Morgunblaðið - 30.05.1981, Page 28

28 MORGUNBLAÐIÐ, LAUGARDAGUR 30. MAÍ 1981
Leikfélag Reykjavíkur:
Fjórar sýningar
eftir á Ofvitanum
í kvöld verður Ofvitinn sýndur í
159. sinn hjá Leikfélagi Reykja-
víkur. Þetta vinsæla leikrit, —
meistaraverk Þórbergs í leikgerð
og leikstjórn Kjartans Ragnars-
sonar, hefur verið sýnt hjá Leikfé-
laginu hátt á annað ár og ævin-
lega fyrir fullu húsi. Nú eru aðeins
4 sýningar eftir á Ofvitanum, og
þeim sem af einhverjum ástæðum
hafa dregið það að sjá sýninguna
eða þurft frá að hverfa vegna þess
að það var uppselt, er því ráðlagt
að geyma sér það ekki öllu lengur,
því nú eru síðustu forvöð. Það eru
þeir Jón Hjartarson og Emil
Gunnar Guðmundsson sem túlka
meistarann á sviðinu, og hafa þeir
báðir hlotið einróma lof fyrir
frammistöðu sína.
A sunnudagskvöldið er svo sýn-
ing á revíunni og eins og ævinlega
Jón Hjartarson og Emil Gunnar
Guðmundsson hafa hlotið ein-
róma lof fyrir að túlka meistar-
ann á sviðinu.
er uppselt á þá sýningu fyrir
löngu.
Tónleikar
vísnavina í
Hafnarbíói
í dag halda Vísnavinir tón-
leika í Hafnarbíói og hefjast þeir
kl. 15. Þar verður kynnt efni
þrettán laga hljómplötu, sem
nýlega kom út á vegum félags-
manna og nefnist „Heyrðu ...“
Að útgáfunni standa átta fé-
lagar Vísnavina, þau Aðalsteinn
Ásberg Sigurðsson, Bergþóra
Árnadóttir, Eyjólfur Kristjáns-
son, Gísli Helgason, Hjalti Jón
Sveinsson, Ingi Gunnar Jóhann-
esson, Jóhannes Hilmisson og
Örvar Aðalsteinsson, og koma
þau flest fram á tónleikunum.
Öll lögin að einu undanteknu
eru samin af þeim félögum og er
allur flutningur árangur sam-
starfs þeirra síðastliðinn vetur.
Til aðstoðar við söng og hljóð-
færaleik var fengið eftirtalið
heiðursfólk: Bergþóra Ingólfs-
dóttir, Egill Jóhannsson, Erna
Guðmundsdóttir, Helgi E. Krist-
jánsson, Kristján Þ. Stephensen,
Pálmi Gunnarsson, Sigurður
Karlsson, Sigurður Rúnar Jóns-
son og Wilma Young.
Vísnavinir bregða á leik.
„Segðu PANG“
í Borgarnesi
og Stgkkishólmi
Á morgun sýnir Breiðholtsleik-
húsið fjölskylduleikinn „Segðu
PANG!!“ í Borgarnesi og hefst
sýningin kl. 16. Á mánudagskvöld
verður svo sýnt í Stykkishólmi og
hefst sýningin þar kl. 20.30.
Þetta eru 3. og 4. sýning Breið-
holtsleikhússins á „Segðu
PANG!!“ úti á landi, en þegar
hefur verið sýnt á Akranesi og í
Garði og gengu þær sýningar vel.
Leikstjóri er Jakob S. Jónsson, en
með hlutverk Sigga og Fíu, barn-
anna í leiknum, fara þau Þröstur
Guðbjartsson og Þórunn Pálsdótt-
ir.
Eftir hvítasunnu verður svo
haldið áfram um landið með
þennan vinsæla fjölskylduleik.
Þröstur Guðbjartsson og Þórunn
Pálsdóttir í hlutverkum sinum i
„Segðu PANG!!“
Eden í Hveragerði:
Síðasta sýn-
ingarhelgi hjá
Colin Porter
Um helgina lýkur sýningu Col-
ins Porter í Eden í Hveragerði.
Þar sýnir hann 32 landslags- og
blómamyndir málaðar með akrýl-
litum.
Þetta er önnur sýning Colins
Porter í Eden og hefur aðsókn
verið góð.
Colin Porter á sýningu
sinni í Hveragerði.
Úr leikritinu „Solumaður deyr“. Framreiðslumaður ber Loman-feðg-
unum veitingar. F.v. Gunnar Eyjólfsson, Bessi Bjarnason. Andri örn
Clausen og Hákon Waage.
Þjóðleikhúsið:
Sölumaður degr -
fáar sgningar eftir
í kvöld sýnir Þjóðleikhúsið leik-
rit Arthurs Millers, Sölumaður
deyr. Er fólki bent á, að nú eru
aðeins fáar sýningar eftir, en afar
góð aðsókn hefur verið að verkinu
frá því það var frumsýnt í febrúar
sl.
I aðalhlutverkunum eru Gunnar
Eyjólfsson, Margrét Guðmunds-
dóttir, Hákon Waage, Andri Örn
Clausen, Árni Tryggvason, Róbert
Arnfinnsson, Bryndís Pétursdótt-
ir og Randver Þorláksson. Leik-
stjóri er Þórhallur Sigurðsson,
leikmyndin er eftir Sigurjón Jó-
hannsson og búningar eftir Dóru
Einarsdóttur, tónlist er eftir Ás-
kel Másson, en Dr. Jónas Krist-
jánsson þýddi leikinn.
Gustur á fjölunum
annaö kvöld
Annað kvöld verður sýning á
söngleiknum Gusti, sem frum-
sýndur var í síðustu viku. Leikur-
inn fjallar, sem kunnugt er, um
ævi hests sem var öðruvísi en
stóðið sem hann ólst upp með.
Verkinu hefur verið mjög vel tekið
og eru þegar búnar sex sýningar.
I aðalhlutverkum eru Bessi
Bjarnason, Árni Tryggvason, Arn-
ar Jónsson, Sigríður Þorvaldsdótt-
ir, Sigurður Skúlason, Flosi
Ólafsson, Róbert Arnfinnsson og
Gunnar Eyjólfsson. Þá er hópur
ungra leikara sem leikur hesta-
stóð.
Söngleikurinn er eftir Mark
Rozovskí og er byggður á sögu
eftir Tolstoj. Leikstjóri er Þór-
hildur Þorleifsdóttir, leikmynd og
búningar eftir Messíönu Tómas-
dóttur og Árni Baldvinsson sér um
lýsinguna. Árni Bergmann hefur
þýtt leikinn úr rússnesku.
Keramiksgning í
Gallerí Langbrók
í gær opnuðu þær Ragna Ingi-
mundardóttir, Rósa Gísladóttir og
Sóley Eiríksdóttir keramiksýn-
ingu í Gallerí Langbrók í Bern-
höftstorfu.
Þær stöllurnar luku prófi frá
keramikdeild Myndlista- og hand-
íðaskóla íslands á þessu vori, en
þar hafa þær numið síðastliðin
fjögur ár. Aðalkennari þeirra í
vetur var Sören Larsen, en þær
hyggjast allar halda áfram frek-
ara námi í keramiklistinni.
Sýningin í Gallerí Langbrók er
fyrsta sýning þeirra Rögnu, Rósu
og Sóleyjar utan skóla síns og var
þeim boðið að halda hana af hálfu
gallerísins. Opið er virka daga frá
kl. 12—18 og um helgar frá kl.
14—18. Sýningin stendur til 12.
júní.
Sóley Eiriksdóttir, Rósa Gísladóttir og Ragna Ingimundardóttir, sem
um þessar mundir sýna keramikmuni 1 Galleri Langbrók í
Bernhöftstorfu.
TÓU~
: ieikarí
mm Hafnar-
bíói
í kvöld verða haldnir tónleikar í Hafnarbíói við Skúlagötu og hefjast
þeir kl. 20.30. Hljómsveitin Þeyr mun þar með leik sínum gera tilraun til
að seiða til jarðar eldvagn Elía spámanns. Auk þess koma fram á
þessum tónleikum hljómsveitarinnar Clitoris, Tappi tíkarrass og Bruni
B.B. Þá mun fjöllistamaðurinn Rúnar Guðbrandsson stýra fjölda-ritu-
ali.
»
i
.Vtx* «uilm iviAÁ'i .tlsina
.iðtca t>n tad tBd