Morgunblaðið - 14.04.1982, Blaðsíða 40
Síminn á afgreiðslunni er
83033
MIÐVIKUDAGUR 14. APRÍL 1982
Skartgripaþjófnaður
í Gulli & Silfri:
Maður i
gæzluvarð-
haldi vegna
þjófnaðarins
TÆI’IÆGA tvítugur maður var á
mánudagskvöldið úrskuröaður í
gæzluvarðhald vegna rannsóknar
KLK á stórfelldum skartgripaþjófn-
aði. Aðfaranótt skírdags var brotizt
inn í skartgripaverzlunina Gull &
Silfur á Laugavegi 35 og þaðan var
skartgripum að andvirði liðlega 800
þúsund króna stolið.
Helzt er talið að þjófnaðurinn
hafi verið framinn á milli kl. 5 og
6 um morguninn, en RLR barst
tilkynning um þjófnaðinn kl. 6.30.
Þjófarnir brutu rúðu á hurð verzl-
unarinnar og komust þannig inn.
„Um 400 hlutir voru teknir úr
verzluninni og voru aðeins gull og
demantar teknir; silfur var ósnert.
Þeir tóku aðeins dýrustu hlutina
og virðist þjófnaðurinn hafa verið
vel skipulagður," sagði Magnús
Steinþórsson, einn eigenda verzl-
unarinnar, en Gull & Silfur er
fjölskyldufyrirtæki í eigu hjón-
anna Steinþórs Sæmundssonar og
Sólborgar Sigurðardóttur og sona
þeirra, Magnúsar og Sigurðar.
Gull & Silfur hefur heitið góð-
um verðlaunum þeim, sem geta
gefið upplýsingar, sem leiða til
handtöku þjófanna; glæsilegan
demantshring. Fyrir skömmu var
brotizt inn í skartgripaverzlun
Kornelíusar og skartgripum stolið
að andvirði um 150 þúsund króna.
Hveragerði:
Flöskukastari
handtekinn
Iheraj'erói l.'l. apríl.
SÁ ATBI:RÐI R gerðist hér í Hvera-
gerði rétt fjrir páskahátíðina að
maður fleygði áfengisflösku i glugga
íbúðarhúss með þeim afleiðingum að
rúðan brotnaði og dreifðust glerbrot-
in yfir svefnherbergi hjónanna. Varð
af mikill hávaði og aðkoman órógur.
Ilúseigendum brá illa i brún, því sjö
mánaða gamall sonur þeirra svaf eft-
irmiðdagsblundinn í rúmi sinu í einu
horni herbergisins. Barnið hrökk
upp með gráti en reyndist ómeitt, því
þykk gluggatjöld höfðu komið í veg
fyrir að glerbrotin lentu í rúmi þess,
en sterk sól var þennan dag. Lög-
reglan náði manninum, sem var
drukkinn og játaði hann gáleysi sitt.
Ætla mætti að flöskukast væri
þjóðaríþrótt íslendinga, því segja
má að hvergi sé hægt að þverfóta
fyrir öl- og vínflöskum, jafnt í
byggð og óbyggðum í okkar fagra
landi. Getur slíkt talist sæmandi
menningarþjóð?
Sigrún.
Áburöur hækk-
ar um 60%
Aburðarverksmiðju rikisins hefur
verið heimilað að hækkka fram-
leiðslu sina um 60%, að sögn
Sveinbjörns Dagfinnssonar, ráðu-
neytisstjóra í landbúnaðarráðuneyt-
inu.
Verksmiðjan hafði farið fram á
67% hækkun í ár, en áburðarverð er
ákveðið einu sinni á ári.
pi ‘mm |
, - 'W. ~ |
wL^;x^:.mí
v'" >■*
r ■ 9 Æ Wj* 1
W 1
Guðjón sýnir félögum sínum boltann í gærmorgun hróðugur á svip.
I.jósm. Mbl.: Hclyi Bjarna.son.
GUÐJÓN BÚINN AÐ FÁ BOLTANN SINN
GIIDJÓN í Borgarnesi fékk bolt-
ann sinn í gærmorgun, en sem
kunnugt er fannst boltinn á eyju
við Norður-Noreg fyrir nokkrum
mánuðum, eftir að hafa rekið frá
Borgarnesi, en þar missti Guðjón
boltann í sjóinn á sínum tima.
„Ég kannast strax við boltann,"
sagði Guðjón þegar honum var af-
hentur boltinn og var hann harla
glaður yfir að hafa fengið boltann.
„Hvernig ég týndi boltanum? Jú,
ég var í fótbolta í kirkjugarðinum
og vinur minn, sem var með mér.
sparkaði boltanum í sjóinn, út í
Borgarvog og þaðan rak boltann á
haf út. Ég vil nota tækifærið og
þakka stráknum í Noregi, sem
fann boltann minn.“
Góður markaður er nú
fyrir niðursoðna rækju
Rækjukvótinn aukinn tvisvar aö beiðni lagmetisframleiðenda
MJ(K1 góður markaður er nú fyrir
niðursoðna rækju á Evrópumörkuð-
um, en þó fyrst og fremst í V-Þýzka-
landi. Er eftirspurn það mikil að
framleiðendur innanlands hafa átt
erfitt með að útvega nægilega mikið
hráefni í niðursuðuna. Meðal annars
vegna þessa hefur sjávarútvegsráðu-
neytið aukið rækjukvótann í ísa-
fjarðardjúpi tvisvar sinnum á yfir-
standandi vertíð, í hvort sinn um 300
lestir. Lpphaflega var rækjukvótinn
þar 2400 lestir, en með viðbótunum
er kvótinn orðinn 3000 lestir.
Heimir Hannesson hjá Sölu-
stofnun lagmetis sagði í samtali
við Morgunblaðið í gær, að mark-
aður fyrir niðursoðna rækju hefði
tekið mikið við sér í Evrópu að
undanförnu, en þó sérstaklega í
Þýzkalandi. Þar væri eftirspurn
mjög mikil og framleitt í sífellu
fyrir þann markað.
„Miðað við síðari ár hefur eftir-
spurnin eftir niðursoðinni rækju
aukizt mikið og það, sem nú stend-
ur helzt á, er skortur á hráefni.
Samkvæmt beiðni okkar hefur
kvótinn verið aukinn tvívegis, um
300 lestir í hvort sinn, og fram-
leiðendur niðursoðinnar rækju eru
tilbúnir að borga útflutningsverð
fyrir rækjuna. Rækjan verður
mun verðmætari afurð, þegar búið
er að sjóða hana niður, heldur en
ef hún væri flutt út frosin. Það
fylgir því veruleg verðmætasköp-
un þessari framleiðslu innan-
lands," sagði Heimir.
Tæring
fannst
í DC-8
TÆRING, sem fannst undir
flugstjórnarklefa DC-8-þotu
Flugleiða, TF-FLB, hefur taf-
ið vélina úr viðamikilli skoð-
un í Luxemborg, en vélin átti
að komast í gagnið fyrir
páska. Er vélin væntanleg inn
á Atlantshafslciðina í dag að
sögn Leifs IMagnússonar
framkvæmdastjóra flug-
rekstrarsviðs Flugleiða.
Að sögn Leifs er ekki vit-
að hvað olli tæringunni,
hugsanlega hefði eitthvað
lekið á málminn og valdið
skemmdum, en nú væri bú-
ið að gera við þetta.
Að sögn Sveins Sæ-
mundssonar blaðafulltrúa
Flugleiða raskaði þessi töf
nokkuð áætlun Flugleiða,
en þó ekki þannig að nein
vandamál sköpuðust.
400 þúsund % hækkun sekta
vegna eggja- og ungaþjófnaða
SEKT vegna stuldar á eggjum villtra fugla og ungum getur orðið allt að 1
milljón króna samkvæmt frumvarpi dómsmálaráóhcrra um breytingar á
50 lagastöfum varóandi sektarákvæði í ýmsum sérlögum þar sem m.a. er
fjallaö um sektarákvæói varðandi brot á fuglafriðunarlögunum. Miðaö
við lágmarkssekt fyrir stuld á eggjum er hér um 400 þúsund % hækkun
að ræða miöað við þau lög sem nú eru í gildi, en þar er lágmarkssekt 2 kr.
og 50 aurar, en hámarkssckt 100 kr. Gildandi sektarákvæði fyrir fugla-
stuld er 5 kr. til 150 kr., en hækkar einnig í allt að 1 millj. kr.
Samkvæmt upplýsingum
Baldurs Möllers ráðuneytis-
stjóra er vonazt til að umrætt
frumvarp taki gildi á yfirstand-
andi þingi, en hann kvað gert ráð
fyrir því að síðan yrði um að
ræða samspil milli dómstóla og
saksóknara um samræmingu á
sektardómum. Baldur kvað
frumvarpið ná til 50 lagastafa af
um 300 alls varðandi sérlög sam-
kvæmt almennum hegningarlög-
um og hefði verið ákveðið að
taka ekki fleiri fyrir nú til þess
að frekar ynnist tími til að koma
brýnum þáttum í gegn um af-
greiðslu Alþingis.
Dr. Ævar Petersen fuglafræð-
ingur og formaður Fuglafriðun-
arnefndar sagði í samtali við
Mbl. í gær að það væri augljóst
öllum að núgildandi ákvæði
væru beinlínis hlægileg, því gild-
andi sektarákvæði skiptu engu
máli fyrir þá sem á annað borð
ætluðu að brjóta lögin. Kvaðst
Ævar vona að með hækkun sekt-
arákvæða samkvæmt frumvarp-
inu yrði breyting til batnaðar og
aukið aðhald, en hann benti á að
1 milljónar króna hámarkssekt
sem miðað er við var sett á blað
þegar tillögurnar voru samdar
árið 1977 og kvað Ævar augljóst
hvað sú upphæð hefði rýrnað
síðan. Ævar kvað helztu refs-
ingu útlendinga fyrir brot á
fuglafriðunarlögunum hafa ver-
ið brottvísun úr landi í 5 ár og
einnig frá öðrum Norðurlöndum.