Morgunblaðið - 09.11.1979, Blaðsíða 30
MORGUNBLAÐIÐ, FÖSTUDAGUR 9. NÖVEMBER 1979
30
Möl, kuldi og ÍBK
dugðu ei til sigurs
• Þorsteinn Ólafsson á
enga möguleika á að
verja glæsilega auka-
spyrnu miðherja Brno,
Kroupa.
Ljósm. Kristján.
EKKI vinnur ÍBK UEFA-bikarinn þetta árið. Kannski næsta ár. Þrátt
íyrir vasklega framgönKu gegn tékkneska liðinu Zbrojovka Brno á
Melavellinum í gærkvöldi, varð fljótlega ljóst, að 2—0 sigur ÍBK var
ekki möguleiki. Margir áhorfenda reiknuðu greinilega með því að
leikmenn tékkneska liðsins yrðu eins og þorskur á þurru er þeir
kæmu á mölina. en eins og góðu liði sæmir, voru þeir á hinn bóginn
fljótir að laga sig að aðstæðum. Lék liðið oft vel saman og ef Þorsteinn
ólafsson hefði ekki verið í stuði, hcfði sigurinn getað orðið stærri en
2—1. Lið ÍBK fékk ekki nema tvö marktækifæri i leiknum og tókst að
nýta annað. Staðan í hálfleik var 1—0 Tékkum í hag.
ÍBK —
Zbrojovka
Því skyldi lið eins og Zbrojovka
Brno ekki laga sig að mölinni og
kuldanum alveg eins og Dynamó
Kiev og pólska liðið, hvað það nú
hét, sem ÍBV lék gegn á síðasta
keppnistímabili. Tékkneska liðið
náði fljótlega góðum tökum á
leiknum og var greinilegt, að um
mjög sterkt lið er að ræða. Fram-
an af voru þeir fljótari í boltann,
skiluðu honum vel frá sér, héldu
knettinum niðri. Tékkarnir léku
skynsamlega eins og vænta mátti
af þrautþjálfuðu atvinnumanna-
liði og jafnvel þegar liðið var í
stórsókn, gættu 2—3 varnarmenn
Ragnars Margeirssonar, sem oft-
ast var fremsti maður ÍBK. Engin
áhætta var tekin. Útherjar liðsins
hlupu eins og norðan-rok þegar
svo bar undir og miðherjinn
Kroupa er geysilega sterkur og
„teknískur" leikmaður. Arangur
IBK gegn liði þessu er sérstaklega
góður, en við ofurefli var að etja.
Þorsteinn var þrívegis búinn að
verja meistaralega áður en fyrsta
markið var skorað. Það kom á 24.
mínútu, en brotið var á einum
Tékkanna um 12 sentimetra utan
vítateigs. Þrír Keflvíkingar stilltu
sér upp í vegg, en ekki hefði veitt
af einum í viðbót, því að Kroupa
gerði sér lítið fyrir og sendi
knöttinn með firnaföstu snún-
ingsskoti fram hjá veggnum og
innan á hliðarnetið, án þess að
Þorsteinn ætti möguleika á því að
verja þrátt fyrir góða tilburði.
Leikmenn IBK áttu ekkert um-
talsvert færi eða skot í fyrri
hálfleik, en ef á heildina er litið,
voru skotin þrjú sem Þorsteinn
varði, markið og eitt skot frá
Kroupa rétt fram hjá, einu mark-
tilraunir Tékkanna. Þeir þurftu
heldur ekkert að vera að æsa sig,
með 3—1 sigur úr fyrri leiknum í
nesti.
• Það vakti kátinu þegar þessi
köttur labbaði inn í mark Brno
meðan leikurinn stóð sem hæst.
Var hann að sögn á músaveiðum.
Hvarf hann af vettvangi jafn
skyndilega og hann birtist,
tékkneski markvörðurinn frétti
meira að segja ekkert af honum.
Ljósm. Emiiia.
ÍBK fékk annað af tveimur
dauðafærum sínum strax í upp-
hafi síðari hálfleiks. Steinar fór
þá í návígi á miðjum vallarhelm-
ingi Tékkanna. Hann hafði betur
og brunaði í átt að markinu með
sópara Tékkanna blásandi eins og
hval á hælunum. Skot hans var
gott, en markvörður Brno varði
meistaralega. Um tíma virtist
leikmönnum ÍBK fjölga um helm-
ing, en það stóð ekki lengi, Tékk-
arnir náðu aftur betri tökum á
leiknum og á 65. mínútu bættu
þeir öðru marki við og var þá sú
litla von sem ÍBK hafði rokin út í
veður og vind. Það var Kotasek
sem skoraði með þrumuskoti frá
vítapunkti í kjölfar hornspyrnu
frá hægri. Eins og þegar fyrra
markið var skorað, átti Þorsteinn
enga möguleika á því að verja,
2—0 fyrir Zbrojovka Brno.
Keflvíkingar lögðu ekki árar í
bát og reyndu hvað þeir gátu.
Barátta þeirra uppskar mark á 85.
mínútu. Tekið var langt innkast
frá hægri, vel fyrir markið, þar
sem Steinar skallaði aftur fyrir
sig á kollinn á Einari Ásbirni
Ólafssyni sem skallaði laglega í
netið af stuttu færi. Markvörður
Tékkanna kastaði sér með miklum
tilþrifum og lenti harkalega á
grjótinu. Hans vegna vona menn
að hann hafi fengið svampbuxurn-
ar sem hann ætlaði sér.
Haft var eftir hinum sænska
dómara leiksins fyrir leikinn, að
það yrði að segjast eins og er, að
Melavöllurinn væri betri heldur
en aðstaða öll á Grænlandi.
Húrra. Af malarleik að vera, var
þetta líklega með því besta sem
hægt er að bjóða upp á. En það er
allt önnur íþrótt en sú knatt-
spyrna sem leikin er á grasi um
sumar. Var í gærkvöldi undir-
strikað, að knattspyrna er sumar-
íþrótt. Lið ÍBK á á margan hátt
Gengi ítala
upp og ofan
ÚRSLIT þriggja Evrópuleikja voru
ekkl í upptalningu Mbl. í gær af
óviöráðanlegum ástæðum, en
hér skal bætt úr. Vestur-þýska
liöið og UEFA-meistarinn Borus-
sia Mönchengladbach vann Inter
Milanó óvænt 3—2 í Míla'nó í
fyrrakvöld og vann því samanlagt
4—3. Nickel skoraöi tvívegis fyrir
BMG og Ringels eitt. Altobelli
skoraði bæði mörk Inter, en
staöan í hálfleik var 1 — 1.
Perugia tapaði mjög óvænt á
heimavelli sínum fyrir Aris Salo-
nika frá Grikklandi í UEFA-
keppninni. Yfirleitt tapar Perugia
alls ekki, hvað þá á heimavelli.
Luis, Smerzildis og Zindros skor-
uðu mörk Aris, sem vann saman-
lagt 4—1.
Juvóntus er eina ítalska liðið
sem slapp óskrámað úr umferö-
inni, en liðið vann Beroe frá
Búlgaríu auöveldlega 3—0, sam-
anlagt 3—1. Scirea skoraði í fyrri
hálfleik fyrir Juventus og þeir
Causio og Verza bættu mörkum
við í síðari hálfleik.
hrós skilið fyrir frammistöðuna.
Samanlögð markatalan var 5—2 í
tveimur leikjum og er það meira
en viðunandi þegar litið er á þann
mun sem er, eða á að vera, milli
knattspyrnunnar á íslandi og í
Tékkóslóvakíu. Tékkar eru núver-
andi Evrópumeistarar í knatt-
spyrnu landsliða, verja þann titil
á Ítalíu næsta sumar. Þorsteinn
Ólafsson var öryggið í eigin pers-
ónu í gærkvöldi, varði nokkrum
sinnum snilldarlega og greip ör-
ugglega inn í. Sigurður Björg-
vinsson og Gísli Eyjólfsson voru
sterkir miðverðir og á miðjunni
átti Ólafur Júlíusson góða spretti.
Ef hann hefði skilað knettinum
betur hefði kannski eitthvað stórt
komið út úr því. Steinar var
duglegur og fylginn sér frammi og
Ragnar Margeirsson sýndi takta
sem lofa góðu. Hann reynist
eflaust einhverju atvinnumanna-
liði góð kaup áður en langt um
líður, hann virðist hafa alla burði
til þess að ná langt á þeim
fiskimiðum.
Þátttöku íslenskra félagsliða í
keppnunum þremur í Evrópu er þá
lokið. Valur, ÍBK og í A léku 8 leiki
samanlagt, einn sigur, sjö töp.
Markatalan samanlögð var 5—18.
Af þessum fimm mörkum skoruðu
leikmenn ÍBK fjögur mörk.
í STUTTU MÁLI:
UEFA-keppnin í knattspyrnu. Mela-
völlur.
ÍBK — Zbrojovka Brno 1—2 (0—1)
MARK ÍBK: Einar Ásbjörn Ólafsson
(85. mín.).
MÖRK Brno: Kroupa (24.) og Kota-
sek (65. mín.).
ÁMINNINGAR: engar.
ÁHORFENDUR: 1706.
KK.
Stúdentar voru Vals-
mönnum engin hindrun
VALSMENN halda striki sínu í úrvalsdeildinni í körfuknattleik. í gærkvöldi
sigraöi Valur lið stúdenta í íþróttahúsi Kennaraháskólans, 95—82. Öruggur
sigur og þaö fór aldrei á milli mála hvort liðið var sterkara. Valsmenn höfðu
ávallt undirtökin, mun betur skipulagðir, bæöi í vörn og sókn. Sterk
liðsheild — þaö er aðall Vals. Hitt er svo, aö leikur stúdenta og Vals var
ekki leikur mikilla tilþrifa, til þess voru mistök beggja liða of mörg — þó
sór í lagi stúdenta.
Torfi Magnússon skoraöi fyrstu
körfu leiksins og þegar 10 mínútur
• Svo sem sjá má, eru búningar
Valsmanna orðnir æði skrautleK-
ir. Fer nú hver að verða síðastur
að panta auglýsingar á bún-
ingana þeirra, auðum blettum fer
óðum fækkandi. Trent Smock og
Tim Dwyer berjast um knöttinn,
aðrir fylgjast með.
Ljósm. Kristján.
voru liönar af fyrri hálfleik höföu
Valsmenn náð 12 stiga forustu,
25—13, og skömmu síðar skildu 16
stig, 29—13. Stúdentar náðu að
minnka muninn fyrir leikhlé í níu stig
— 47—38 var staöan í leikhléi.
Valsmenn héldu forystunni örugg-
lega í síðari hálfleik. Að vísu náöu
stúdentar að minnka muninn í fimm
stig, 61 — 56, en þrátt fyrir það virtust
Valsmenn aldrei eiga á hættu að
missa forystuna. Þeir juku hana svo
jafnt og þétt og lokatölur urðu
95—82. Eins og svo oft áður var Tim
Dwyer kjölfestan í liði Vals, geypi-
sterkur og yfirvegaöur leikmaður. En
hann er aö sama skapi skapmikill og
furðulegt hvað hann sleppur oft við
villur. Engu líkara en dómarar
beinlínis hiki við þegar hann hvessir
sjónum á þá — svo virtist að minnsta
kosti í gærkvöldi, þegar einum stúd-
entanna varð á að brjóta á Dwyer.
Hann brást hinn versti við og ógnaði
honum meö boltanum. Báðir dómar-
arnir brugöust hart við og sneru sér
að honum, annar kom hlaupandi, en
svo var engu líkara en allur móður
rynni af þeim. Þeir stóðu ekki lengur
uppréttir, líkast þeir lyppuðust niður
og svo hélt leikurinn áfram. Nóg um
það — sigur Vals var sigur liðsheild-
arinnar. Þeir voru öruggir í skotum,
Torfi Magnússon, Kristján Ágústsson
og Þórir Magnússon.
Stúdentar höfðu einnig sína sterku
menn, en liðið einfaldlega vann ekki
sem heild og því fór sem fór. Trent
Smock iðinn við að skora og einnig
þeir Jón Héðinsson, Bjarni Gunnar
og Gísli Gíslason. Þá voru innáskipt-
ingar einnig nokkuö furðulegar hjá
stúdentum, þeir Bjarni Gunnar og
Jón ekki með þegar leiö að lokum.
Komu inn á þegar 2 mínútur voru
eftir — þá var leikurinn líka tapaöur.
Rétt um fimmtíu áhorfendur fylg-
dust með viðureign liðanna í Haga-
skóla og þeir Kristbjörn Albertsson
og Guöbrandur Sigurðsson dæmdu
leikinn.
Stig Vals skoruóu: Tim Dwyer 31,
Torfi Magnússon 20, Kristján Ág-
ústsson 19, Þórir Magnússon 14,
Ríkharður Hrafnkelason 6, Óskar
Baldursson, Jóhannes Magnússon
og Siguróur Hjörleifsson 2, Jón
Oddsson 1 stig. Stig ÍS: Trent
Smock 29, Jón Hóóinsson 18, Bjarni
Gunnar 17, Gísli Gíslason 10, Gunn-
ar Halldórsson 7, Ólafur Thor-
oddsen 3, Albert Guómundsson 4.
H.Halls.
LIÐ ÍS:
Bjarni Gunnar Sveinsson 3, Guóni Kolbeinsson 1, Jón Björgvinsson 1,
Gunnar Halldórsson 1, Albert Guómundsson 1, Jón Óskarsson 1, Jón
Hóðinsson 3, Ólafur Thoroddsen 1, Gíslí Gíslason 2.
LIÐ VALS:
Þórir Magnússon 2, Jóhannes Magnússon 1, Ríkharóur Hrafnkelsson 2,
Kristján Agústsson 3, Sigurður Hjörleifsson 1, Torfi Magnússon 3, Jón
Oddsson 1, Óskar Baldursson 1, Jón Steingrímsson 1.