Morgunblaðið - 21.10.1979, Blaðsíða 2

2
MORGUNBLAÐIÐ, SUNNUDAGUR 21. OKTÓBER 1979
SVR:
Ráðstafanir til leigu
á langferðabílum
„VIÐ höfum merkt örlitla far-
þegaaukningu, en þó mun
minni en við áttum von á,“
sagði Eiríkur Ásgeirsson, for-
stjóri SVR, er Mbl. spurði hann
í gær, hvort farþegum strætis-
vagna hefði fjölgað í kjölfar
aukins áróðurs fyrir notkun
almenningsvagna. „Hins vegar
er það mín skoðun,“ sagði
Eiríkur, „að það komi kippur i
farþegafjöldann um leið og
veður og færð gefa tilefni til að
leggja einkabilum.“
Mbl. spurði Eirík þá, hvort
SVR hefði vagnakost til að
mæta auknum farþegafjölda og
sagði hann, að búið væri að gera
ráðstafanir til að taka langferða-
bíla á leigu, ef vagnakostur SVR
hrykki ekki til á mestu annatím-
um eins og á morgnana.
©
INNLENT
Leiðrétting
SÚ VILLA slæddist inn í kynn-
ingu á frambjóðendum í prófkjöri
sjálfstæðismanna í Reykjavík í
Morgunblaðinu í gær, að einn
frambjóðendanna, Haraldur
Blöndal, er sagður hæstaréttar-
lögmaður. Það er ekki rétt, hið
rétta er að Haraldur Blöndal er
héraðsdómslögmaður.
Biðst Morgunblaðið velvirð-
ingar á þessum mistökum.
Teflir Hauk-
ur á Reykja-
víkurmótinu
INGVAR Ásmundsson ís-
landsmeistari í skák hefur
fyrir nokkru afþakkað boð
um að taka þátt í Reykja-
víkurskákmótinu í byrjun
næsta árs. Hauki Angantýs-
syni hefur í staðinn verið
boðið að taka þátt í mótinu til
að fylla tölu þeirra 6 íslenzku
skákmanna, sem áætlað er að
tefli.
Hauk vantar aðeins þriðja og
síðasta áfanga að alþjóðlegum
meistaratitli í skák og hefur
um árabil verið einn af okkar
sterkustu skákmönnum.
(Ljónm. Einar).
Pæklað af krafti. Bjössi í saltinu i góðum félagsskap Guðnýjar og Möggu, í baksýn tunnugeymsla Stemmu
á Höfn i Hornafirði.
*
Kjaramálarádstefna ASI:
40 manna nefnd
mótar kröfurnar
Tveir alþjóðlegir meistarar
í sveit Hamrahlíðarskólans
NORÐURLANDAMÓT skák-
sveita framhaldsskóla verður að
þessu sinni haldið i Stokkhólmi
dagana 22.-25. nóvember. Skák-
sveit Hamrahlíðarskóla stefnir
að þáttöku i mótinu ef nauðsyn-
legur fjárstuðningur fæst frá
opinberum aðilum.
Verður að telja að Hamrahlíð-
arsveitin eigi góða sigurmöguleika
í mótinu með 2 alþjóðlega skák-
meistara í sínum röðum, þá Mar-
geir Pétursson og Jón L. Arnason,
en auk þeirra skipa Róbert Harð-
arson og Þorsteinn Þorsteinsson
sveitina. Hamrahlíðarsveitin er
núverandi íslandsmeistari og varð
Norðurlandameistari árin 1976 og
1977, en tók ekki þátt í NM í fyrra.
„ÞAÐ VAR sett niður um 40 manna
nefnd, sem á að móta kröfurnar og
leggja þær síðan fyrir aðra kjara-
málaráðstefnu, sem haldin verður
um svipað leyti og sambandsstjórn-
arfundur A.S.Í., en hann verður um
miðjan næsta mánuð,“ sagði Hauk-
ur Már Haraldsson blaðafulltrúi
Alþýðusambands íslands, er Mbl.
ræddi við hann í gær um kjaramála-
ráðstefnu ASÍ, sem haldin var á
föstudag.
Haukur Már sagði, að kjaramála-
ráðstefnuna hefðu setið um 100
fulltrúar landssambanda innan ASÍ
og félaga með beina aðild. Ráðstefn-
an samþykkti eftirfarandi ályktun:
„Á þessu ári hefur kaupmáttur
fallið þrátt fyrir þá 3% grunnkaups-
hækkun sem samið var um þann 25.
júní sl. og stafar það af þeim
vísitöluskerðingum, sen lögfestar
voru á síðastliðnum vetri. Verðbólg-
an hefur magnast mjög á undan-
förnum mánuðum og veruleg kaup-
máttarskerðing er fyrirsjáanleg ef
verkalýðssamtökin beita ekki sam-
takamætti sínum. Nýafstaðið þing-
rof, og það bráðabirgðaástand, sem
kemur til með að ríkja fram yfir
næstu alþingiskosningar eykur á
óvissuna. Um næstkomandi áramót
eru kaup- og kjarasamningar all-
flestra verkalýðsfélaga innan ASÍ
uppsegjanlegir. Verkalýðssamtökin
verða að vera við öllu búin og
uppsögn kaup- og kjarasamninga frá
og með næstu áramótum er því
óhjákvæmilegt fyrsta skref til varn-
ar og sóknar fyrir því að samtökin
nái fram kaupmætti þeim, sem um
var samið með sólstöðusamningun-
um í júní 1977.
Verkalýðssamtökin ítreka enn
einu sinni að krónutöluhækkanir
kaups eru ekki markmið í sjálfu sér
heldur kaupmátturinn. Það er
launafólki brýnt hagsmunamál að úr
verðbólgunni dragi. Kjaramála-
ráðstefnan leggur áherslu á að í
verðbólguþjóðfélagi eru traust kaup-
máttaraukning og atvinnuöryggi
Markús Öm Antonsson:
Út í hött að Ríkisútvarp
efni til skoðanakönnunar
meðan um þær leikur andrúmsloft móðursýkiskasta og yfirlýsinga um pólitískan óþverraskap
Morgunblaðið sneri sér í gær til Markúsar Arnar Antonssonar,
sem sat útvarpsráðsfund þann, sem tók ákvörðun um að
skoðanakönnun skyldi ekki framkvæmd á fylgi flokkanna fyrir
næstu kosningar og leitaði umsagnar hans um þessa niðurstöðu.
Markús Örn sagði:
„Almennar skoðanakannanir
á fylgi íslenzku stjórnmálaflokk-
anna eru tiltölulega nýtt fyrir-
bæri en eiga það þó sameiginlegt
að hafa valdið talsverðum úlfa-
þyt vegna þess að framkvæmdin
og niðurstöður hafa verið taldar
orka tvímælis og ekki þótt nógu
fagmannlega að verkinu staðið.
það eru jú fyrst og fremst
síðdegisblöðin, sem staðið hafa
fyrir þessum könnunum á fylgi
flokkanna. Hefur í þeim verið
unnið eftir formúlum, sem
fengnar hafa verið beint eða
óbeint frá félagsvísindadeild
Háskólans, þeirri sömu stofnun
og nú vill gera könnun í nafni
sjónvarpsins.
Þó að niðurstöður af þessum
könnunum hafi verið í sumum
tilfellum nokkuð nærri lagi, hafa
þær engu að síður kallað fram
háværa gagnrýni og kröfur um
að fastmótaðar reglur um fram-
kvæmd skoðanakannana yrðu
settar. Hafa menn þá gjarnan
haft í huga, að þær yrðu fram-
kvæmdar á vegum viðurkenndra,
hlutlausra og sérhæfðra stofn-
ana, sem menn bæru fullt traust
til og enginn vafi léki á um
vönduð vinnubrögð.
Það bendir ekkert til þess að
við séum neitt nær þessu marki
en við vorum þegar síðustu
skoðanakannanir leiddu til meiri-
háttar móðursýkiskasta og
stóryrtra yfirlýsinga um að allt
væri þetta ein heljarmikil blekk-
ing og gegnummenguð af ein-
hverjum pólitískum óþverra-
skap. Meðan þess háttar andrúms-
loft leikur um skoðanakannanir á
íslandi tel ég það út í hött að
Ríkisútvarpið sem hlutlaus
menningar- og upplýsingastofn-
un fari að leggja nafn sitt við
framkvæmd könnunar á fylgi
flokkanna fyrir næstu alþingis-
kosningar, sem verða eftir rúm-
an mánuð. Undirbúningstími
yrði mjög naumur nú og það er
heillavænlegra að fara að þess-
Markús örn Antonsson
um hlutum með gát og gefa sér
betri tíma til umræðna um
framkvæmdina og til undirbún-
ings.
Það gerir þessi könnunar-
áform sjónvarpsmanna heldur
ekki trúverðugri í augum al-
mennings, að sá, sem halda átti
utan úm hina faglegu hlið mál-
anna er Haraldur Ólafsson, sem
upplýst var á fundi útvarpsráðs,
að væri meðal væntanlegra
prófkjörsframbjóðenda Fram-
sóknarflokksins í Reykjavík.
Á þessum sama fundi útvarps-
ráðs var upplýst, að halli á
rekstri Ríkisútvarpsins yrði um
80 milljónir króna á þessu ári.
Fjármálastjóri stofnunarinnar
taldi að skoðanakönnun af þessu
tagi myndi kosta á bilinu 3—5
milljónir. Ef menn telja að þeir
peningar séu á annað borð til í
þessum galtóma kassa, teldi ég
þeim betur varið til að gefa
sjónvarpinu kost á að sýna af sér
meiri snerpu en verið hefur við
undanfarandi kosningar í al-
mennri kynningu á stefnumálum
flokkanna og kosningarundir-
búningi almennt. Þetta þraut-
leiðinlega flokkakynningarform,
sem sjónvarpið hefur engu viljað
kosta til á liðnum árum, hefur
gengið sér til húðar og algjörra
endurbóta er þörf í þeim efnum.
Væri vel, ef sjónvarpið ætti fyrir
vítamínum til að geta á þann
hátt stuðlað að heilbrigðri skoð-
anamyndun meðal kjósenda
fyrir þessar kosningar."
forgangskröfur sem verkalýðshreyf-
ingin mun fylgja fram af fullri
hörku.
Stefna verður að því að allt
launafólk sitji við sama borð að því
er varðar félagsleg og kjaraleg
réttindi. Stórir hópar utan ASÍ njóta
í þessu efni hvers konar forréttinda.
Lagasetning Alþingis sl. vor, fyrir
frumkvæði Alþýðusambandsins, var
í þessum efnum myndarlegt spor í
rétta átt, en áfram verður að halda á
þeirri braut. í því sambandi verður
þó sérstaklega að minna á að enn
hafa ekki verið lögð fram frumvörp
vegna réttinda sjómanna og gera
verður kröfu til þess að úr verði bætt
hið bráðasta. Umbætur verður að
knýja fram. Verður það bæði að
gerast með lagasetningu og samn-
ingum. Lagafrumvörp eru ýmist
tilbúin eða í smíðum varðandi ýmis
veigamikil atriði sem verkalýðs-
hreyfingin hefur áður samið um svo
sem aðbúnað, hollustuhætti og ör-
yggi á vinnustöðum, húsnæðismál,
eftirlaun til aldraðra og samræmt
verðtryggt lífeyriskerfi. Betri samn-
ingsákvæði verður að fá fram t.d.
varðandi fæðingarorlof, orlof mið-
aldra fólks og eldra og afnám
yfirvinnu í áföngum. Knýja verður
fram aukin félagsleg réttindi með
lagasetningu m.a. með breytingum á
lögum um atvinnuleysistryggingar.
Kjaramálaráðstefnan telur ekki
koma til mála að gildandi laga-
ákvæði um aukna skerðingu lægstu
launa verði látin koma til fram-
kvæmda, en að óbreyttum lögum er
stefnt að því að lágtekjufólk fái 2%
minni hækkun en þeir hærra laun-
uðu. Ráðstefnan krefst þess að þessi
skerðingarákvæði laganna verði af-
numin.
Ráðstefnan samþykkir að haga
allri kröfu- og samningsgerð þannig,
að höfuðáhersla verði lögð á hækkun
lægstu launa.
Kjaramálaráðstefnan skorar á að-
ildarsamtök Alþýðusambandsins að
segja upp kaup- og kjarasamningum
sínum fyrir 1. desember n.k., þannig
að þeir verði lausir um næstu
áramót. Jafnframt hvetur ráðstefn-
an öll aðildarsamtök ASÍ til að sýna
samstöðu og ganga sameiginlega til
samningsgerðar um sameiginlegar
kröfur."
Bíómynd með
Brunaliðinu
HAFNAR eru sýningar á nýrri
níu mínútna langri kvikmynd
með hljómsveitinni Brunaliðinu í
þremur kvikmyndahúsum í
Reykjavík og auk þess Keflavik
og Akureyri.
í tilkynningu frá Hljómplötuút-
gáfunni segir að hér sé um fyrstu
íslenzku kvikmyndina að ræða,
sem gerð sé með segultón. I
myndinni flytur Brunaliðið lögin
„Stend með Þér“ og „Eina nótt".
Kvikmyndina gerði Gísli Gestsson
kvikmyndagerðarmaður.