Morgunblaðið - 21.10.1979, Blaðsíða 20

20
MORGUNBLAÐIÐ, SUNNUDAGUR 21. OKTÓBER 1979
1. grein
Hrútur/hrútur
20. marz — 20. apríl
Kvenhrúturinn er bæði sjálfstæður,
kænn og snjallur, en karlhrúturinn er þó
henni fremri — að eigin dómi. Og hann
krefst viðurkenningar á því. Frá augna-
blikinu, að leiðir þeirra liggja saman
upphefst því baráttan, sem umfram allt
snýst um að hann sýni að hann sé henni
ofjarl. Hann ákveður snemma í leiknum,
að þetta skuli henni lærast, ella sé hann
farinn. Milli þessara tveggja mun því
verða mikill hávaði á stundum, ærsl,
grátur og gnístran tanna áður en jöfnuður
næst og kyrrð kemst aldrei fullkomlega á.
Þrátt fyrir yfirlýsingar hrútskonu um
sjálfstæði hefur hún afar ríka þörf fyrir
verndun og þá vernd sækir hún til hans.
Hún hefur gaman af að gæla við þær
hugmyndir að innst inni sé hún bæði ljúf
og væn og hún vill að makinn sé sterkur.
Honum er eins gott að uppfylla þessa þörf
vilji hann ekki sitja uppi með angraða og
neikvæða konu. Hrútskonan hefur einnig
löngun til að henni sé sýndur skilningur
sem kynveru og þessi tvískinnungur sem
er meiri hjá konunni í þessu merki en
karlinum, getur oft reynzt honum býsna
erfiður, þar sem hann hefur mesta til-
hneigingu til að láta sem flest snúast um
sjálfan sig.
Að mörgu leyti gæti virzt svo sem þessir
tveir einstaklingar ættu það eitt verulega
sameiginlegt að passa oft undur vel saman
líkamlega, því að það skiptir hrút verulegu
máli. En einnig í því getur og brugðið til
beggja vona, vegna þess að bæði eru svo
upptekin af sjálfu sér. En hrútsfólk er
greint og gætt næmi. Hrútskonan hefur
oft lag á því að leyfa hrútnum sínum að
trúa því að hún geri sér alls ekki grein
fyrir hans viðkvæmari hliðum og virði hún
löngun hans til að vera harðskeyttur og
töff getur býsna vel tekizt til. Þetta
samband getur lánazt og hvorugt þarf að
fórna hugrekki, frumkvæði né sjálfstæði.
Það tekur þau hins vegar oft býsna langan
tíma að finna meðalveginn.
Hrútur/naut
20. marz — 20. apríl / 20. april — 21. maí
Astarævintýri þessara merkja er nokk-
ur upplifun, ekki hvað sízt fyrir hrútinn.
Hrúturinn er sannfærður um að honum sé
í lófa lagið að fá þennan vinsamlega aðila
sem nautið er, til að lúta vilja sínum. Það
er fullkominn misskilningur og eins gott
að hrúturinn geri sér grein fyrir því fyrr
en síðar. Hrútnum hefur jafnan verið svo
lýst, að hann sé ákveðinn og fastur fyrir.
Nautið er aftur á móti þrjózkast allra í
stjörnuhringnum. Á þessu er eðlismunur,
sem hvorugt skilur alls kostar. Hrúturinn
kemst langtum lengra í samskiptum
sínum við nautið með því að brosa og vera
vingjarnlegt en ýta á með offorsi. Mikil-
vægt er því að átta sig á þessu. Trúlegt er
að í brýnu geti slegið millum þeirra meðal
annars út af peningamálum, því að nautið
er þekkt fyrir aðhaldssemi í peningamál-
um. Trúlegt er einnig að þörf hrúts fyrir
spennu og stígandi fari óþyrmilega í
taugarnar á nautinu, sem er í eðli sínu
friðsamt og jarðbundið og á erfitt með að
skilja skynditilfinningaupphlaup hrúts.
Nautið á því erfitt með að uppfylla
tilfinningakröfur hrútsins og það er ljóður
á mörgum nautum yfirleitt hversu tak-
markaðan skilning þau hafa á tilfinning-
um annars fólks, sem ekki eru beinlínis
lagðar á borðið fyrir framan það, en hins
vegar á nautið ekki í neinum vandræðum
með að uppfylla líkamlegar þarfir hrúts-
ins. Hrúturinn krefst ákveðins frelsis —
stundum óeðlilega mikils miðað við hvað
hann vill gefa á móti. Naut er ekki
afbrýðisamt út í maka sinn nema raun-
verulegt tilefni gefist — og það gefst
vissulega. Nautið er hins vegar drottnun-
argjarnt og ráskar stöðugt með þá sem
nærri honum eru. Hrúturinn er hins vegar
afbrýðissamur og stundum að ósekju því
að ekta naut er í eðli sínu trútt. Nautið er
þrjózkt og þvert en samt getur það í
samskiptum við hrútinn sýnt aðdáunar-
vert umburðarlyndi þó svo að það skilji
hann ekki alltaf. En auðvitað má ofgera
öllum, meira að segja nauti, þessari
hæglætisveru. Fari hrútur rétt að í
samskiptum við naut getur hann fengið
það til að gera nánast hvað sem er.
Barátta milli þessara einstaklinga er allt
öðruvísi en milli hrúta innbyrðis vegna
þess að þar er meira kapp i spilinu.
Barátta hrúts og nauts getur snúist upp í
meiri alvöru vegna þess að tilfinningalíf
þeirra er svo ólíkt og fer í fáu saman. Þó
að nautið sé hagsýnt í hverjum hlut er þó
ekki svo að skilja að það sé gersneytt
rómantík. Langt í frá. Hins vegar er ekki
trúlegt að hrútur sé heppilegastur til að
örva þær kenndir hjá því.
Hrútur/tvíburi
21. marz — 20. apríl / 21. maí — 21. júní
Að mörgu leyti er þetta afar hagstætt
samband og hægt að spá því ýmsu góðu.
Hrútur og tvíburi deila með sér mörgum
sams konar áhugamálum, báðir haldnir
ákveðinni hugsjónastefnu innan í sér. Þeir
hafa tiltölulega lítinn hug á að sanka að
sér peningum og völdum — auðvitað er
hrúturinn að vísu þurfi fyrir völd, en hann
viðurkennir það ekki og tvíburinn virðir
þann feluleik oftast nær — og nokkurt
áhugaleysi í samskiptum við annað fólk
kann að vera ástæðan fyrir því að
tilfinningalíf þeirra og orka sameinast á
mörgum snertipunktum. Fátt heldur
áhuga þeirra til lengdar. Stöðug tilbreytni
og síbreytni er drjúgur þáttur í að
viðhalda jákvæðri spennu milli einstakl-
inga í þessum merkjum.
Að upplagi eru bæði hrútar og tvíburar
ærlegt fólk — og hrútarnir þó meira — en
þessir aðilar báðir geta blekkt sig svo að
það þurrkast stundum út hvar heiðarleik-
inn endar og sjálfsblekkingin tekur við.
Kannski er það sakleysið í þeim eða
fávísin sem fyrirfinnst í báðum, því að
sjaldan er meiningin að blekkja nokkurn.
Hér hefur reyndar verið talað um tvo
aðila en öllu nær væri að nefna þrjá, því að
sannir tvíburar eru um margt tvær
persónur. Tvíburinn er persónan sem hann
er og persónan sem hann vill vera. Og
bætist nú inn í þetta kröftugur persónu-
leiki hrútsins verður þröngt á þingi.
Tvíburar eru oft ákveðnir að upplagi en á
annan hátt en hrúturinn. Tvíbura er
hugleikið að telja fólk á sitt mál og fórnar
stundum töluverðu af sjálfum sér til að ná
árangri í því. Hrúturinn býsnast stundum
innra með sér yfir því hversu rök tvíbura
eru einfeldnisleg og barnaleg — hann veit
nefnilega betur og ýfirleitt er hrútur bæði
rökfastari og raunsærri en tvíburi. En
honum er nokkuð skemmt og fyrirgefur
tvíburanum meira en mörgum, vegna þess
hve einlægur hann er. Hrúturinn hefur
sterka tilhneigingu til að hafa yfirhöndina
og tvíburinn ýtir undir það. Það finnst
hrútnum hugnanlegt. Tvíburinn er ekki
jafn grænn og hrúturinn heldur. En hann
lætur það gott heita. Á þessu byggist
samband þeirra og framvinda.
Hrútur/krabbi
20. marz — 20. april / 21. júní — 22. júlí
Krabbar er taugaþanið fólk og gjarnt til
geðshræringa. Hrúturinn og allur hans
skyldi
eiga sam-
leið með
hverjum?
Sú vera fyrirfinnst varla sem ekki hefur nokkuð gaman af því
að lesa um stjörnuspádóma, úttekt á hverju merki og þar
fram eftir götunum. Hvort sem menn taka þetta nú sem
skemmtilegt grín eða í meiri alvöru. Linda Goodman,
bandarískur sérfræðingur í stjörnumerkjum, sendi nýlega frá
sér mikla bók, þar sem fjallað er einvörðungu um samskipti
fólks eftir merkjum, og þó aðallega í ástarsamböndum. An
efa vekur efnið forvitni lesenda — líka þeirra sem viðurkenna
ekki að þeir hafi áhuga á efninu. Hér kemur fyrsta greinin
sem er unnin upp úr bók Lindu Goodman.