Morgunblaðið - 25.09.1980, Blaðsíða 13

MORGUNBLAÐIÐ, FIMMTUDAGUR 25. SEPTEMBER 1980
13
Prenthúsið sf gefur út sýnisbók
af verkum Halldórs Péturssonar
PRENTHÚSIÐ sí. mun gefa út
myndabók með verkum Hall-
dórs heitins Péturssonar núna
fyrir jólin. Verður bókin í stóru
broti, 208 blaðsíður og verða í
henni rúmlega 500 myndir —
blýantsteikningar, vatnslita-
teikningar, málverk o.fl. Nokk-
ur hluti myndanna verður
prentaður i lit.
I bókinni, sem enn hefur ekki
hlotið nafn, mun kenna margra
grasa og verður hún eins konar
sýnisbók yfir feril Halldórs sem
listamanns. Þar verða teikn-
ingar og málverk sem hann gerði
allt frá því að hann var barn þar
til hann lést árið 1977, sextíu og
eins árs að aldri. Halldór var
mjög afkastamikill listamaður
og rúmast því aðeins brot af
teikningum hans í bókinni. í
hana hefur þó verið reynt að
taka sýnishorn af öllum meiri-
háttar viðfangsefnum lista-
mannsins s.f. myndir úr teikn-
ingaflokki hans af þekktum
mönnum, fjölmargar af þeim
teikningum sem hann gerði í
Spegilinn meðan útgáfa þess
tímarits stóð með sem mestum
blóma, skopmyndir hans af
þorskastríðum og skákmótum,
að ógleymdum þeim myndum
sem Halldór teiknaði í þjóð-
sagnabækur og af íslenzku
mannlífi fyrr á öldum. Of langt
mál yrði að telja upp öll þau
viðfangsefni sem Halldór fékkst
við um ævina en við samantekt
bókarinnar hefur verið reynt að
gera þeim öllum einhver skil,
eins og fyrr segir. Indriði G.
Þorsteinsson, rithöfundur, hefur
skrifað allan texta bókarinnar
en sonur Halldórs, Pétur Hall-
dórsson, hefur annast uppsetn-
ingu hennar.
Halldór Pétursson var orðinn
landskunnur fyrir teikningar
sínar löngu áður en hann lést
árið 1977. Hann fæddist í
Reykjavík 26. september 1916 og
ólst upp þar. Halldór var sonur
Péturs Halldórssonar bóksala og
borgarstjóra í Reykjavík og
Ólafar Björnsdóttur konu hans.
Hugur Halldórs hneigðist
snemma að myndlist og byrjaði
hann að teikna og mála þegar á
barnsaldri. Hann lauk stúd-
entsprófi frá Menntaskólanum í
Þessi teikning er ein af fjöimörgum sem Ilalldór Pétursson gerði af
vikingum.
Halldór Pétursson, teiknari og
listmálari.
Reykjavík árið 1935. Næstu tíu
árin stundaði Halldór listnám
erlendis, fyrst við Kunsthaand-
værkerskolen í Kaupmannahöfn
og lauk prófi þaðan 1938. Þá við
Minneapolis School of Art til
1942 og loks við Art Students
League, New York, 1942—1945.
Að námi loknu kom hann heim
og starfaði sem listmálari og
teiknari í Reykjavík meðan hon-
um entist aldur.
Eftirlifandi eiginkona Hall-
dórs heitir Fjóla Sigmundsdóttir
og eiga þau þrjú börn, tvær
dætur og einn son.
Bók sú, sem Prenthúsið sf
mun gefa út með verkum Hall-
dórs er að sögn útgefanda ein af
örfáum listaverkabókum hin síð-
ustu ár, sem unnar hafa verið
hér á landi að öllu leyti. Hefur
ekkert verið til sparað að gera
bókina sem bezt úr garði og
verður hún hin vandaðasta að
allri gerð.
Háskóli íslands:
Fyrirlestur
um áhrif
olíuverðs á
hagkvæmni
fiskveiða
Fimmtudaginn 25. september,
kl. 17.15 verður haidinn á vegum
verkfra>ði- og raunvísindadeildar
Háskóla íslands. fyrirlestur um
áhrif olíuverðs á hagkvæmni'
fiskveiða.
Fyrirlesarinn, Norðmaðurinn
Torbjörn Digernes, er verkfræð-
ingur og hefur undanfarin 6 ár
starfað hjá Fiskeriteknologisk
Forskningsinstitutt í Þrándheimi
og fengist við tæknileg og hag-
fræðileg vandamál tengd fiskveið-
um.
í fyrirlestrinum verður rætt um
áhrif olíuverðsbreytinganna á
fiskveiðar og samsetningu fiski-
flotans í bráð og lengd.
Fyrirlesturinn verður haldinn í
húsi verkfræði- og raunvísinda-
deildar, í stofu 157 kl. 17.15, nk.
fimmtudag.
Al-Anon kynn-
ingarfundur
AL-ANON, félagsskapur aðstand-
enda drykkjusjúkra gangast fyrir
opnum kynningarfundi í safnaðar-
heimili Langholtskirkju laugar-
daginn 27. sept. n.k. kl. 13.30. Segir
í fréttatilkynningu frá samtökun-
um, að allir séu velkomnir á
fundinn.
Má bjóöa þér
Saab árœnð198Q
með meira en
milljón króna
lækkun