Morgunblaðið - 14.04.1982, Qupperneq 38
46
MORGUNBLAÐIÐ, MIÐVIKUDAGUR 14. APRÍL 1982
Mikið annríki í
innanlandsfluginu
Flugleiðir hafa flutt 12.000 farþega frá síðustu mánaðamótum
MIKII) annríki var í farþegaflugi
innanlands um páskana og hefur
aldrei verið meira hjá Flugleiðum og
Arnarflugi. Flutti Arnarflug 1.500
Innbrot í
bifreiðir
færast í vöxt
SÍFELLT færist í vöxt, að brotist sé
inn í bifreiðar og hljómburðartækj-
um stolið úr þeim. Um hátíðirnar var
brotist inn í nokkrar bifreiðar.
Hljómburðartækjum var stolið
úr bíl við Furugrund. Brotist var
inn í bíl við Jórufell og útvarps-
tæki stolið úr honum. Þá var brot-
ist inn í nokkra bíla við Borgartún
19 og einnig var brotist inn í bíl
við Armúla.
farþega á þessu timabili og Flugleið-
ir um 11.000.
Að sögn forráðamanna Flug-
leiða hefur gengið vel að anna far-
þegaflutningum um páskana og
hafa 12.000 farþegar alls verið
fluttir innanlands frá síðustu
mánaðaðmótum og þar af um
11.000 um páskana. Um síðustu
páska voru um 8.000 farþegar
fluttir á áætlunarleiðum Flug-
leiða. Flestir farþegar voru á leið-
inni milli Akureyrar og Reykja-
víkur, en margir fóru einnig til
ísafjarðar og Egilsstaða. Á annan
dag páska voru á milli 30 og 40
brottfarir og fluttir um 1.900 far-
þegar. Leiguþota Flugleiða var í
ferðum milli Akureyrar og
Reykjavíkur.
Arnarflug flutti um 1.500 far-
þega á áætlunarleiðum sínum svo
og í leiguflugi fyrir erlenda ferða-
m^nn. Var mikið annríki hjá fé-
laginu og hefur aldrei verið meira
um páskana.
Saga þurfti dyrastaf bifreiðarinnar í sundur til þess aö ná slösuðum farþega út.
Sex manns fluttir á slysadeild
SEX MANNS voru fluttir í slysa-
deild eftir harðan árekstur á
gatnamótum Elliðavogs og Sunda-
garða klukkan 15 á laugardag.
Volkswagen Passat-bifreið var ek-
ið í veg fyrir FIAT-bifreið, sem ek-
ið var vestur Elliðavog. Báðar bif-
reiðirnar eru ónýtar eftir árekstur-
inn og saga þurfti dyrastaf Passat-
bifreiðarinnar í sundur til þess að
ná alvarlega slösuðum farþega út.
Hann var i aftursæti bifreiðarinn-
ar, hryggbrotnaði og hlaut innvort-
is meiðsli.
Fimm ungmenni voru í Passat-
bifreiðinni. Þau voru á leið suður
Sundagarða, yfir Elliðavog en óku
þá í veg fyrir FIAT-bifreiðina. Öll
voru þau flutt í slysadeild og auk
þess farþegi í FIAT-bifreiðinni.
Nýjung á íslandi:
Hagtala h.f. kynnir hugbúnaðarþjónustu,
þá fyrstu sinnar tegundar.
Boðiö er upp á þrautreynd kerfi á sviði stjórnunar,
bókhalds, áætlunargerðar og rekstrareftirlits í fyrirtækjum.
Við leggjum áherslu á efftirfarandi:
• Aö vera óháðir einstökum tölvumerkjum.
• Að hugbúnaður sé valinn á undan tölvubúnaði.
• Aó skilgreining á þörfum og kröfum til tölvulausnarinnar
liggi fyrir strax í upphafi.
• Að tölvukerfi sé valið með framtíðarmöguleika í huga.
• Að veita fyrirtækjum alhliða ráðgjöf varðandi
endanlega tölvulausn.
• Að nýta sérþekkingu rekstrarráðgjafa Hagvangs h.f.
Kerfin hafa nú þegar verið aðlöguð aö
eftirtöldum tölvutegundum:
Radio Schack TRS 80, Model II
North Star Horizon
Commodore 8032
Lítið inn og aflið ykkur upplýsinga, við erum
sannfæröir um að ferðin mun borga sig.
HAGTALA H/F
GRENSÁSVEGI 13 — 108 REYKJAVÍK — SÍMAR 81706 & 83666
Siglufjörður:
Bæjarstjórn stefnt
fyrir Félagsdóm
DEILUR eru nú á milli Starfs-
mannafélags Siglufjarðar og bæjar-
stjórnar um félagsréttindi nokkurra
launþega kaupstaðarins og stofnana
hans. Deilt er um heimild fólks til
þess að vera félagar í SMS og að
félagið annist samningagerð fyrir
hönd fólksins, en ekki Verkalýðsfé-
Karatemynd
í Nýja Bíói
NÝJA BÍÓ sýnir nú karatemyndina
Keddararnir. Ekki gat orðið af því
að Óskarsverölaunamyndin Eld-
vagninn yrði páskamynd bíósins, en
hún verður tekin til sýninga fljót-
lega.
Reddararnir fjallar um starfs-
hóp leyniþjónustu Bandaríkjanna,
sem hefur það verkefni að ná til
fyrrverandi starfsmanns leyni-
þjónustunnar, en sá hefur í hyggju
að gefa út bók um þá starfsreynslu
sína.
Einn reddaranna snýst þó gegn
vinnuveitanda sínum og gengur í
lið með bókarhöfundinum og syst-
ur hans. Og til lokaátakanna kem-
ur, þegar bókin er um það bil að
koma á markaðinn.
Fjölmargir
fundir hjá
sáttasemjara
SAMNINGANEFNDIR starfs-
manna í ríkisverksmiðjunum og
rikisvaldsins komu saman til samn-
ingafundar hjá sáttasemjara ríkisins
í gærdag og stóð fundurinn fram eft-
ir degi, án þess að sjáanlegur árang-
ur hafi náðst.
Fulltrúar ASÍ og Vinnumála-'
sambands Samvinnufélaga koma
saman til fundar hjá sáttasemjara
klukkan 13.30 í dag og skömmu
síðar hittu fulltrúar ASÍ fulltrúa
Vinnuveitendasambands Islands
hjá sáttasemjara. Samband bygg-
ingamanna mun einnig hitta við-
semjendur sína hjá sáttasemjara í
dag.
lagið Vaka sem hefur farið með
samningagerð þessa fólks, sem áður
var í Vöku en hefur nú sagt sig úr
félaginu og gengið í SMS.
BSRB samþykkti á fundi þann
1. apríl að annast stefnu fyrir Fé-
lagsdómi á hendur bæjarstjorn
vegna þessa máls. Meirihluti bæj-
arstjórnar (Alþýðubandalagið og
Alþýðuflokkurinn) er andvígur
því, að SMS annist samningagerð-
ina, að því er segir í landsmála-
blaðinu Siglfirðingi. Guðmundur
Yngvi Sigurðsson, lögfræðingur,
var fenginn til þess, að semja
álitsgerð um kröfu starfsmann-
anna.
Áður hafði SMS sent BSRB
ályktun vegna seinagangs og er
hún svohljóðandi: „Fundur stjórn-
ar Starfsmannafélags Siglufjarð-
arfhaldinn fimmtudaginn 4.3.
1982, mótmælir harðlega frekari
seinkun af hálfu BSRB á því að
stefna Bæjarstjórn Siglufjarðar
fyrir Félagsdóm, eins og SMS fór
fram á með bréfi dags 24.11 1981,
enda sér stjórn SMS engin rök
fyrir frekari drætti málsins eftir
að hið afdráttarlausa álit Guð-
mundar Yngva Sigurðssonar,
lögfræðings, liggur fyrir.
Hafi BSRB ekki stefnt málinu
fyrir Félagsdóm þann 31.3 nk. lít-
ur stjórn SMS svo á, að bandalag-
ið hafi neitað erindi SMS frá 24.11
sl. og þar með afsalað sér frekari
rétti til afskipta af stefnunni og
mun SMS annast málareksturinn
sjálft eftir það.“
Funda um
tölvuendur-
skoðun
FELAG áhugamanna um tölvuend-
urskoðun og félag löggiltra endur-
skoðenda gangast fyrir sameiginleg-
um fundi í kvöld klukkan 20.30 í
stofu 201 i Arnagarði.
Þar mun Jón Þór Þórhallsson
ræða um almennar öryggisaðgerð-
ir í tölvumiðstöðvum. Fundurinn
er sérstaklega ætlaður sem kynn-
ing á tölvuendurskoðun fyrir lög-
gilta endurskoðendur, en er einnig
opin öðrum þeim er hafa áhuga.