Morgunblaðið - 09.11.1979, Blaðsíða 32
Sími á ritstjórn og skrifstofu
10100
JM«r0unt>Utdi&
Sími á afgreióslu:
83033
JM«r0unblnt>it>
Ungir flugmenn
fórust í flugslysi
TVEIR ungir flugmenn fórust í flugslysi í gær
þegar tveggja sæta flugvél þeirra af gerðinni
Bcllanca Citabria fórst við bæinn Sigmundarstaði
í Þverárhlíð í Borgarfirði um kl. 4 í gærdag.
Sjónarvottar voru að flugslysinu og virtist
flugvélin Ienda á rafmagnslínunni að bænum.
Slitnaði vírinn og vélin flaug áfram með hann
fastan í vélinni en þegar vírinn strekktist í næsta
rafmagnsstaur hrapaði vélin skyndilega um 100
metra frá bænum. Báðir mennirnir létust sam-
stundis, en þeir hétu Haukur Jóhannesson,
Lindarflot 28, Garðabæ, og Guðmundur Kvaran,
Kleifarvegi 1 í Reykjavík. Þeir voru báðir um
tvitugt.
Flugvélina áttu þeir ásamt þremur öðrum og
kom hún til landsins fyrir nokkrum dögum.
Rannsóknarmenn frá Loftferðaeftirlitinu fóru
strax á slysstaðinn í gær.
Vél þeirra félaga hafði lent á Húsafelli ásamt
annarri vél sem var í samfloti með þeim og Iögðu
báðar vélarnar síðan upp áleiðis til Stykkishólms í
góðu veðri. Fyrri vélin kom þangað á tilsettum
tima, en Bellanca-vélin fórst á leiðinni þangað.
Bellancavélin á slysstað við Sigmundarstaði í Borgarfirði í gær. Rafmagnsvírinn sem festist í vélinni og
dróst með henni sést fyrir framan vélina.
Umtalsverðar olíuhækk-
anir á Rotterdammarkaði
UNDANFARNA daga hafa orðið
umtalsverðar hækkanir á olíu á
Rotterdammarkaði.
Samkvæmt upplýsingum, sem
Mbl. hefur aflað sér var skráð
verð á benzíni 2. nóvember 363
dollarar hvert tonn en var 347
dollarar 26. október. Skráð verð
á gasolíu var 352.20 dollarar
hvert tonn en var 336 dollarar
viku áður. Skráð verð á svartolíu
var 163 dollarar hvert tonn og
hafði hækkað úr 157 dollurum á
einni viku.
Þegar verðið var hæst í júní fór
benzínverðið í 412 dollara, gasolíu-
verðið í 395 dollara og svartolíu-
verðið í 142 dollara. Það lækkaði
niður undir 300 dollara á gasolíu
og benzíni í sumar en hefur verið á
hraðri uppleið aftur upp á síðkast-
ið. Telja sérfræðingar að sam-
dráttur í olíusölu Saudi-Araba og
ástandið í íran valdi þessari
hækkun fyrst og fremst og er því
spáð að verðið eigi enn eftir að
hækka á næstunni.
Guðmundur Kvaran Haukur Jóhannesson.
í gæzluvarðhald
vegnagnmsum
aðfld að mannsláti
TVÍTUGUR maður hefur verið úrskurðaður í sjö daga gæzluvarðhald
i sakadómi Reykjavikur á meðan rannsókn fer fram á hugsanlegri
aðild hans að láti manns, sem fannst á víðavangi i Reykjavik fyrir
rúmu ári. Rannsóknarlögregla rikisins annast rannsókn þessa máls.
Umræddur maður var handtekinn
í byrjun vikunnar vegna annars
máls, sem var í rannsókn. Að kvöldi
sama dags var hann settur í fanga-
geymslur lögreglunnar í Reykjavík
enda ölvaður. Er þangað kom fór
hann að ræða við tvo rannsóknar-
lögreglumenn, sem höfðu með mál
hans að gera. Þar kom, að hann
skýrði öðrum þeirra frá því alveg
ótilkvaddur, að hann hefði fyrir
rúmu ári orðið manni að bana og
spurði lögreglumanninn hvort hann
myndi ekki eftir því að maður hefði
fundizt látinn á víðavangi og lýsti
staðnum með nokkurri nákvæmni.
Stóð heima, að í skjölum lögreglunn-
ar var frá því skýrt, að á þessum
stað hefði maður fundizt látinn.
Daginn eftir var maðurinn tekinn
til yfirheyrslu og dró hann þá sögu
sína til baka, og kvaðst hafa sagt
þessa sögu til þess að stríða lög-
reglumanninum. Hefur hann við
síðari skýrslutöku og fyrir dómi
alfarið neitað því að sú saga, sem
hann sagði lögreglumönnunum,
hefði við rök að styðjast.
Að sögn Þóris Oddssonar, vara-
rannsóknarlögreglustjóra, þótti ekki
annað fært stöðu málsins vegna en
gera kröfu um gæzluvarðhald yfir
manninum í sjö daga á meðan
könnun færi fram á sannleiksgildi
þessarar frásagnar hans. Sagði Þór-
ir, að krafan um gæzluvarðhald væri
aðallega byggð á tveimur atriðum,
þ.e. annars vegar hugsanlegri aðild
gæzluvarðhaldsfangans að láti
mannsins og hins vegar á 149. grein
hegningarlaganna, sem fjallar um
rangan uppljóstur.
Metsala
• •
hjá Ogra
SKUTTOGARINN Ögri seldi í
gær 228 tonn af góðum fiski í
Þýzkalandi, 113 milljónir króna
fengust fyrir aflann, meðalverð
495 krónur. Er þetta hæsta með-
alverð, sem togari hefur fengið
fyrir afla í Þýzkalandi og hæsta
heildarverð reiknað í islenzkum
krónum. Ufsi og karfi var uppi-
staðan i aflanum.
Geir Hallgrímsson á blaóamannaf undi í gær:
S jálfstæóLsflokkur hef-
ur lært af reynslunni
— og boðar nú leiftursókn gegn verðbólgu í stað hægfara aðlögunar
Sjálfstæðisflokkurinn hefur lært af
reynslunni, sagði Geir Hallgrímsson, for-
maður Sjálfstæðisflokksins, á blaðamanna-
fundi er hann efndi til í gær, er stefna
Sjálfstæðisflokksins í efnahags- og atvinnu-
málum var kynnt. Geir Hallgrímsson sagði,
að nú vildi flokkurinn ráðast gegn verð-
bólgunni með snöggum og fljótvirkum
hætti í stað hægfara aðlögunar, er reynd
var í síðustu ríkisstjórn flokksins 1974—
1978.
Á blaðamannafundi formanns Sjálfstæð-
isflokksins, sem ítarlega er skýrt frá á
miðsíðu blaðsins í dag, kom fram, að
markmið Sjálfstæðisflokksins nú væru að-
allega þessi:
• Að hreinsa til eftir vinstri stjórn
• Að hafa forgöngu um leiftursókn gegn verðbólgu.
• Að snúa við blaði, auka þjóðarframleiðslu og
þjóðartekjur.
A blaðamannafundinum var Geir Hallgrímsson
spurður, hvernig Sjálfstæðisflokkurinn ætlaði að spara
þá 35 milljarða, sem heitið er í stefnuyfirlýsingunni.
Hann nefndi eftirfarandi þætti ríkisútgjalda:
• Lækka niðurgreiðslur og breyta hluta þeirra í
tekjutryggingu fyrir láglaunafólk.
• Vinna fjárlagafrumvarpið upp frá grunni.
• Bjóða út verklegar framkvæmdir, svo sem vegagerð
og hafnargerð.
• Draga úr sjálfvirkum útgjöldum samkvæmt ákvæð-
um fjárlaga.
• Draga úr sjálfvirkum útgjöldum í fjárfestingar-
lánasjóði.
• Ríkisfyrirtæki verði rekin halialaus.
Geir Hallgrímsson gaf m.a. eftirfarandi yfirlýsingar
um skattamál:
• Sjálfstæðisflokkur mun afnema skattaálögur
vinstri stjórnar.
• Tekjuskattur af almcnnum launatekjum verður
felldur niður. Hjón með tvö börn fá ekki tekjuskatt
nema árslaun þeirra fari yfir 8 milljónir.
• Skattar yrðu lækkaðir i áföngum.
Sjá ítarlega frásögn af blaðamannafundi Geirs
Hallgrimssonar á miðsíðu Morgunblaðsins í dag.