Morgunblaðið - 15.05.1980, Page 37

MORGUNBLAÐIÐ, FIMMTUDAGUR 15. MAÍ1980
37
Sigurjón Óskarsson.
Steingrímur Sigurösson.
VERTÍÐIN í Eyjum í vetur er með þeim betri um langt
árabil hjá netabátunum, en hjá trollbátum var afli fremur
tregur. Það er i mörgu að snúast þegar Eyjaflotinn er á fullu
og þegar vel fiskast þá hrifast allir með, jafnvel hörðustu
landkrabbar labba á bryggjurnar og ráða sig í kvöldvinnu
til þess að bjarga verðmætum, en við skulum snúa okkur að
spjalli við nokkra Eyjaskipstjóra.
1
Síðari hluti skipst jóraspjalis úr Eyjum
„Halda jákvæðu
tónunum í gegn um
þykkt og þunnt“
grein/ÁRNI JOHNSEN myndir/SIGURGEIR JONASSON og GUDRUN KRISTÍN SIGURGEIRSDÓTTIR
teingrímur Sigurðsson skipstjóri á Bjarn-
arey var að ganga frá borði þegar við
hittum hann. Þeir voru að landa um 30
tonnum af grunnvíkinni.
„Jú, þetta hefur verið mjög góð vertíð,
mikill fiskur, sem við áttum reyndar von á eftir því
sem fiskifræðingar sögðu um ‘73 árganginn.
„Steingrímur hefur aðallega verið á Kötlugrunninu í
vetur en hann er með um 1000 tonn og er það bezta
vertíðin hans og sú fyrsta sem hann er eingöngu á
netum.
„Ég er sammála því að stjórnun þurfi að vera á
veiðunum, en ég er ekki sammála því hvernig farið er
að því og á hvaða forsendum þeir gera það. Það furða
mig til dæmis vinnubrögðin á rannsóknarleiðöngrun-
um. í fyrra komu þeir t.d. fyrst þegar fiskurinn var
búinn og þeir virðast gæta þess að halda sig þar sem
fiskurinn er ekki. I dag sá ég Árna Friðriksson í
fyrsta skipti á vertíðinni, þeir voru á Víkinni. Mér
þykir það galli á starfsemi þeirra að þeir hafa aldrei
samband við menn hér þótt margir séu hér vel að sér
í þessum efnum. Þeir voru seinheppnir á rannsókna-
skipinu í dag, leituðu á Djúpvíkinni þar sem ekkert
var af fiski. Fiskurinn hefur haldið sig á grunnu að
undanförnu á bilinu 35—45 faðma dýpi. Hann er að
hrygna uppi i sjó og slær sig ekki niður.“
„Vertíðarstemmingin?"
„Menn hafa þurft að sækja svo langt og því hefur
þetta verið mjög líflegt, en tíðin var erfið fram í marz
þótt síðan hafi verið ágætis tíð.
Jú, ég er sáttur við að klippt sé á netaveiðarnar nú,
en það er vitlaust að leyfa bátum að fara beint á troll.
Maður á sem sagt að segja upp helmingnum af
mannskapnum. Ég sé engan mun á því að drepa
þennan fisk í net eða troll. Það verður opnað austur
við 18. gráðuna eftir 1. maí og þar hefur verið árviss
ýsa upp á síðkastið. Ég tel hins vegar að ýsan sé á
mun hættulegra skeiði en fiskifræðingarnir vilja
meina, hættulegra en þorskurinn og ufsinn stendur
einnig mjög illa að mínu mati, því þar tel ég að vanti
svo gott sem þrjá árganga. Ég vil banna þessi
vinnubrögð, en það er hins vegar spurning með
bátana sem hafa verið á trolli alla vertíðina og vart
er hægt að stöðva þá þegar vertíðin hjá þeim hefur
gengið illa. Ég tel það hins vegar sýndarmennsku að
leyfa mönnum að hlaupa í land og taka önnur
veiðarfæri.
Ég er jafnframt á móti því að stoppa um páskana,
það hefði verið skynsamlegra að stoppa 10 dögum
fyrr, bæði er að það er kjaftæði að menn fái eitthvert
frí út úr því stoppi og svo eru menn alveg jafn
bundnir þessum bátapungum eftir sem áður. Tveir
dagar fara í að gera klárt með svona stoppi og það er
hættulegt að flytja 10 trossur á þessum bátum í
misjöfnum veðrum.
Annars hef ég ekki tapað teini í vetur og afkoman
er góð, matið einnig, en það hefur verið fast sótt.
Þetta er 25. vertíðin mín sem ég ræ héðan í Eyjum, en
þetta er sú erfiðasta tíð sem ég hef sótt sjó á alveg
fram í marz. Þá fór að rofa til.“
Skemmtilegra að fást vió
standana en djúpkantinn!!
Sigurjón Óskarsson skipstjóri á Þórunni Sveins-
dóttur er aflakóngurinn í Eyjum í 7. sinn, með um
það bil 1200 tonna afla og er það mesti vertíðarafli
sem hann hefur fengið. Sigurjón er liðlega þrítugur.
„Fiskurinn hefur haldið sig mikið í köntunum og af
þessum afla sem við höfum fengið finnst mér lítið
hafa sézt á mælunum fyrr en eftir þorskveiðibannið.
Um tíma var mikill fiskur í bugtinni.
Annars er þetta svipuð sókn hjá okkur og ég hef
haldið mig á svipuðum slóðum nema að þetta er í
fyrsta skiptið sem ég sæki í kantinn. Það er erfitt og
leiðinlegt fiskirí. Maður sleppir trossunni og sér svo
til hvort eitthvað kemur í. Það er miklu skemmti-
legra að fást við standana og það sem maður veit
hvað hægt er að reyna við.
Afkoman almennt hjá bátunum er þannig eftir
þessa vertíð að það hjálpar þeim mörgu sem hafa
haft erfið ár þótt það sé langt frá því að rétta úr
kryppunni. Við höfum hins vegar aldrei þurft að
kvarta, en það eru því miður ekki allir eins lánsamir.
Lokunin í vetur? Ég var hlyntur því að stoppa yfir
páskana, fiskurinn kemur þá til hrygningar og fær
frið sem honum er nauðsynlegur, Það var mestur
fiskurinn á svæðinu um páskana og því happadrýgst
að stoppa þá! Um stjórnunina almennt á fiskveiðun-
um er það að segja almennt að lokunin hjálpar til, en
þessu er misskipt, því verður ekki neitað. Togararnir
nota stoppin til þess að dytta að ýmsu og lagfæra sem
þeir þurfa hvort eð er að láta gera, en þetta er hins
vegar bein friðun hjá okkur.
Eg styð fiskifræðingana og tel að við þurfum að
fylgjast með þeim eins og við getum, en hins vegar
finnst mér að þeir mættu vera í meira sambandi við
sjómenn, hitta okkur og ræða málin. Það eru mörg
atriði sem koma upp og fróðlegt væri að ræða. Til
dæmis var fiskurinn úti í köntunum fyrir páska
algjörlega óhrygndur og menn eru að velta því fyrir
sér hvort hann hrygnir þar eða fer upp á grunnin til
að hrygna. Eftir páska þegar við fórum á grunnið var
þar fiskur sem var að hrygna og langt kominn með
hrygningu, en það var stærri fiskur en í kantinum,
þótt hann væri nokkuð blandaður þeim smáa sem var
úti í köntunum. Svona atriði skipta máli þegar
ákveða á hvar á að friða fyrir hrygningu."
Hvað um stöðu fiskistofnanna?"
„Við verðum að vona að þeir séu á uppleið, en við
verðum að fara varlega og það er voðalega vitlaust að
vera að kaupa inn fleiri skuttogara til þess að binda
þá í langan tíma, en þessi vertíð sem senn er á enda
var í heild gott blúss og vítamínsprauta fyrir
byggðarlagið."
Vaxandi fiskur frá
ári til árs“
„Ég er sannfærður um það að ef það hefði ekki
verið svona mikill fiskur í dýpinu, þá hefði ekki orðið
góð vertíð hér í Eyjum,“ sagði Sveinn Valdimarsson
skipstjóri á Valdimar Sveinssyni, „það vantaði allan
smærri fisk upp á grunnið. Hann var rúm 6 kg til
jafnaðar niðri í köntunum, en 8 kg og þar yfir uppi á
grunninu þegar það fór að fiskast þar. Það hefur
komið greinilega í ljós frá ári til árs að undanförnu
að það er vaxandi fiskur hvað svo sem verður um
framhaldið þótt menn voni það bezta. Það réttir
mikið af að fá góða vertíð, en það fer afskaplega
mikið af þessu í tilkostnað og hann er alltaf
hækkandi.
„Hefur ekki verið létt hljóðið í mönnum með miklu
fiskiríi?"
„Það hefur verið góð stemmning á þessari vertíö.
en það fylgir reyndar Eyjaflotanum, það eru svoleiðis
menn á honum og þótt einn hverfi þá kemur annar í
svipuðum stíl, þetta eru léttlyndir menn sem halda
jákvæðu tónunum í gegn um þykkt og þunnt.“