Morgunblaðið - 09.02.1980, Síða 23

MORGUNBLAÐIÐ, LAUGARDAGUR 9. FEBRÚAR 1980
Ragnar Arnalds
f jármálaráðherra:
„ÞAÐ er ekkert annað að gera,
en láta hendur standa fram úr
ermum,“ sagði Ragnar Arnalds
um leið og hann settist í fjár-
málaráðherrastólinn i gær.
„Þetta hafa verið miklir óvissu
og stjórnleysistímar síðan krat-
arnir sprengdu vinstri stjórn-
ina. Það er dæmalaust í tvo
áratugi, að engin fjárlög eru
fyrir hendi og þar við bætist, að
skattalögin eru heldur ekki
komin á hreint. Þetta eru auð-
vitað stóru verkefni næstu
vikna,“ sagði Ragnar, þegar
Mbl. spurði hann, hvar hann
myndi fyrst bera niður sem
fjármálaráðherra.
Mbl. spurði fjármálaráðherra,
hvort ekki væri nauðsynlegt að
Ragnar Arnalds tekur við fjármálaráðuneytinu af Sighvati
Björgvinssyni. Ljósm. Mbl. Kristján.
Fjárlög og skattalög
verða stóru verk-
ef ni næstu vikna
þingið starfaði þá sleitulaust, en
ekki yrði gert þinghlé, eins og
talað hefur verið um. Ragnar
sagði: „Þingið þarf að afgreiða
skattalög, eða viðbætur við
skattalögin frá 1978. Þetta er
mjög brýnt, þar sem menn telja
stutt í það að erfitt verði um
álagningu og sumir jafnvel spál
því, að ekki verði hægt að leggja
á fyrirtæki fyrr en undir árslok.
Þá þarf þingið einnig að af-
greiða greiðsluheimild fyrir
fjármálaráðuneytið, þar sem
engin fjárlög eru og gildandi
greiðsluheimild rennur út 15.
febrúar. Það þarf þá að fram-
lengja hana.
Það er rétt, að það hefur
komið til tals að gera eitthvert
hlé á störfum þingsins meðan
ríkisstjórnin fengi ráðrúm til að
undirbúa veigamikil mál, því það
er nú alltaf svo að frumkvæðið
að þingmálum kemur að yfir-
gnæfandi meirihluta frá ráðu-
neytunum. Hins vegar hagar svo
til að fyrir dyrum stendur Norð-
urlandaráðsþing og það má vel
vera að það sé möguleiki að gera
hlé á störfum Alþingis meðan
Norðurlandaráðsþingið er, því
þann tíma verður hvort eð er
ekki mikið um störf á Alþingi."
— En liggja ekki fyrir Alþingi
ýms mál, sem rétt væri að það
ynni að meðan ríkisstjórnin und-
irbýr fjárlagagerð?
„Fyrir utan skattamálin eru
engin mál, sem aðkallandi eru.
Annað eru bara áróðursmál
kratanna, sem enginn tekur
mark á.“
— Hvað hyggst þú fyrir varð-
andi kjarasamninga við BHM og
BSRB?
„Ég hef auðvitað mína skoðun
á þeim málum. En mér finnst
ekki rétt að ég fari nú að segja
hug minn um þau. Fyrst vil ég
ræða við forystumenn þessara
samtaka og kynna mér, hvað
gerzt hefur, og átta mig á
stöðunni."
— Nú voru löng og ströng
fundarhöld hjá ykkur Alþýðu-
bandalagsmönnum í gærkvöldi
og fram á nótt um þetta stjórn-
arsamstarf. Hvað vafðist svona
fyrir ykkur?
„Við viljum að sjálfsögðu ræða
svona veigamikil mál mjög ítar-
lega áður en við afgreiðum þau.
Og ráðuneytaskiptinguna bar til
dæmis svo brátt að, að það var
aðeins eðlilegt að menn vildu
ræða málin.“
— Voru skoðanir skiptar?
„Stjórnarmyndunin og mál-
efnasamningurinn voru sam-
þykkt mótatkvæðalaust í öllum
stofnunum flokksins."
— Sátu einhverjir þingmenn
hjá?
„Nei. í þingflokknum var þetta
samþykkt með atkvæðum allra
þingmanna."
— Sóttuð þið fast að fá
fjármálaráðuneytið og þú að
verða fjármálaráðherra?
„Bæði 1971 og 1978 var okkur
boðið að taka fjármálaráðuneyt-
ið, en í hvorugt skiptið gerðum
við það. Það var gagnrýnt innan
flokksins í bæði skiptin og nú
þótti okkur rétt að taka boðinu.
Sjálfur sóttist ég ekki eftir
þessu embætti. Ég hefði alveg
eins getað hugsað mér önnur
ráðherrastörf. Eg var nú síðast í
menntamálum og samgöngumál-
um og líkaði ágætlega. Einnig
hef ég mikinn áhuga á öllum
atvinnumálum. En minn flokkur
varð að taka afstöðu til þess,
sem honum bauðst. Og ég er
síður en svo óhress með það að
vera kominn í þennan stól.“
— Fékkstu góða kosningu í
hann?
„Ég ætla nú ekki að fara að
tíunda í Morgunblaðinu, hvernig
málin ganga fyrir sig á þing-
flokksfundum Alþýðubandalags-
ins. En ég held ég megi segja, að
ég geti verið ánægður með út-
komuna."
— Hvað eruð þið alþýðubanda-
lagsmenn ánægðastir með í mál-
efnasamningnum og hvað finnið
þið helzt að efni hans?
„Það er margt gott í þessum
málefnasamningi. Auðvitað er
kaflinn um kjaramálin langmik-
ilvægasti kaflinn í okkar augum.
Við teljum einnig þýðingarmikið
að ekki verður nú anað af stað
með þessa flugstöðvarbyggingu
á Keflavíkurflugvelli upp á tugi
milljarða, sem mundi gera okkur
enn háðari Bandaríkjamönnum,
þar sem ætlunin var að þeir
legðu fram hluta kostnaðarins.
Og okkur finnst afskaplega þýð-
ingarmikið að komið er í veg
fyrir, að erlend stóriðja flæði inn
yfir landið.
Við teljum þennan málefna-
samning viðunandi. Auðvitað er
hann ófullkominn miðað við okk-
ar stefnuskrá og það heldur
ófullkominn. Bagalegast er, hvað
tillögur okkar í efnahagsmálum
setja lítinn svip á hann. Það
hefði verið auðveldara og far-
sælla að tekið hefði verið meira
tillit til þeirra, en raunin er. En
þetta er samstarf og við getum
ekki frekár en aðrir aðilar þess
ætlast til þess að okkar stefna
ráði ein ferðinni.“
„Nú gerast ævintýr“
„MÉR líst ákaflega vel á
þetta húsnæði,“ sagði Ólaf-
ur Jóhannesson í samtali
við Mbl. er Benedikt
Gröndal hafði afhent hon-
um lyklana að utanríkis-
ráðuneytinu.
Ólafur var síðan spurður
að því hvernig á því stæði
að hann hefði fengið ráð-
herraembætti en ekkert
hefði hins vegar heyrst frá
honum meðan á stjórnar-
myndunarviðræðunum
stóð. Hann svaraði því til
að enginn vissi sína ævina
fyrr en öll væri.
— Hafðir þú ef til vill
ætlað þér þetta embætti
frá upphafi?
„Nei, en nú gerast ævin-
týr,“ sagði Ólafur Jóhann-
esson að lokum.
Ólafur Jóhannesson utanríkis-
ráðherra.
23
Verulega komið
til móts við
kröfur okkar
í félagsmálum
— segir Ásmundur Stefánsson
framkvæmdastjóri ASÍ
„ÞAÐ ERU ýmis ágæt atriði í
þessum málefnasamningi og ef
ég tek sérstaklega kjaramála-
kaflann, þá er það jákvætt.'áð
þar er tekið undir ýmsar okkar
félagsmálalegu kröfur og skýrt
gefið i skyn. að fleira komi á
eftir. Þannig sýnist mér sem
verulega sé komið til móts við
okkar kröfur í félagsmálum."
sagði Ásmundur Stefánsson
framkvæmdastjóri Alþýðusam-
bands íslands, er Mbl. spurði
hann í gær um álit hans á
málefnasamningi ríkisstjórnar
Gunnars Thoroddsens. „Hins veg-
ar er ef til vill óljósara. hvað
varðar sjálft kaupið. Reynslan er
nú sú að i svona samningum er
sjaldnast um nákvæmt orðalag
að ræða en útfærsla kemur í Ijós
með framkvæmdinni.
Við okkur hafa ekki verið neinar
viðræður um þessi mál þannig að
mér er ekki mögulegt að leggja
mat á það í einstökum atriðum,
hvernig verður með útfærsluna á
þessu almenna orðalagi.
En það eitt að fá ríkisstjórn að
eiga við er jákvætt. Bæði til að
ræða við um félagslegar aðgerðir
og hins vegar efnahagsstefnuna,
en hún setur auðvitað vissan
ramma um það, hvaða aðstæður
verða við gerð kjarasamninga.
En það gildir auðvitað um þessa
ríkisstjórn sem aðrar að hún
verður fyrst og fremst dæmd af
verkum sínum.“
Þorsteinn Pálsson, framkvæmdastjóri VSÍ:
Ríkisstjórnin
leggur allt traust
sitt á að VSÍ
haf ni kröfum ASÍ
„SÁ hluti málefnasamningsins.
sem fjallar um kjaramál er mjög
opinn og þar er ekki að finna
ákveðna stefnumörkun um launa-
ákvarðanir," sagði Þorsteinn
Pálsson. framkvæmdastjóri
Vinnuveitendasambands íslands.
er Morgunblaðið spurði hann
álits á málefnasamningi ríkis-
stjórnar Gunnars Thoroddsen,
„en þegar litið er á samninginn í
heild sinni, þá sýnist okkur
auðséð, að ríkisstjórnin leggur
allt traust sitt á Vinnuveitenda-
sambandið, að það hafni alfarið
kröfum Alþýðusambandsins."
„Þessa ályktun," sagði Þor-
steinn, „má m.a. draga af þeim
ákvæðum sem þarna eru um
verðlagsákvarðanir. Það á að fara
inn í ákveðna fyrirfram áætlun
um niðurfærslu verðhækkana,
sem gera kauphækkanir að sjálf-
sögðu útilokaðar. Jafnframt er
yfirlýsing um strangt aðhald í
gengismálum og áform um að
treysta gengi krónunnar. Sú
ákvörðun gerir það jafnframt að
verkum, að það er útilokað að
semja um kauphækkanir. Af þessu
hljótum við að ráða, að ríkis-
stjórnin treysti því, að við höfnum
þessum kröfum, þó að það sé ekki
skýrt tekið fram með berum
orðum. Þannig kemur mér samn-
ingurinn fyrir sjónir.“
„Að öðru leyti,“ sagði fram-
kvæmdastjóri VSÍ, „þá sýnist mér
að þarna sé um talsverða út-
gjaldaaukningu að ræða af opin-
berri hálfu. Eigi að mæta því með
skattheimtu, þá rýrir það að
sjálfsögðu bæði kost atvinnufyr-
irtækja og launþega og 'af því
hljótum við að hafa vissar áhyggj-
ur. Verði þessu hins vegar mætt
með seðlaprentun, eins og oft
hefur verið gert, þá stangast það á
við sett markmið í verðbólgumál-
um. Að því er þessa hluti varðar
verða menn aðeins að bíða og sjá,
hvað verður.“
„Kaflinn um eflingu atvinnu-
vega byggist á því að efla, bæta,
haga og styðja, auka og efla eins
og þar segir og um það er ákaflega
lítið að segja á meðan þar er ekki
ákveðnari stefnumörkun," sagði
Þorsteinn og tók fram, að VSÍ
vænti þess að sjálfsögðu að eiga
gott samstarf við ríkisstjórnina
„og sé þetta rétt mat á launamála-
stefnu hennar, þá fer það mjög
saman við þær hugmyndir, sem
við höfum haft. Það er boðið upp á
þríhliða viðræður og er það í
samræmi við óskir okkar.“
Reykjavíkurhöfn:
Unnið að gerð
smábátaaðstöðu
UNNIÐ er nú að því hjá Reykja-
víkurhöfn að útvega eigendum
smábáta aðstöðu að nýju, en hún
var þrengd nokkuð þegar fyllt
var upp við Ægisgarð til að
stækka þar athafnasvæði. Gunn-
ar B. Guðmundsson hafnarstjóri
kvað setta hafa verið niður eina
flotbryggju við Grandagarð þar
sem smábátaeigendum væri ætl-
uð aðstaða, en verið væri að
vinna að framtíðarlausn málsins
hjá hafnarnefnd Reykjavíkur.
Hafnarstjóri sagði að til þessa
verkefnis hefði verið veitt 30
milljónum króna, en fyrir þá
upphæð yrði vart annað gert en
undirbúa málið og væru ýmsar
hugmyndir á teikniborðunum
varðandi aðstöðu smábáta í höfn-
inni, sem hafnarnefndin ætti eftir
að taka afstöðu til.