grein fyrir þeirri
hættu sem er samfara stöðugri
notkun lyfsins. Hann sagðist
hafa séð sjúklinga sem notað
hefðu valíum að læknisráði í
aðeins fimm til sex vikur með
sömu eftirköst og eiturlyfja-
sjúklingar.
Samkvæmt lýsingum lækna
eru ofneytendur valíums ekki
ólíkir öðrum fíkniefna- eða eit-
urlyfjasjúklingum að því leyti,
að þeir beita flestum ráðum
mögulegum til að verða sér úti
um skammt. Þeir hundsa allar
notkunarreglur og ganga á milli
lækna til að fá lyfseðil. Þá
leggjast þeir á vini og vanda-
menn og nuða i þeim að afla sér
valíums.
Þegar birgðirnar þrýtur eru
eftirköstin þau hin sömu og hjá
öðrum eiturlyfjasjúklingum.
hræðsla, kvíði, krampaflog, sviti,
velgja og svo framvegis.
Valíum getur haft
þveröfug áhrif en
ætlast er til
Læknir sem kom fram fyrir
nefnd öldungadeildarinnar
sagði að oft reyndist erfiðara að
venja fólk af valíum heldur en af
heróíni. Þá sagði geðlæknir
nokkur við sama tækifæri, að
valíum truflaði starfsemi
„seretóníns" efnis sem heilinn
sjálfur notar og líkaminn fram-
leiðir til að senda taugaboð, m.a.
til að vinna gegn þunglyndi og
auðvelda svefn. Að sögn geð-
læknisins getur valíum haft
þveröfug áhrif, aukið þunglyndi
og komið í veg fyrir eðlilegan
svefn.
Framleiðendur valíums eru
ekki sammála slíkum ummælum
og telja lyfið hið besa fáanlega
gegn þunglyndi og kvíða. Þeir
segja að aðeins þeir, sem ekki
fylgi fyrirmælum lækna, lendi í
vandræðum og ranglátt sé að
láta það bitna á þeim milljónum
sem nota valíum á tilætlaðan
hátt og hafa gagn af.
Flestir eru þó sammála því, að
notkun valíums og annarra
róandi lyfja eigi aðeins að ráð-
leggja sem þrautaráð þeim sem
allar aðrar bjargir eru bannað-
ar.
(Heimild: Newsweek).