Morgunblaðið - 01.10.1982, Blaðsíða 18
18
MORGUNBLAÐIÐ, FÖSTUDAGUR 1. OKTÓBER 1982
Frumsýning á Skilnaði
eftir Kjartan Ragnarsson
Leikfélag Reykjavíkur:
KYRSTA frumsýning á því leikári, sem nú er að hefjast hjá Leikfélagi
Reykjavíkur, verður sunnudaginn 3. október nk. Þá verður frumsýnt leikritið
Skilnaður eftir Kjartan Ragnarsson, en tvær forsýningar voru á því á Lista-
hátíð í sumar.
Á blaðamannafundi, sem efnt
var til vegna leikritsins, kom m.a.
fram að upphaflega átti að byrja
að sýna það fyrr í haust, en sökum
óviðráðanlegra orsaka tafðist
frumsýningin í nokkurn tíma.
Leikstjóri Skilnaðar er Kjartan
Ragnarsson. Steindór Sigurðsson
hannaði leikmynd og búninga, en
tónlist og leikhljóð samdi Áskell
Másson. — Lýsing er í höndum
Daníels Williamssonar. Leikarar
eru 6: Guðrún Ásmundsdóttir, Jón
Hjartarson, Valgerður Dan, Soffía
Jakobsdóttir, Aðalsteinn Bergdal
og Sigrún Edda Björnsdóttir.
Um efni leikritsins vildi Kjart-
an Ragnarsson hafa sem fæst orð,
en eins og nafnið benti til fjallaði
það um skilnað. — Segja mætti þó
að leikritið væri lýsing á lífi frá-
skilinnar konu á miðjum aldri; og
því tímabili sem hún væri að yfir-
stíga skilnaðinn. Kjartan kvaðst
taka afstöðu í leikritinu og hefði
hann fjallað um þetta þjóðfélags-
fyrirbæri, skilnað, eins og það
kæmi honum sjálfum fyrir sjónir.
En hann lagði á það áherslu að
hér væri ekki um neina lausn á
þessu margslungna vandamáli aö
ræða, enda væri ekki unnt að
kryfja það til mergjar. Hins vegar
ættu áhorfendur að draga álykt-
anir af efni leikritsins.
Aðspurður um ástæðu þess að
hann hafi samið Skilnað svaraði
Kjartan því til, að uppi væri sú
þjóðsaga í þjóðfélaginu að lífið sé
velsæld og leiðindi. Fyrir þá sök
væri oft og tíðum horft framhjá
hinum manneskjulegu hliðum
þess og kvölum. Hann sagði enn-
fremur að form og innihald leik-
ritsins væri nokkuð ágengt. — Það
stafaði ekki einvörðungu af tækni-
legum ástæðum, heldur hefði til-
gangurinn einnig verið að ná tök-
um á áhorfandanum.
Það kom fram á fundinum að sú
nýbreytni hefur verið tekin upp í
Iðnó með Skilnaði, að leikurinn
gerist á miðju gólfi í áhorfenda-
salnum. M.ö.o. er hið hefðbundna
svið ekki notað. heldur sitja áhorf-
endur umhverfis leikarana á fjóra
vegu. — Þetta mun hafa í för með
sér fækkun sæta, en alls verður
rúm fyrir 175 áhorfendur eftir
breytinguna. Kjartan kvaðst hafa
ákveðið formið á leiknum í sam-
ráði við Steinþór Sigurðsson áður
en hann hóf samningu Skilnaðar.
Að dómi Kjartans væri þetta erf-
iðara form en þegar um venjulegt
leiksvið væri að ræða, en að sama
skapi skemmtilegra, bæði fyrir
leikarana og hann sjálfan. Og eitt
helzta markmið með þessu væri að
gera verkið áleitnara fyrir áhorf-
endur, því að leikarar komast í
nánari snertingu við þá fyrir vik-
ið.
Stefán Baldursson og Þorsteinn
Gunnarsson, leikhússtjórar Leik-
félags Rcykjavíkur, sögðu að líta
mætti á þetta leikrit sem tilraun
til að venja leikara LR við
hringsvið, enda kæmi sviðið í öðr-
um sal hins væntanlega Borgar-
leikhúss til með að verða þannig.
Kjartan sagði að engin leiktjöld
væru notuð í verkinu, en í staðinn
hefðu komið eins konar hljóðtjöld.
Hér væri um að ræða kvatrattón-
list sem skipaði veglegan sess í
sýningunni.
Loks má geta þess að Skilnaður
er fimmta leikrit Kjartans Ragn-
arssonar sem sett er á svið í Iðnó.
Áður hafa leikritin Saumastofan,
Blessað barnalán, Ofvitinn og Jói
verið sýnd þar.
Góð karfa-
sala hjá Vigra
Kindakjötskynning
í Afurðasölu SÍS
í þessari og næstu viku stendur
yfir kynning á nýju og ófrosnu
kindakjöti í Afurðasölu SÍS við
Laugarnesveg. Steinþór Þor-
steinsson, deildarstjóri Afurðasöl-
unnar, sagði í samtali við Mbl. að
kynningin væri í því fólgin að
neytendum gæfist kostur á að
skoða nýtt kjöt í heilum skrokkum
þar sem allir flokkar og allar
stærðir af kjötinu væru til staðar
og sýnis á einum stað. Neytandinn
gæti borið saman og séð mismun á
hinum ýmsu tegundum kjöts og
þannig áttað sig á hvað honum
hentaði.
Steinþór sagði að kjötfram-
leiðslan byði uppá mikla fjöl-
breytni, hægt væri að fá magurt
kjöt eða feitt, stóra skrokka eða
litla, allt eftir því til hvers nota
ætti kjötið. Ef þessi kynning yrði
til þess að neytendur gætu í fram-
tíðinni frekar valið sér það kjöt
sem þeim hentaði væri tilgangin-
um náð.
Að lokinni heimsókn sinni á
kynninguna eru neytendurnir
beðnir um að útfylla eyðublað.
Steinþór sagði að lokum að gert
væri ráð fyrir því að svörin yrðu
notuð til viðmiðunar í hugsanleg-
um breytingum á mati og flokkun
kindakjöts.
1000-
krónurút!
Gullbrúðkaup
GULLBRÚÐKAIJP eiga í dag, 1.
okt., frú Ingibjörg Jónsdóttir og Ing-
ólfur Fr. Hallgrímsson, fram-
kvæmdastjóri, Strandgötu 45,
Eskifirði. Ingólfur var um árabil í
hreppsnefnd Eskifjarðarhrepps
fyrir Sjálfstæðisflokkinn. Hann
var framkvæmdastjóri Hrað-
frystihúss Eskifjarðar og hefur nú
um árabil rekið umboðsskrifstofu
þar í bænum fyrir Skeljung hf.,
Eimskipafélag Islands og fleiri.
Philipseldavélar
Við erum sveigjanlegir i samningum
heimilistæki hf.
TVÖ skip seldu afla sinn, mest karfa,
í Þýzkalandi í gær. Annað þeirra,
Vigri, fékk mjög gott verð fyrir afl-
ann.
Vigri RE seldi 220,7 lestir í
Rremerhaven. Heildarverð var
2.756.400 krónur, meðalverð 12,49.
Jóhann Gíslason ÁR seldi 49,5 lest-
ir í Cuxhaven. Heildarverð var Aðalsteinn Bergdal, Guðrún Ásmundsdóttir, Sigrún Edda Björnsdóttir, Soffía Jakobsdóttir og Valgerður Dan í
479.500 krónur, meðalverð 9,68. hlutverkum sínum í Skilnaði eftir Kjartan Ragnarsson.
HAFNARSTRÆTI 3 - 20455 - SÆTÚNI 8 -15655
Atlas hf
ARMULA 7 SÍMI 26755
Háþrýstidælur, mótorar,
ventlar og stjórntæki í
vökvakerfi til sjós og
lands.
Einkaumboð á íslandi.
Perusala Lionsfélaga í
Garða- og Bessastaðahreppi
Á MORGUN, laugardaginn 2. okt., munu félagar í Lionsklúbbi Garða- og
Bessastaðahrepps ganga í hús í sveitarfélögunum og bjóða Ijósaperur til sölu,
segir í fréttatilkynningu frá fjáröflunarnefnd klúbbsins. Að þessu sinni
rennur allur ágóði til aldraðra.
Lionsfélagar þakka stuðning á undanförnum árum og vona, að íbúar
Garða- og Bessastaðahrepps taki vel á móti þeim, nú eins og endranær,
og styrki aldraða um leið og þeir kaupa sér ljósaperur til vetrarins.
Síldveiði að glæðast
út af Austfjörðum
Mest saltað í Neskaupstað
SÍLDVEIÐI er nú heldur að glæðast og síðasta sólarhring var þokkaleg veiði
í nót út af norðanverðum Austfjörðum. Nótaskip hafa nú landað á annað
þúsund lestum, reknetaveiðar eru að komast á skrið og fyrir nokkru höfðu
lagnetabátar landað rúmlega 1.000 lestum. Veiðar í lagnet hafa aðallega
verið stundaðar á svæðinu frá Siglunesi austur að Tjörnesi og einnig utan
Grindavíkur. Veiðar í nót og reknet hafa helzt verið á Þistilfirði, Vopnafírði
og Bakkaflóa. Mest hefur verið saltað í Neskaupstað eða í um 2.500 tunnur.
Hjá Síldarvinnslunni í Nes-
kaupstað gengur síldarsöltun vel,
en nokkur skortur er á karl-
mönnum við vinnsluna. Um há-
degið í gær höfðu verið saltaðar
þar 2.300 tunnur og þá var Magnús
NK á leið til hafnar með um 100
lestir. Nótaskipið Börkur hefur
þegar landað um 280 lestum af
síld í Neskaupstað, en lítið hefur
borizt þangað af öðrum bátum.
Á Eskifirði er saltað á þremur
stöðum og um miðjan dag í gær
hafði verið saltað samtals í um
1.000 tunnur þar. Hjá söltunar-
stöðinni Friðþjófi hafði verið salt-
að í tæpar 500 tunnur, en þar
hófst söltun á laugardag. Þá var
Sæljónið SU að koma með um
1.300 tunnur til löndunar þar. I
söltunarstöðinni Auðbjörgu hófst
söltun á miðvikudag og um miðjan
dag í gær höfðu verið saltaðar þar
um 400 tunnur. Þá var von á Gísla
Árna inn með um 1.200 tunnur, en
áður hafði hann landað um 600.
Einnig hefur söltunarstöðin feng-
ið afla af Grindvíkingi og tveimur
reknetabátum. Á Eskifirði er
sömu söguna að segja hvað varðar
skort á karlmönnum til vinnsl-
unnar.
Þá barst fyrsta síldin tjl Hafnar
í Hornafirði í gær, er Þórkatla II
frá Grindavík kom þangað með
um 100 tunnur. Auk þessara staða
er meðal annars saltað í Siglu-
firði, á Húsavík, Vopnafirði, Reyð-
arfirði og í Grindavík.