Morgunblaðið - 09.11.1979, Blaðsíða 31

MORGUNBLAÐIÐ, FÖSTUDAGUR 9. NÓVEMBER 1979
31
• Ballett fyrir þrjá stiginn i Höllinni i gœrkvöldi. Ljóem. Kristján.
Unglingameistramót
um helgina
Unglingameistaramót Reykja-
víkur í badminton verður haldið
um næstu helgi. Keppnin fer
fram i húsi TBR, næstkomandi
laugardag og sunnudag. Hefst
mótið kl. 15.00 á laugardag, en
úrslitaleikir verða kl. 14 á sunnu-
dag. Margir fremstu badminton-
menn landsins eru ennþá í ungl-
ingaflokkunum og er vænst
þátttöku þeirra í mótinu. Má hér
fyrstan nefna íslandsmeistarann
í kvennaflokki á mótinu. Þess
skal þó getið, að í sama móti i
fyrra beið hún lægri hlut fyrir
Ari Edwald tvöfaldur ungl-
ingameistari
Sif Friðleifsdóttur úr KR. Vafa-
laust mun Sif verja titii sinn af
krafti, enda á hún ekki langt að
sækja hann (dóttir hins gamal-
reynda badmintonmanns og
frjálsíþróttakappa, Friðleifs
Stefánssonar tannlæknis).
Guðmundur Adólfsson, lands-
liðsmaður í badminton keppir í
piltaflokki. Hann hefur sigrað í
sínum aldursflokki í flestum ungl-
ingamótum er hann hefur tekið
þátt í, og mun öllum erfitt að
vinna hann nú.
í drengjaflokki ber fyrst að
nefna íslandsmeistara drengja,
Þorgeir Jóhannsson, en vafalaust
munu þeir Þorsteinn Páll Hængs-
son, Ari Edwald og Gunnar
Björnsson ekki gefa sinn hlut
eftir.
KR-ingar eiga mjög sterkan
keppanda í telpnaflokki, Þórunni
Óskarsdóttur Guðmundssonar.
óskar hefur manna oftast orðið
íslandsmeistari í badminton, svo
sjálfsagt er efniviðurinn góður.
Hnokkar, tátur, sveinar og
meyjar heita yngstu aldursflokk-
arnir. Þar eru mörg nöfn, og
kannski eru sumir íslandsmeist-
arar framtíðarinnar nú í þessum
flokkum.
Yfir 2000 manns stunda nú
badminton á höfuðborgarsvæðinu.
Talsverður hluti þeirra eru ungl-
ingar og fer áhugi þeirra á
íþróttinni sífellt vaxandi.
Stefnubreyting í
handknattleiks-
dómgæslu?
SÆNSKUR millirikjadómari, E.
Elías, kom hingað til lands í gær
á vegum HSI og mun ætlun
kappans að halda dómaranám-
skeið. Hann mun horfa á þrjá
leiki, gagnrýna ótæpilega og
túlka nýjar stefnur í hand-
knattsleiksdómgæslu sem eru að
koma fram á sjónarsviðið.
Blm. Mbl. varð vitni að vægast
sagt kostulegri dómgæslu á HM
unglinga í Danmörku í síðustu
viku og er ekki óliklegt, að það
hafi verið smjörþefurinn af því
sem koma skal. I þvi felst meðal
annars strangari framganga i
brottvísunum, en i þeim þrem
leikjum sem blm. sá i Danmörku
fengu ekki færri en 10—12 leik-
menn reisupassann í hverjum
leik, frekar fleiri en hitt.
Einnig verða varnarmenn rétt-
meiri. Gífurlega mikið var dæmt á
sóknarbrot, ruðning og slíkt á
HM, stundum endaði hver sókn-
arlotan af annarri á þann veg, að
ruðningur var dæmdur. Og það á
brot sem maður hefði áður litið á
sem fríkast eða jafnvel vítakast til
handa sóknarleikmanninum. Ekki
lengur. Verður fróðlegt að sjá
hvort hinir nýju straumar gagn-
taki íslenska dómara, eða hvort
þeir einangri sig. Ekki skal hins
vegar sagt hvort þessar nýju
túlkanir verða handknattleiknum
til framdráttar.
kK-
Góð byrjun hjá Fylki
íslandsmótið í handknattleik
hófst í Laugardalshöllinni í gær-
kvöldi með leik Fylkis og Þróttar
i 2. deild. Bæði þessi lið eru líkleg
til að blanda sér í toppbaráttuna
í deildinni. Enda bar leikurinn
það með sér, að mikið var í húfi
að ná í bæði stigin. Var Ieikurinn
bráðskemmtilegur á að horfa og
á köflum vel leikinn af hálfu
beggja liða. Síðari hálfleikur
bauð upp á mikla spennu. Fylkir
bar sigurorð af Þrótti í þessum
leik, 21 — 18, eftir að staðan í
hálfleik hafði verið 12—10 þeim í
hag.
í tyrri hálfleiknum var öllu meiri
kraftur í liði Fylkis og náðu þeir
fljótlega yfirburöa stöðu, 8—4, og
var það ekki síst að þakka góöum
varnarleik og fráþaerri markvörslu
Jóns Hermannssonar. Þróttarar gáf-
ust samt ekki upp, sóttu í sig veöriö
og drógu smátt og smátt á og aðeins
tveggja marka munur var í hálfleik.
Þróttarar komu ákveðnir til leiks í
síöari hálfleiknum og var þjálfari
liðsins, Ólafur H. Jónsson, mjög
atkvæöamikill í upphafi og skoraði
þá hvert markið af öðru. Tókst
Þrótturum að jafna metin 12—12 og
ná yfirhöndinni í leiknum 14—13. Nú
færöist mikil spenna í leikinn, varnar-
leikur Fylkis riölaðist nokkuö í síðari
hálfleiknum og um tíma leit út fyrir að
þeir væru að missa tökin á leiknum.
Á 45. mfnútu leiksins er staðan
Fylkir — Þróttur
21:18
16—15 fyrir Þrótt, en þá ná Fylkis-
menn góöum leikkafla og komast yfir
meö mörkum Einars og Hafliða.
Sveinlaugur jafnar fyrir Þrótt 17—17,
en eftir þaö var leikurinn í höndum
Fylkis. Þeir skora næstu fjögur mörk
og breyta stöðunni í 21 —17 og sigra
örugglega. Sveinlaugur skoraði svo
síðasta mark leiksins svo þrjú mörk
skildu liðin í lokin.
Liö Fylkis hafði öllu meiri breidd í
liði sínu og barðist mjög vel. Bestu
menn liösins voru Jón Hermannsson,
markvörður, sem varöi allan tímann
mjög vel, og Guöni Hauksson, sem
átti mjög góöan leik og skoraði 6
mörk, hvert öðru fallegra. Þá komu
þeir Ragnar Hermannsson og Einar
Ágústsson ágætlega frá leiknum.
Lið Þróttar á eftir að leika betur en
það gerði aö þessu sinni. Nokkuð
virðist það há liðinu hversu lítil
breiddin er, lítiö var um innáskipt-
ingar hjá þeim í leiknum og háöi það
liðinu greinilega. Ólafur H. Jónsson
var atkvæöamikill bæði í vörn og
sókn. Þá átti Sigurður Sveinsson
nokkuð góðan leik. Athyglisvert er aö
í liði Fylkis skora níu leikmenn
mörkin en í liði Þróttar fimm, þar af
Ólafur og Siguröur 12 af 18.
MÖRK Þróttar: Sigurður Sveinsson
5, Ólafur H. Jónsson 7, Páll Ólafsson
2, Sveinlaugur Kristjánsson 3, Einar
Sveinsson 1.
MÖRK Fylkis: Guöni Hermannsson 6,
Ragnar Hermannsson 5, Hafliði
Kristinsson 2, Gunnar Baldursson 2,
Einar Ágústsson 2, Sigurður Símon-
arson, Guðmundur Kristinsson, Ósk-
ar Ásgeirsson og Magnús Sigurðs-
son eitt mark hver. — þr.
Verð kr: 5.500.-
Sendum í póstkröfu samdægurs
Laugavegi 37, Laugavegi 89,
sími 12861.
sími 10353.
Osvikin amerísk gæðavara
á góðu verói.
Litir: dökkblátt — rautt
hvítt — grátt — beige
Stærðir: 12 — 14 — 16
S — M — L — XL
IISA
SWEATSHIRTS
(háskólabolir